Эссе "Мен қазіргі заманның педагогымын"

Мен қазіргі заманның үздік педагогымын

Технология пәнін оқытуда еңбек етудің алғышарттарын үйрену арқылы оқушыны жеке тұлға ретінде тәрбиелеу мақсатын көздеймін. Осы мақсатты жүзеге асыру барысында оқушыларға берілетін тәлім-тәрбие үрдісін жетілдіру, жұмыс мәдениетін, адамдар арасындағы адамгершілік қарым –қатынастарды жаңарту, еңбек біліктілігін қалыптастыру арқылы еңбекке өнімділігін арттыруға ынталандыру міндеттерін ескеремін. Жас ұрпақты қоғамдық өмірге, отбасындағы қызметке, кәсіпке даярлау, үнемі өзгеріп отыратын әлемде өмір сүретіні туралы түсінікті қалыптастыруды ескеремін. Елбасы Н.Ә. Назарбаевтың Қазақстан халқына жолдауында: «Негізгі мақсатымыз –Қазақстанның әлемнің елу дамыған елдерінің қатарына енуі» делінген. Сол себепті әр оқушыға оның қабілеттеріне сәйкес келетін білім беру өрісі қажет.Адамға ең бірінші өмірлік қажеті - еңбек екенін уақыт дәлелдеуде.Адам өмірі үшін аса маңызды әрі өмір бойы тоқтаусыз білім беретін пән технология пәні дей келе, аталған мамандық иесі екенімді әрдайым мақтан тұтамын.Еңбек тәрбиесі арқылы киімді пішу, тігу қолөнер шеберлігін меңгерту арқылы ұрпақты адамгершілік рухында тәрбиелеймін. Өйткені, оқушы алған теориялық білімін іс жүзінде қолдана отырып, оны өмірімен, өзінің іс-әрекетімен байланыстыра білгенде ғана, өзіне де пайдасын тигізе алады. Технология сабағы арқылы оқушыны іскерлікке, ұқыптылыққа, әдемілікті сезініп, қабылдауға үйретемін. Менің негізгі ұстанымым: «Сөзден - іске көшу». Баланың еңбек тәрбиесін меңгеруі, қоғам үшін ғана емес, оның жеке басы, өз тіршілігі үшін де қажет. Еңбекті сүйетін адамның өмірінде реніш болмайды. Олар үнемі көтеріңкі көңіл-күйде жүреді. Оқушылар санасына жас кезінен бастап еңбек етуінің қажеттілігін, маңыздылығын сіңіру, пайдалы іс жасауға, қандай іс болса да шын ниетпен және ұқыпты орындауға дағдыландыру-менің иық міндетім.Оқытудың осындай идеяларын ұстанған сабақтарда оқушылар өз ойларын еркін айтатын болғандықтан, оларда түрлі пікірлер пайда болады. Олардың қандай да болмасын мүмкін қате немесе шала ойларын шыдамдылықпен тыңдап, оқушыларды сенімділікке бастауда да көшбасшылық танытқым келеді.Оқушы мен мұғалім қарым-қатынасына теңдігін сақтап, оқушыларды қатты қыспай, еркін сөйлеп, қызықтырушы көрнекілікпен баланы баурап алуға әркез дайынмын. Жас ұрпақты қоғамдық өмірге, отбасындағы қызметке, кәсіпке даярлау, үнемі өзгеріп отыратын әлемде өмір сүретіні туралы түсінікті қалыптастыруды ескере отырып, қазіргі заманның үздік педагогы ретінде тұлғаны дамытуға бағытталған жаңа модельдерді көп қолдануға құштар ұстазымын. Әр пән мұғалімі жаңа технологиялармен қаруланған болса, оқушылары алған теориялық білімін іс жүзінде қолданып, оны өмірмен, өзінің іс-әрекетімен байланыстыра білгенде ғана өзіне де, қоғамға да пайдасын тигізе алады деп сөзімді қорытамын.