Ерте жастан дамудағы балалармен логопед маманның түзете-дамыту жұмыстары

1,5 - 3 жастағы баланың белсенді сөйлеуі болмаған жағдайда ата-аналарда сұрақ туындайды: арнайы логопедиялық сабақтарды дереу бастау керек пе, әлде күту керек пе?

Әрине баламен түзете дамыту іс-шараларын жүргізу керек.Ерте жастағы логопед маманның жұмысы балаларға артикуляциялық және тыныс алу жаттығуларды жасату,ойыншықтармен таныстыру,жалпы және ұсақ қол моторикасын дамыту(қолды уқалау,тікенекті допты айналдыру,ортопедиялық кілемшеде жүргізу,секіру,құм терапиясы,ермексазбен,дәнді дақылдармен жұмыс) және затқа еліктеу(мәә,муу,иго-иго,бип-бип, «қояндар қалай секіреді?», «Аюлар қалай жүреді»-деп қайталау),музыкаға билеу арқылы(қуыр-қуыр қуырмаш балапанға бидай шаш),әрекетке шақыру(әкел,бер,ал) жүзеге асады.Балалар айналадағы заттардың қасиеттерін қызығушылықпен зерттейді: ашу және жабу, лақтыру, түрту, иіскеу,дәм тату.Логопед іс-әрекет барысында қуыршақты ұйықтатуға, машинаның дауысын салып бір жерден екінші жерге жүргізуге баланы үйреткен кезде жаңа ойындармен баланы таныстырады. Логопедтің іс-әрекетін бақылап, оның қимылдарын, әрекеттерін, сөздерін қайталай отырып, бала жаңа дағдыларды үйренеді, сөйлеуге қадам жасайды.Үй жануарлары және жабайы жануарларды таныстыру барысында олардың дауыстарын салу арқылы балалардың сөйлеу процесін бастай аламыз. Күнделікті өмірде көріп жүрген отбасын мүшелерін,жемістерді,азық түліктерді,ойыншықтарды ойын ретінде өтеміз.Сөйлеуді дамыту кезінде логопед балалармен түзете-дамыту ойындарды өткіземіз.Мысалы:

1. «Бұл не?» ойыны.

Көрнекі құралдар: заттардың суреттері: қуыршақ, машина, жемістер

Балаға суретті көрсетіп, оның атын атап, алдына қояды. Сосын олардың біреуін көрсетіп,логопед «Айя, бұл не?» - деп сұрайды. Егер бала атай алмаса, маман адам өзі сөйлеп, баладан қайталауды сұрайды: «Айт: бұл қуыршақ».

2 ) «Затты көрсет » ойыны.

Көрнекі құралдар: карточкалар

Баланың алдына әр түрлі карточкаларды қоямыз. Логопед бір затты айтады.Мысалы: «алма», «мысық» ,аталған заттарды бала тауып беру керек.