Дүниетану пәні сабақ жоспарлары

Дүниетану /2 сынып/

Сқақ Ақсымбат Ғанибекқызы

Сабақтың тақырыбы: Жапырақ

Сабақтың мақсаты:

Білімділік: Жапырақтар және олардың құрамы туралы білгендерін ортаға салу.
Дамытушылық: Оқушылардың шығармашылық қабілеттерін дамыта отырып дүниетанымын кеңейту. Өз ойларын еркін айтуға баулу

Тәрбиелік: Өсімдіктер әлеміне деген оқушылардың сүйіспеншіліктерін ояту, оларды қорғай білуге баулу.

Түрі: Жаңа білімді меңгерту сабағы.

Формасы: Топтық жұмыс

Әдісі: интерактивтік,іздену,қорытындылау

Көрнекілігі:кесте, суреттер, сөзжұмбақ,тест.

Сабақтың барысы:

І.Ұйымдастыру кезеңі

-Оқушыны сабаққа даярлау,психологиялық дайындық.

-Оқушыларды топқа бөлу, әр топтың топбасшысын таңдау.

Сабақтағы «Алты ережемен» таныстыру.

1.Басқалар сөйлегенде сөзін бөлмеңіз,өзіңіздің кезегіңізді күтіңіз.

2.Бір нәрсе айтқыңыз келсе,қолыңызды көтеріңіз.

3.Идеяларды айтқан адамды емес,идеяларды сынаңыз.

4.Әркімнің де пікір білдіруге құқығы бар.

5.Кей жағдайда ең жақсы идеялар талқылау барысында туындайды.

6.Оқытушы біздің құқымызды қорғайды және жұмысымызға бағыт береді.

ІІ. Үй тапсырмасы:

І топ- Өсімдік туралы

ІІ топ- Тамыр туралы

ІІІ топ – Сабақ туралы

ІІІ. Өткен сабақты пысықтау /жапырақ суретін құрастыру/

1. Өсімдік нешеге бөлінеді? /ағаш. бұта, шөп/

2. Бөлме өсімдіктерінің адамға пайдасы туралы айт. /бөлмедегі лас көмірқышқыл газын сорап алып, таза ауа оттегіні бөліп шығарады. Адамның көңіл –күйін көтереді./

3. Тамыры тереңге кетіп өсетін өсімдікті ата /жантақ/

4. Таңқурайдың сабағы қандай? /тік, қатты/

ІV .Жаңа сабақ

1.Кіріспе әңгіме

І-ші топтың тапсырмасы:

ІІ-ші топтың тапсырмасы:

ІІІ-ші топтың тапсырмасы:

2.Жаңа ұғымдармен танысу ( сабақты күрделендіре биология пәнімен байланыстыра отырып түсіндіру)

V. Сергіту сәті

Тербеледі ағаштар

Алдымнан жел еседі.

Кіп-кішкентай ағаштар

Біп-биік боп өседі.

VІ. Оқулықпан жұмыс

а) Оқулықтағы материалды меңгерту

ә) Тізбектеп оқу

в) Дәптермен жұмыс: Жапырақ

ІV.Бекіту кезеңі:

І-топ / Сауалнама/
• 1. Жапырақтың сыртқы құрылысы неден тұрады?
• А) Тақта, сағақ; + Б) Сабақ, сағақ; В) Тақта, сабақ;
• 2. Бір ғана тақтасы бар жапырақ.
• А) Күрделі жапырақ; Б) Жай жапырақ; + В) Жасыл жапырақ
• 3. Өткізгіш шоқтардың жапырақ тақтасына орналасуы.
• А) Орналасу; Б) Қызметі; В) Жүйкелену+
• 4. Сабақтың әр буынында бір жапырақ болса, ол қай орналасу?
• А) кезектесіп; + Б) Қарама - қарсы; В) Топтанып.
• 5. Өсімдіктің өсу мүшесі.
• А) Сабақ; Б) Тамыр; В) Жапырақ.+

ІІ-топ /Сөзжұмбақ шешу/ «Жапырақ»

1.Өткізгіш шоқтардың жапырақ тақтасына орналасуы.
2.Бір ғана тақтасы бар жапырақ.
3. Сабақтың әр буынында үш немесе көп жапырақ орналасуы.
4. Жапырақ тақтасының ине тәрізді пішіні.
5.Бір сағатқа, 2 я одан да көп майда жапырақшасы болатын жапырақ.
6.Өсімдіктің өсу мүшесі.
7.Жапырақ тақтасының негізі.

Ж Ү Й К Е Л Е Н У
Ж А Й
ТОПТАСЫП

ҚЫЛҚАНДЫ
К Ү Р Д Е Л І
Ж А П Ы Р А Қ
Қ Ы Н А П

ІІІ-топ / тапсырма орындау/

1. Жапырақ туралы бір өлеңді жатқа айту

Жердің көркі - жасыл әлем саялы,
Қамқоршы бол алақанмен аялы,
Қиын - қыстау күн түссе егер басыңа,
Жапырағын көлеңке етіп жаяды.
Жел соқса әнге басып тербетіле,
Жарасып тұр табиғат келбетіде.
Жайқалсын жасыл әлем өлкемізде.

Сән түзеп, көрік берсін Жер бетінде.

2. Жасыл желек туралы не айтар едің?

Жасыл желек - табиғат көркі, 4 ағаштан бөлінген ауа, 3 адамға жетеді.

VІІ.Қорыту кезеңі:

1. «Нені білдім?» сұрағын қою арқылы оқушылардың пікірін білу.

Өсімдікке сән беретін – жапырақ.

Жапыраққа су, еріген тұздар сабақ арқылы тамырдан келеді. Жапырақ арқылы өсімдік тыныс алады. Күн сәулесі мен жылуы  арқылы жапырақта ауа мен судан қант пен крахмал жасалады.. Жапырақтың пайдасы ол ауадан көмір қышқыл газды сіңіреді де ауаға қажет оттегін шығарады. Сондықтан ауамызды тазарту үшін ағаштарды өсірудің пайдасы мол.

VІІІ.Үйге тапсырма.

а) оқып, түсінік айту

ә) жапырақ суретін салу

ІХ. Бағалау.