Тақырыбы:

«Диалогтық оқыту»

Сілтеме

Мұғалімге арналған нұсқаулық. 98-103 беттер аралығы.

Жалпы мақсаты

Оқыту мен оқудағы жаңа тәсілдердің бірі «Диалогтік оқыту» модулінің мазмұнымен және оның оқытудағы тиімділігі туралы түсінік беру, диалогтік оқытуды қолданудың шарты мен түрлі амал- тәсілдерін ұғындыру.

Оқу нәтижелері

Диалог сабақта оқушылардың қызығушылығын арттырумен қатар олардың білім деңгейлерінің өсуіне үлес қосады. (Мерсер мен Лилтон 2007 ж.)

Негізгі идеялар

Құрдастар арасындағы өзара қарым-қатынас,оқытудағы әңгіме оқуда маңызды рөл атқарады

Ұйымдастыру

I.Тренинг.Мұғалімдер бір-біріне үлкен жүрек

сыйлау арқылы жылы лебіздер айтады.

II. Топқа бөлу. Түрлі-түсті конфеттер таратылады. Конфеттің туріне қарай топқа бөлінеді.

Қызығушылығын ояту.

1. Видеоролик көрсету. «Диалог близнецов»

Сұрақ: Осы видеороликтен не көрдіңіздер , не түсіндіңіздер?

2. Таныстырылым жасау.

Диалогтық оқытудың мақсатын, нәтижесін көрсету.

Мағынаны тану

1.Мерсердің зерттеуіне сәйкес, әңгімелесу оқушылардың оқуының ажырамас бөлшегі болып табылады. Ғалым әңгіменің үш түрін ажыратып, сипаттама берген:

• Әңгіме-дебат;

• Кумулятивтік әңгіме;

• Зерттеушілік әңгіме.

Әңгіме-дебат барысында:

1) ой-пікірлерде үлкен алшақтық болады және әрқайсысы өз шешімдерінде қалады;

2) ресурстарды біріктіруге бағытталған аздаған талпыныс жасалады;

3) қарым-қатынас көбіне «Иә, бұл солай», «Жоқ, олай емес» деген бағытта жүзеге асады;

4) Орта бірлесуден гөрі, көбіне бәсекелестікке бағытталған.

Кумулятивтік әңгіме барысында:

1) айтылған пікірлермен тыңдаушылардың әрқайсысы механикалық түрде келісе береді;

2) әңгіме білім алмасу мақсатында жүргізілгенімен, оған қатысушылар өзгелер ұсынған қандай да болсын идеяларды төзімділікпен тыңдайды;

3) идея қайталанады және жасалынады, бірақ үнемі мұқият бағалана бермейді.

Зерттеушілік әңгіме барысында:

1) әркім ақылға қонымды мәлімет ұсынады;

2) әркімнің идеясы пайдалы деп саналғанымен, мұқият бағалау жүргізіледі;

3) қатысушылар бір-біріне сұрақ қояды;

4) қатысушылар сұрақ қояды және айтқандарын дәлелдейді, осылайша әңгімеде дәлелдеме «көрінеді»;

5) топтағы қатысушылар келісімге жетуге тырысады (олар келісімге келуі де, келмеуі де мүмкін, ең бастысы – келісімге ұмтылу).

Топтық жұмыс.

Мини текстпен жұмыс

1. Зерттеушілік әңгіме

2. Кумулятивтік әңгіме

3. Әңгіме-дебат

Үш топқа 3 есеп беріледі. Әр топ өздеріне берілген есептерді

-Зерттеушілік әңгіме бойынша

-Кумулятивтік әңгіме бойынша

-Әңгіме –дебат бойынша

талқылайды,зерттеушік жасайды, шешімін табады.

Әр топ жұмыстарын постерге түсіреді, қорғайды.

Кері байланыс

«Пікір ағашы»

Мұғалімдер «Пікір ағашына» бүгінгі коучинг туралы пікірлерін стикермен білдіреді