Циклограмма

Балалар өмірін ұйымдастыру және тәрбиелеуді

Күннің І-ші жартысы

Серуен. Серуен кезінде балалармен ойын және еңбек іс-әрекеті.

Сәрсенбі 08.10.14

Таңертеңгілік қабылдау.

Сюжеттік-рольдік ойындар.

Еңбек іс-әрекеті.

Жаттығу.

Гигиеналық шаралар.

Таңғы ас.

Ойындар.

«Сәлеметсіңдер ме, балалар?». Балаларды топқа қабылдап аламын. Балалардың көңіл-күйлерін, қалай ұйықтағандары жөнінде балалардан сұраймын. Мысалы: «Қалдарың қалай?», «Балалар ұйқыларың қанды ма?», «Көңіл-күйлерің қалай? » және ата-аналармен әңгіме жүргіземін. Балаларының балабақшаға келуге деген ниеттері қандай екендіктері, олардың таңертең ұйқылары қанып тұру үшін жағдай жасап жүрсіздер ме деген сұрақтарға жауап ала отырып әңгімелесемін. Сосын балаларды топқа кіргіземін.

Бүгін «Аурухана» сюжеттік-рөлдік ойынын ойнатамын. Бұл ойындардың мақсаты: балалардың бір-бірімен тығыз қарым-қатынасқа түсуге, ұжымдық ойнауға тәрбиелеу.

Балаларға рөлдерді бөлуге нұсқау беремін. Ол үшін балаларға мынандай сұрақтар қоямын: «Балалар кім аурухана ойынын ойнағысы келеді? Жақсы ендеше әуелі рөлдерді бөліп алайық.». « Ал кім дәрігер болғысы келеді?- Жақсы, Ислам сен дәрігер боласың», «Ислам дәрігердің киімі қандай болады?-басында ақ бас киім, үстінде ақ халат және стетоскоп болады». «Иә, дұрыс айтасың. Ал кім медбике болады?- Жарайды, Томирис сен медике боласың. Ал медбикенің киімдері қандай болады?- Медбикенің басында қызыл түсті қосудың суреті бар ақ бас киім, және үстінде ақ халат болады. Жақсы, ал қалғандарың ем қабылдаушылар боласыңдар. Сосын сәлден соң рөлдерді алмастырып ойнайсыңдар.»

Кезекші балалар Санжар мен Ислам тәрбиешінің көмекшісіне таңғы асқа үстел жасауға көмектеседі. Әуелі олар бастарына ақ орамал, ал үстілеріне алжапқыш киеді. Ислам тәрелкелерді солардың оң жағына қасықтарды қойып шықса, Санжар бокалдарды тұтқасын сыртқа қаратып қойып шығады және нан салынған ыдыстарды әрбір үстелге бір-бірден үстелдің ортасына қойып шығады.

Балаларды жуынуға апарғанда «Су, су, беті-қолымды жу» ойын жаттығуын қолданамын. Бын – бын – бын қолымда қатты сабын

Су – су – су беті-қолымды жу.

Ал – ал – ал қолымда таза орамал. Балалардың қолдарын сабынмен көпіртіп жуғызып, жуып болған соң су қолдарын сілкімей ілініп тұрған өздеріне тиесілі орамалдарға қолдарын құрғатып сүрту керектігін қадағалаймын.

Таңғы ас ішкенде «астарың дәмді болсын!» дей отыра, үстел басында дұрыс отыру керек екендігінде айта кетемін. Орындыққа отырғанда арқаны тік үстап, үстелге қатты тақамай ыңғайлы отырып, оң қолмен қасықты сол қолмен нанды ұстау керектігін, сондай-ақ тамақтанып отырғанда сөйлемеу керек екендігін айтамын.

Балалар енді бағанағы «аурухана» ойынын жалғастырайық. «енді кім дәрігер, ал кім медбике болады?- Жақсы Дархан сен дәрігер ал Гүлім сен медбике боласың. Ал қалғандарың ем қабылдаушылар боласыңдар. Сосын сәлден соң рөлдерді алмастырып ойнаңдар».

«Табиғат аясында». Серуен.

Серуенге дайындық.

Серуен.

Табиғатпен таныстыру,

Еңбек

Ойындар.

Серуеннен қайту.

Гигиеналық және шынықтыру шаралары.

Балалар біз қазір серуенге шығамыз. Киінген кезде ең алдымен аяқ жақтан бастап киінеміз, сосын үстімізді киеміз. Сырт киімдерін дұрыс киюлерін қадағалаймын.Балаларға жылы әрі жылдам киінулері керек екендігін айтамын. Кейбір балаларға киінуге жәрдемдесемін. Балаларды екі-екіден сапқа тұрғызған соң баспалдақтан абайлап түсу керектігін айтып, серуенге шыққан кезде жүгірмеулерін ескертемін. Аулаға шыққанда саптан қалмай, сапты бұзбай жүрулері керектігін ескертемін.

Аулаға барған соң балалармен желді бақылаймыз. Әуелі жел туралы тақпақ оқимын: Желдің қайда тұрағы

Біле алмадым мұны әлі

Білерім жер бетінің

Жел – жүйіткіген пырағы. Сосын балалардың жел туралы білетін түсініктерін сұраймын. Әрі «Далада жел бар ма?», «Жел қатты соғып тұр ма, әлде жай ма?», «Жылы жел ма?», «Неге суық жел соғып тұр?» деген сұрақтар қоямын.

-Балалар, енді бәріміз бірге ауламызды тазартайық. Жапырақтарды және шыбықтарды бір жерге үйіп жинап қояйық. Қанекей, кім жақсы жинайды екен, сол балалармен ойын ойнаймыз.

- Жарайсыңдар балалар! Сендер бүгін үлкен іс атқардыңдар.

Еңбек әрекетінен соң «Күн мен жел» қ/о ойнатамын. Мақсаты: Балаларға табиғат құбылыстарын сезіне білуге үйрету. Шарты: бір бала күн, екінші бала жел, ал қалған балалар ойыншылар болады. Күн болып тұрған бала «күн»деп орнынан тұрғанда балалар жүгіреді, ойнайды. «Жел» деп екінші бала орнынан тұрып гуілдегенде барлық бала бастарын жасырып тығылады. Ойын 2-3 рет қайталанып, жел мен күн жаңадан сайланып отырады.

Балаларды топқа кіргіземін. Топқа кіргізер алдында балаларға үстілерін дұрыстатып, сапқа тұрғызамын. Топқа кірген соң ең әуелі аяқ киімдерін шешіп, онысөреге жинап, сосын бас жақтан бастап шешінуі керектігін, сырт киімдерін дұрыс әрі тиянақты ілулерін қадағалаймын.

-Балалар, біздің қолдарымыз серуенде жүргенде кірлеп қалды, сондықтан сабынмен қолымызды жақсылап көпіртіп әрбір саусағымызды салалап жуып, орамалға жақсылап сүртейік. Балаларға қолдарын жуғызарда мына өлең жолдарын қолданамын:

Су – су мөлдір су

Менің қолымды сен жу

Екі алақаным

Айнадай жарқырасын.

«Тәтті ұйқы».