Эссе "Курстан кейінгі ой толғаныс"

Курстан кейінгі ой толғаныс

Педагогикалық шеберлік орталығынан мен өзімнің теориялық білімімді байыттым деп ойлаймын. Келген күннен бастап шет мемлекеттердегі 10 мектептің іс-тәжірибесімен, педагогикалық жаңалықтардың бірнеше түрлерімен таныса отырып ол мемлекеттердегі оқытудың жақсы үлгілерінен тиімді жақтарын ала алдым деп ойлаймын. Бала бойына қажетті оқытудың түрлерімен таныса отырып, мектепті басқару менеджменті және оның қағидаттары, заңдылықтарымен және көшбасшылық, бөлінген көшбасшылық ұғымдарымен таныса отырып бір-біріне ұқсастығымен айырмашылығын ажырата алдым. Сонымен қатар сценарий құрудың түрлері, жеті модуль, ОМЖ, ҚМЖ, МДЖ –ны құрудың түрлерімен таныстым. Мектептен алып келген анкеталық сұрақтардың негізінде деректерді өңдеп соның нәтижесінде мектептің негізгі басымдылығы анықталды. Мектептің басымдылығын анықтап алғаннан кейін, деректерді басшылыққа ала отырып Аесебін және В есебін жазуға мүмкіндік алдым.

Осы есептерді жазу барысында алдағы уақытта өз мектебімде оқу мен оқытуда үлкен өзгерістердің басы басталады деген ойдамын. Мектепке барғаннан кейін курс алды тапсырмаларын таныстыра отырып, шығармашылықпен және де деңгейлік курстан өтіп келген мұғалімдерден құрылған қоғамдастық құрып алып, соның негізінде мектеп мұғалімдеріне қоғамдастықтың мақсаты мен жұмыс жоспарымен таныстырып жұмыс жасауға бағыт бағдар бере отырып бірлесіп жұмыс жасаймыз деп ойлаймын.

Осы курстың аясында республиканың бірнеше облыстарынан келген әріптестеріммен пікір алмасып, өз тәжірибелерімізді бөлісіп ортаға сала отырып көптеген әдістемелік көмек алдық деп ойлаймын. Мен үшін бұл курстың алдағы уақытта маған берер көмегі мен пайдасы көп болатындығына сенідімін деп ойлаймын. Мектептегі тәжірибе кезеңінен біраз болсада өзгерістер болып, соның нәтижесінде тағы да жаңа жоспарлар мен жұмыстар туындайды деген ойдамын.