Ертеңгілік "Жасыл шырша жанында"

Тақырыбы: «Жаңа жыл»

Жүргізуші:Қымбатты қонақтар ,ата аналар, балабақша ұжымы, балалар! Сіздерді Жаңа жыл мерекелеріңізбен құттықтаймыз!Өмірлеріңізге шаттық, дендеріңізге саулық, отбасыларыңызға ынтымақ , бірлік тілейміз!

Құтты болсын ағайын!

Жаңа жылың тағыда

Қол соғып қарсы алайық

«Жұлдызай» тобын ортаға

Олай болса , ортада ортаңғы «Жұлдызай» тобының бүлдіршіндерін қарсы алайық.

Ән:«Шырша»

Жүргізуші:Балалар, бүгін қандай мереке?

Балалар: Жаңа жыл!

Есік қағылып ішке күлдірген кіреді.

Күлдірген: Сәлеметсіңдер ме балалар, мені сендерге Аяз ата мен Ақшақар жіберді.

Жүргізуші: Балалар, сонау алыстан бізді құттықтап Күлдірген келіпті ендеше күлдіргенге өнерімізді көрсетейік

Тақпақтар:

Жаннұр:

Жасыл шырша жанында,

Айнала ойнап ән салдық.

Өзіміздің қалада

Жаңа жылды карсы алдық

Альмира:

Бақша іші мереке,

Ойын күлкі асқақ ән.

Жақсы әпкелер жаңа кеп,

Мерекені бастаған.

Б. Айгерім :

Оралдың өлкеме ,

Жаңа жыл армысың.

Оранды ақ көрпеге,

Асқар қарлы шың.

Аруа:

Безендіріп шыршаны

Жыл қуантты баршаны.

Той-маскарад басталды,

Аяз оны басқарды.

Аллая:

Қалып едік сағынып,

Күтіп алдық жабылып

Жолын қойдық жарық қып,

Шыршаларға шам іліп.

Аружан

Жылдың әнін бастайын,

Аяз-Ата кеп қалды,

Майысады жас қайын,

Көтере алмай көп қарды.

М .Айгерім:

Жаңа жылды қарсы алдық,

Мініп алып күймеге.

Мен де бірге ән салдым.

Араластым биге де.

Сайда:

Ақ қырауға малынған

Сақалы да, мұрты да,

Аяз ата сағынған.

Сәлем берді жұртына,

Мариям:

Аппақ тонға оранып,

Базарлықты мол алып.

Келді алыс сапардан,

Аяз ата оралып.

Алана:

Жаңа жылым мол болсын,

Басқан қадам оң болсын.

Төрле-төрле жаңа жыл,

Бізге құтты жол болсын.

Ұлдана:

Ақшақарым армысың,

Жылдағыдай бармысын.

Мың-мың сәлем айта алам,

Солай жауап қайтарам.

И.Айша:

Әдемілеп біз ілген,

Ойыншықтар тізілген.

Қандай әсем шыршамыз,

Ән салайық баршамыз.

Сабрина:

Қандай әсем шартарап,

Шаттық күйге бөлеп тұр,

Кәмпиттерін арқалап!

Аяз ата келіп тұр.

Айзере:

Мұз өрнектің бәрі асыл,

Оюларды аңғарам.

Қарағайдың жап-жасыл.

Күйіне мен таң ғалам.

Анелья:

Жаңа жыл, жаңа жыл,

Асыр салып, ойна күл.

Ата анадай мейірімді,

Жаңа жылдың жанары.

Алиша:

Ал балалар тұрайық,

Би- билейік тұрмайық.

Өлең айтып, жыр айтып,

Дөңгелене зырлайық.

Күлдірген: Рахмет балалар, сендерге

Би:«Үнді»

Жүргізуші: Балалар бізге көптеген қонақтар келді, бірақ бізге алі Аяз ата мен Ақшақар келмеді. Бәріміз дауыстап Аяз ата мен Ақшақарды шақырайық.

Балалар: Аяз ата, Аяз ата ,

(Есік ашылып ішке Аяз ата мен Ақшақаркіреді.)

Аяз ата:

Амансыңдар ма ұлдарым,

Амансыңдар ма қыздарым.

Қандай жарқын жүздерің,

Қандай әсем жырларың,

Аталарын сендерге .

Шаршап келді алыстан,

Керемет бір ән тыңдап.

Келіп тұр аз демалғым.

Жүргізуші:Аяз ата, Ақшақар қош келдіңіздер.

Әсем ән мен биде бар,

Отыр ата сәл демал.

Ән: «Аяз ата»

Жүргізуші: Ата біздің сыйымыз таусылмайды, балалар сіздерге арнап би дайындапты тамашалайық.

Би: «Аяз ата»

Жүргізуші: Ендігі кезекте ұлдарымыздың тақпақтарына берейік.

Тақпақ:

Абдрахман:

Аяз ата ақ сақалды,

Ақ таяқты тақ ата.

Асып өтіп асқар тауды

Жеттің бізге тақ ата.

Нұрали:

Жаңа жыл, жаңа жыл

Жаңа жылда –жаңа жыр.

Жасыл шырша жанында

Жадырап бар бала жүр.

Мағжан:

Жапалақтап ақша қар,

Жауды күнде қайталап.,

Қырға шықты балалар

Шаңғыларын арқалап.

Әбілхайыр:

Жасыл желек жамылған

Асыл моншақ тағылған

Міне, сұлу шыршамыз,

Көптен күтіп сағынған.

Алдияр:

Аспан жерге төгеді

Ақ күмісін уыстап.

Жаңа жылда келеді

Бізге қарай жылыстап.

С. Темірлан

Ауыл маңы қар аппақ

Қызықтар көп не түрлі.

Ақ дәптерді парақтап,

Қыс отырған секілді.

Хафиз:

Үйренеміз өнерді біз,

Шетімізден шеберміз.

Аяз ата өзіңізге ,

Әнде салып береміз.

Әлім:

Тауда туып, тауда өскен,

Шырша келді ортаға.

Қандай жақсы шыршамыз,

Ән шырқайық баршамыз.

Ж. Маулен:

Жүзімізде күлкі ойнап,

Қанаттанды жанымыз.

Шаттанамыз бәріміз.

Мейрам:

Жаңа жылды қарсы алып,

Жасаймыз біз жылда бір.

Жарқын- жарқын ән салып,

Жалғасады жырға жыр.

М. Темірлан:

Далада қар борайды,

Ақ мамыққа орайды.

Мұз болады қатады,

Жып-жылтыр боп жатады.

Өркен:

Жасыл шырша қош келдің,

Сені күтіп жүрдік біз.

Көркейсін деп сенің жүзің,

Ойыншықтар ілдік біз.

С. Нұрасыл:

Ақ қар жапты ортаны,

Ақ жамылды айнала.

Жарқыратып шамдарын,

Шырша келді ортаға.

А. Нұрдәулет:

Келді тағы жаңа жыл,

Қуантуға біздерді.

Құтты болсын жаңа жыл,

Құттықтаймыз сіздерді.

Нұртілеу:

Тамаша, тамаша,

Шыршамыз тұр жараса.

Басында әсем жұлдыз,

Көз тоймайды жараса.

А. Нұрасыл:

Тамаша сый алып,

Келді Аяз атамыз.

Шаттанып , қуанып,

Шырқап ән айтамыз.

Әлинұр:

Келдім міне еліме,

Келдім міне жеріме,

Шаттыққа бөлеп әр үйді

Шығам енді төріңе.

Ойын: « Көмекшілер»

Аяз ата :

Келіңіздер, келіңіздер

Тақпақ айтып беріңіздер.

Жомарт Аяз атадан

Сыйлық алып көріңіздер.

Жүргізуші: балалар Аяз атамызға мәнерлеп ағылшын тілінде тақпақ айтып берейік

Тақпақ ағылшын тілінде

Анелья , Б. Айгерім.

Аяз ата: Рахмет, жарайсыңдар балалар.

Жүргізуші :Ата біздің сыйымыз әлі таусылмады. Балалар сізге арнап би билеп береді.

Би: « Гумми- гумми »

Аяз ата :Балалар , сендерге көп –көп рахмет, барлықтарын өнерлі, ізетті екенсіңдер!

Аяз ата: Ал балалар олай болса мына керемет кештерің үшін , мың бұралған билер мен әсем әндерің үшін көптен көп – көп рахмет.

Аяз ата:

Ал балалар, балалар

Біз бармаған қала бар.

Асқар тау бар ,дала бар,

Соларға тез жетейік.

Рұқсат болса кетейік.

Ақшақар: Сау болыңдар балалар !

Аяз ата : Жаңа жыл құтты болсын!

Жүргізуші: Аяз ата, Ақшақар сіздерге көп- көп рахмет. Біз сіздерге ризамыз келесі жыл келгенше, балаларда ренжітпейміз және де өзіңізді асыға күтеміз.

(Бәрі бірге)

Біз тілейміз жаңа жылдық шаттықты,

Біз тілейміз жаңа жылдақ бақытты.

Ән: «Аққала»

Жүргізуші: Құрметті қонақтар осымен жаңа жылдық ертеңгілігіміз аяқталды. Көңіл қойып тыңдағандарыңызға көп - көп рахмет жылдан жылға аман есен жете берейік.

Сөз кезегін балабақша меңгерушісі Лазат Мақсұтқызына беріледі.

МКҚК №58 «Өркен» балабақшасы

Ертеңгілік

Тақырыбы: «Жасыл шырша жанында»

Мектепке дейінгі ортаңғы «Жұлдызай» тобы

Дайындаған: Ұ.Ж. Бекеева

Б.Б. Жаманқұлова

Астана 2015