12 апта

2 күн(информатика)

22.11.2016ж

5-сынып

Сабақтың тақырыбы

Файлдар, бумалар және жарлықтар. Бумалар мен жарлықтар құру. Атын өзгерту.

Сабақтың мақсаты

• Файл, бума, жарлық, бумалар иерархиясы анықтамаларын білу.

• Файл мен бума атауларының ережелері мен шектеулерін, бума мен жарлық құру тәсілдерін түсіну.

• Нысандардың аты өзгертуді, бума мен жарлық жасауды үйрету.

Күтілетін нәтиже

• Файл, бума, жарлық, бумалар иерархиясы анықтамаларын білетін болады.

• Файл мен бума атауларының ережелері мен шектеулерін, бума мен жарлық құру тәсілдерін түсінетін болады.

• Нысандардың атын өзгертуді, бума мен жарлықты жасай алатын болады.

Тапсырмалар

1. Жеке жұмыс «Тізбек бойынша сұрау» әдісі, «Өзіңді тексер», «Сұраққа байқау»

2. Жұптық жұмыс «Компьютерде жаттығу»орындау

3. Топтық жұмыс «Сұрақ-жауап»әдісі

Сабақ бойынша мұғалімнің жазбалары: (мұғалім және оқушы немен айналысады)

І. Сәлемдесу, топқа бөлу. Оқушылар берілген cөздердің мағынасына қарай орнын анықтап төрт топқа топтасады: «Пернетақта» І-топ, «Жүйелік блок» ІІ-топ, «Қосымша құрылғылар» ІІІ-топ, «Ақпарат тасығыштар» ІV-топ болып топтасады. Топ өзара келісе отырып активтерін сайлайды (лидер, хатшы, бақылаушы, баяндамашы, уақыт сақшысы).

ІІ. Үй тапсырмасын тексеру. Жеке жұмыс: «Тізбек бойынша сұрау» әдісі: Қойылған сұраққа беріліп жатқан оқушының жауабы кез келген жерінен тоқтатылып, ары қарай басқа оқушының жауап беруі сұралады. Бұл әдіс оқушылардың зейінін аудару және байқағыштығын дамытуға пайдалы.

1. Терезеде деп нені айтамыз? (экранның қоршаулармен қоршалған тіктөртбұрышты аймағы)

2. Тақырып жолының оң жағында нелер орналасқан?(терезені басқару батырмалары)

3. Терезе түрлерін атаңыз?(бумалар, қосымшалар, сұхбаттық, анықтама)

4. Ашық терезелердің біріншісінен екіншісіне қалай ауысуға болады?(есептер тақтасымен немесе Alt+Tab)

5. Терезеде орналасқан батырмалардың қызметін қалай білуге болады?(Маус нұсқағышын жақындату)

6. Терезені қандай пернелер арқылы жабуға болады? (Alt+F4)

7. Терезенің ең төменгі жолы қалай аталады? (жай күй жолы)

8. Терезе мөлшерін қалай еркін өзгертуге болады? (маустың көмегімен)

9. Терезені жиыру, жаю, жабу батырмалары қандай қызмет атқарады?

10. Бума терезесінің оң жақ және сол жақ бөлігінде нелер көрсетілген?

Жұлдызшамен бағалау.

Жаңа сабақ:

Оқушыларға оқулықтағы тақырыпты оқып, меңгеруіне 5-минут уақыт беріледі.

ІІІ. Жеке дәптермен жұмыс: Сұраққа байқау. Әр оқушы оқыған тақырыбы бойынша сұрақтар дайындау. (жұлдызшамен бағалау)

ІV. Топтық жұмыс: Топ ішінде дайындаған сұрақтарын саралап, төрт сұрақты іріктеп алады. Осы сұрақты келесі топқа ұсынады. Өз кезегінде топтар өз ішінде талқылап, ауызша жауап береді.

V. Жұптық жұмыс. Практикалық жұмыс. Компьютерде тақырып бойынша жаттығулар орындау.

1-жаттығу. Буманы құру:

1. Жұмыс үстелінің бос жеріне тышқанның оң жақ батырмасын шерту

2. Шыққан контекстік мәзірден Создать – Папку бұйрығын орындау.

3. Пайда болған жаңа бумаға ат енгізіп, Enter пернесін басу.

2-жаттығу. Жарлык құру:

1. Кез келген нысанды белгілеп, тышқанның оң жақ батырмасын шертіңдер.

2. Шыққан контекстік мәзірден Создать ярлык бұйрығын орындаңдар.

3-жаттығу. Нысандардың атын алмастыру:

1. Нысанды ерекшелеп, тышқанның оң жақ батырмасын шертеміз.

2. Шыққан контекстік мәзірден Переименовать бұйрығын орындайымз.

3. Пернетақтадан жаңа ат енгізіп, Enter пернесін басамыз.

Тапсырма. Жаттығуды орындап койған оқушыларға қосымша тапсырма. Сұрақтарға оқулықты қолданып жауап беру.

1. Файл дегеніміз не?

2. Файлдың атын жазу үшін қандай символдар қолданылмайды?

3. Бума не үшін керек?

4. Буманың қандай түрлері бар?

5. Жұмысшы бумасы деп қандай бумаларды айтамыз?

6. Жүйелік бума мен жұмысшы бумасының қандай айырмашылығы бар?

7. Жарлық дегеніміз не?

8. Файлдан, бумадан жарлықты қалай ажыратуға болады?

9. Файл атының ұзындығы қанша символдан аспау керек?

10. Операциялық жүйенің қандай жіктелу белгілерін білесің?

VІ. Оқулықта берілген тестке жауап беру. Дұрыс жауаптарды салыстыра отырып, оқушылар өзара бір-бірін бағалау.

Оқып-үйрену нәтижелері:

Білдім:________________________________________________________________________________

______________________________________________________________________________________

______________________________________________________________________________________

Түсіндім: ______________________________________________________________________________

______________________________________________________________________________________

______________________________________________________________________________________

Жасай аламын: _________________________________________________________________________

______________________________________________________________________________________

______________________________________________________________________________________

Үйге тапсырма

Оқулықтағы тақырыпты оқып, бақылау сұрақтары мен тапсырмаларды орындап келу.