Ел болашағы біздің қолымызда!

Ел болашағы біздің қолымызда!

Егемендікке қол жеткізгенімізге аз ғана уақыт болса да біршама ауыз толтырып айтарлықтай жетістіктерге жетіп отырмыз. Ащы термен, тасқа қашалған таңбамен, топыраққа сіңген қанмен келген ұлы жеңісімізді қадірлей білуіміз керек. Сондықтан да алдымызда келе жатқан кезектен тыс Президенттік сайлауына немқұрайлы қарамай барлығымыз ат салысуымыз қажет.

Ел басшысын сайлау сонау ата-бабаларымыздан жалғасын тауып келеді. Түркі-моңғол халықтарындағы Хан көтеру ерте ортағасырдан бастау алған. Хан сайлау туралы хабарды қазақтың барлық ру-тайпаларына арнайы жасауылдар жеткізетін. Бұл рәсімге халық арнайы дайындалып, сәнді киімдерін киіп, ер азаматтар бес қаруын сайлап келетін. Халық сайланған Ханға зор үміт артатын. Міне бүгін де өз жалғасын тапқан елдің басшысын сайлау тарихта ерекше орын алмақ. Президенттікке сайланатын үміткерге мол сенім арта отырып, халық өз таңдауын жасау керек. Бұл біздің еліміздің әрі қарай дамуына үлкен қадам болмақ. Өйткені Қазақстан жаңа кезеңге қадам басты. Қазақстанның әр бір азаматының дауысы маңызды.

Әл-Фараби атындағы Қазақ ұлттық университетінің https://www.kaznu.kz куратор-эдвайзерлері түрлі іс-шаралар арқылы жастарымызға сайлауды насихаттайды. Жастарымыздың патриоттық рухын көтеріп, оларға дұрыс бағыт-бағдар беру әр бір оқытушының алға қойған мақсаттарының бірі. Еліміздің әр бір азаматы азаматтық құқығын пайдалана отырып, ел болашағы үшін дұрыс таңдау жасау керек. Барлық отандастарымызды тұтас жауапкершілікті сезініп, сайлауға белесене қатысуға шақырамыз!

Әл-Фараби атындағы Қазақ ұлттық университеті

Жоғары оқу орнына дейінгі білім беру факультеті

Жоғары оқу орнына дейінгі дайындық кафедрасының

оқытушылары Ибрагимова М.Н., Уралбекова У.М.