Білім кілті – кітапхана

Білім кілті – кітапхана

(Кітапханамен танысу сабағы)

Құрметті кішкентай 1 -2^а-2^ә сынып оқушылары «Білім кілті - кітапхана» атты саяхатпен таныстырайын. Оның мақсаты кітапты күтіп ұстауға, оны дұрыс таңдауға, оқып шыққанын түсінуге, кітапхана қорын пайдалана білуге тәрбиелеу.

Библиотека – библио – кітап , тека – сақтау – бұл кітапты сақтайтын орын немесе кітаптар тұратын үй деп аталатын.

Абонемент – кітапты оқуға үйге беретін бөлім.

Оқу залы – мұнда газет, журналдардың жаңа сандарын, сөздіктер мен энциклопедиялар оқиды. Оқу залында кітап үйге берілмейді.

Кітапханашы – сенің ең жақын досың.

Кітап сөресі – онда кітаптар қойылады.

Оқырман – кітапханадан кітап алып, не оқу залында оқу үшін сол кітапханаға жазылған адам.

Мектепке алғаш қадам басқанда сендер әріп танымайсыңдар, кітап оқи алмайсыңдар. Енді міне алғашқы ұстаздарың – апайларың арқылы сендер түрлі қызықты кітаптарды ешкімнің көмегінсіз өздерің – ақ оқи аласыңдар. Біздің ата – бабаларымыз /Кітап – көп ақылдың құйылған көлі/, /кітап – білім бұлағы/, /кітап ғажайып дос/ - деп бекер айтпаған. Барлық білімді біз кітаптан аламыз, кітап бізді қайырымдылыққа, адалдыққа, әділдікке, зұлымдық пен күресе білуге үйретеді. Кітапханадағы кітаптар он күнге беріледі.

Балалар, кітап – шебер үстаз, тілсіз мұғалім. Кітап – адал, асыл дос, қойған жеріңде жатады. Кітаптарды аялап, күтіп ұстауымыз керек.

*Кітап беттерінің бұрыштарын бүктеме.

*Кітап мұқабасын бүлінбес үшін қаптап ал.

*Кітап беттерін жыртпа.

*Кітапқа сурет салма, жазба.

*Тамақ ішіп отырып кітап оқыма.

1 ереже. Кітап беттерінің арасына қарындаш, қалам салма.

2 ереже. Кітапханада шулауға болмайды, өйткені басқа оқырмандарға кедергі келтіресің.

3 ереже. Кітапты ұқыпты таза ұстауға керек, өздеріңнен кейінгі оны көптеген балалар оқитынын естен шығармау керек.Әйтпесе басқа оқырман күтіп қалады.

4 ереже. Кітапты жоғалтып алма.

5 ереже. Кітап оқырда орындыққа түзу отыр.

6 ереже. Кітапты жәй, асықпай ой жүгіртіп оқысаң жақсы түсінесің.

7 ереже. Кітаптың ішіндегі суреттерін ғана көріп, арасынан теріп оқымай соңына дейін оқы.

Кітаптарда адам сияқты өмірге келеді, өмір сүреді, қартаяды. Олар да біз сенімді ауырып қалуы мүмкін. Сол үшін кітаптарды аялап ұстауымыз керек.

Бүгіннен бастап міне кітапханамен таныс болдыңдар. Өздерің қалаған уақытта келіп, оның сиқырлы қазынасын пайдалануларыңа болады.