Ерлік тақырыбына тәрбие сағаты

Тақырыбы: «Ер – елімнің тірегі»
Мақсаты:балалардың патриоттық сезімдерін ояту, ер азаматтардың еңбектерін бағалай білуге үйрету, Отанын сүюге және оны қорғай білуге тәрбиелеу

Сабақтың барысы:

Мұғалім: Армиямыз айбынды,

Армиямыз қыранды!

Күзетеді ай нұрлы

Күн сәулеліОтанды.

- Қарулы күштер дегеніміз не?

- Қарулы күштер неге керек?

Кеңестер Одағы тарағаннан кейін қысқа мерзімде 1992 жылдың 7 мамырында ҚР ҚК құрылды.

Конституцияға сәйкес, ҚР Президенті ҚР ҚК Жоғарғы Бас Қолбасшысы болып табылады.

ҚР ҚК басты мақсаты- елдің егемендігін, аумағының тұтастығын, экономикасын, мемлекеттік институттары мен азаматтарын соғыс қатерінен қорғау, жаугершілік немесе әскери қақтығыстар туғызудың алдын алу. . Бүгінгі 7 мамыр- Отан қорғаушылар күні мерекелеріңіз құтты болсын! Биылғы жылы Қарулы күштердің құрылғанына 25 толып отыр.

Ән: Ақ көгершін
Алдияр:
Бақытты боп жүргенім
Сенің арқаң, ҰлыОтан.
Елім менің –тірегім,
Құшағында гүл атам.

Малика :
Шығысыңан арайлы,
Күліп атқан құба таң.
Сенен бақыт тарайды
Баршамызға Ұлы Отан.
Асқар :
Сарқылмайтын қуатым,
Тірегімсің сен, Отан.
Мәңгі соғып тұратын
Жүрегімсің сен, Отан!

Мұғалім:
Бүгінгі мерекеде жар салады, 
Құрметтеп замандасын қарсы алады. 
Қуаныш жырға бөлеп жүректерін
Билейді, ойнап күліп, ән салады.

Би: Қаражорға

Кәмила:
Күнді құшқан қос қыран,
Аясында қалқыған
Аспан түсті туым бар
Көк теңіздей шалқыған.

Мадияр:
Көкірек жауар шымқай өң,
Көрген жерден елітер,
Көркем өрнек, кең көңіл
Көл пейілге кенелтер.
Нұрасыл:
Тәжім етіп бас иер,
Туы елімнің егемен.
Тұтастығым куәсі
Туғандай бір енеден.

Арманай:
Елдігімді әлемге
Паш ететін байрағым,
Тұнық менің көгімдей
Әуеде мәңгі жайнаған! 

Қорытынды.

Мұғалім:
Ер-азаматтардың орны қашанда бөлек. Олардың күш-жігеріне, ақыл-парасатына бүкіл әлем бағынған, бағынады да! Сондықтан халқымыз «Жердің қорғаны, елдің тұтқасы» деп ерекше ардақтаған. Ал ақын Мұхтар Шаханов: ...Жердің аман тұрғандығы, Сол намысқой еркектердің арқасы... Немесе ...
Қайғы келсе жеңілмейтін, 
Бақыт келсе, семірмейтін, 
Ер мінезін қадірлейтін, 
Еркектердің даңқы артсын!-деп жырға қосқан. Арыстан келбетті, жолбарыс жүректі, қырандай қырағы, намысқой, ер мінезді азаматтарымызға жігерлеріңіз мұқалмасын, асқақ шыңдарды бағындырып, қонар тұғырларыңыз биіктей берсін!Осымен 7 мамыр Отан қорғаушылар күніне арналған шағын мерекелік ертеңгілігіміз аяқталды.