Оқудан тыс іс әрекеттердің жобасының жоспары

Мерзімі: 07.10.2016 Мұғалім: Сыздыкова Бибігүл Бүркітбайқызы

Сынып: 1 «Ә» Оқушылар саны: 15

Оқудан тыс іс-әрекеттерді өткізу орны: «№2 орта мектеп, 26 кабинет

Еңбек ардагерімен сыр сұхбат «Еңбек ерлікке бастайды»

Құндылық: Дұрыс әрекет

Қасиеттер: еңбекті бағалай білу, үлкенді сыйлау, елге абыройлы қызмет ету.

Қосымша №3

Армысыздар қонақтар, қымбатты оқушылар! Көңіл – күйлеріңіз қалай, жақсы ма? Бүгін мектепте «Еңбек ерлікке бастайды» тақырыбында сыр сұхбат! Балалар білесіздер ме ардагер сөзін кім қалай түсінеді? Ардагер — құрметті, ардақты, қадірлі адам деген мәнді білдіретін этикалық ұғым. Ел қамын ойлап, намысын қорғаған, елеулі еңбек сіңірген абыройлы адамды халық ардагері деп жоғары бағалайды. Жеке адам қоғамда ерекше істерімен, ақыл - парасатымен, адамгершілік асыл қасиетімен, беделімен жұртышылыққа танылғанда ғана ардагер болады. Қазіргі кезде еңбек ардагері, соғыс ардагері деп атаймыз. Олай болса, бүгін гі өткізіліп жатқан шарамызға сіздермен сыр сұхбаттың қонағы еңбек ардагері ардақты ұстаз қадірлі жан Роза апайды қошеметпен ортаға шақырамын!
Қош келдіңіз, Роза апай! Сіздің көңіл – күйіңіз жақсы ма? Балалармен кездесуге дайынсыз ба? Ендеше сіздің елеулі еңбегіңіз туралы айтып берсеңіз.
Құрметті апай сізге балалар тапсырмалар мен сұрақтар қояды, соны орындаймын деген уәдеңіз керек? Уәде бересіз бе? Ал, ендеше басталық! Сұрақ балалардан, алғашқы оқушының сұрағы қойылады.

Оқушылар кеш қонағына мынандай сұрақтар қойды.
Сұрақтар:
1. Балалық шақтан есіңізде не бар?
2. Туған жер сізге несімен ыстық?
3. Жас кезіңізде қандай болдыңыз?
4. Еңбек еткен жылдары есіңізде қалған қызық оқиға?
5. Балаларыңыздың ішінде ерекшелейтініңіз бар ма?
6. Бала кезіңізде қандай ойын түрлерін ойнадыңыз?
7. Мұғалім мамандығын не себепті таңдадыңыз?
8. Ұстаздық еңбегіңізде қанша түлектер шығардыңыз?
9. Мектепте қандай пәнді ұнаттыңыз?
10. Алғашқы ұстазыңыз кім еді?
11. Сіздің мінезіңіз қандай болды?
12. Қыздармен қалай тіл таыстыңыз ?
13. Қазіргі жастар қандай?
14. Мамандықтың басқа түрін таңдар ме едіңіз?
15. "Ұстаздық еткен жалықпас, үйретуден балаға" деген мақалды қалай түсінесіз?
Тапсырма:
1. Апай сіз мына қағаздан бала кездегідей ұшақтың моделін жасап берсеңіз? (ақ қағаз беріледі)?

2. Ән салып беріңізші?
Ал, оқушылар апайдың орындаған тапсырмасын қалай бағалаймыз? ( оқушылар «5» деген баға береді)
Енді балалардың сізге арнаған тақпақтарын тындағыз.

Құрметті ардагер апай, біздің сізге берілген сыр сұхбат аяқталып қалды. Бағанадан бері әр түрлі сұрақтар қойылды. Сол сұрақтардың ішінен өзіңізге ой салған немесе ұнаған сұрақтар болса сұрақ иесіне мына рамкаға қолтаңбаны жазып, беруіңізді сұраймын.
Қазірге жастар арасында смайлик деген сөзді көп қолданады. Әсіресе әлеуметтік желілерде бір - біріне көңіл күйлерін білдіру арқылы смайликтерді жіберіп жатады. Ағылшын тілінде «смайл» - күлкі дегенді білдіреді. Олай болса, сіз осы сұхбаттан алған көңіл күйіңізді, оқушылардан алған әсеріңізді осы смайликтер ішінен біреуін таңдап алып көрсетсеңіз! ( ардагер жымиған смайликті таңдады)

Ел тыныш, жүріп жатсыз ортамызда
Құрметпен қол жаямыз батаңызға
«Шүкір»дейді ақ шашты ардагерлер
Айналар өмірі үлгі, аты аңызға.

«Батаменен ер көгерер» (ардагер ағадан бата сұрау)

Міне балалар, бүгінгі сіздермен өткен сыр сұхбат аяқталып қалды. Бүгінгі кездесуден үлкен әсер алдыңдар деп ойлаймын. Кездесуге қонақ болып келген Роза Сұлтанқызымен естелікке суретке түсуге шақырамын. Ал, апай сізге ұзақ ғұмыр, мықты денсаулық тілейміз! Алтын уақытыңызды аялап келгеніңіз үшін мың алғыс айтамыз!

Топен ән айту «Менің ұстазым»