Факультатив "Туған жер"

Курс бағдарламасы

Бағыты: қоғамдық-гуманитарлық
Бейіні: тарих

«Туған жер» таңдау курсының тақырыбы: «Қазақстан жеріндегі тарихи ескерткіштер» ( 5-сынып, аптасына 1 сағат, барлығы 34 сағат)

Түсінік хат

Мемлекет басшысы Н.Ә.Назарбаев «Болашаққа көзқарас: қоғамдық сананы жаңғырту» мақаласында «Туған жерден» ауқымдырақ «Туған елге»көшетін ұлттық сана-сезімді жаңарту бағдарламасын ұсынды.

«Туған жер» бағдарламасы:

- біріншіден, туған өлкенің тарихын зерттеуге, тарихи-мәдени ескерткіштер мен жергілікті ауқымдағы мәдени объектілерді қалпына

келтіруге;

- екіншіден, елдің басқа өңірлеріне қоныстанған бизнесмендер,

шенеуніктер, зиялы қауым өкілдері және жастардың жәрдемдесуімен кіші

отанын қолдауға (аймақты жасылдандыру, мектептерді компьютерлендіруге көмек көрсету, жергілікті мұражайлар мен галереялардың көркемөнер қорларын қолдау және т. б.);

үшіншіден, демеушілік көмекті қоса алғанда кіші отанына көмектесетін

түрлі қолдау және әлеуметтік құрмет нысандарын іздеуге;

төртіншіден, «Қазақстаның қасиетті рухани құндылықтары» немесе

«Қазақстанның киелі жерлерінің географиясы» жобасы арқылы халықтың

жалпыұлттық киелілік санасын нығайтуға, киелі жерлердің мәдени және рухани мұрасы «бірыңғай өріс, бір тізбек» болып табылады;

Оқушылардың тарих пәніне деген қызығушылығын оятып, дүниетанымын кеңейту үшін осы оқу жылы 5сынып оқушыларының сабақ кестесіне «Туған жер» атты арнайы курс енгізіліп отыр. Осы курсқа оқушылардың рухани мәдениетін жаңғыртудағы «Қазақстан жеріндегі тарихи ескерткіштер» деген атау беріп отырмын.

Себебі, туған өлкеміздің тарихын жан-жақты білу үшін көзбен көріп, санаға сіңіру мақсатында тарихи орындарға, ескерткіштерге, мәдениет ошақтарына саяхатқа бару. Бұл- рухани дәстүрдің басты негіздерінің бірі. Ұлы Даланың көз жеткізгісіз кең-байтақ аумағы тарихта түрлі рөл атқарған.

Қазір Қазақстанда 25 мыңға жуық тарихи ескерткіштер бар. Олардың бәрі мемлекеттің қорғауына алынған.

Елбасы Н.Ә.Назарбаев: « Егер қазақтардың рухани тарихы жазыла қалса, Қожа Ахмет Яссауидің хикметтері сөзсіз оның бір бөлігі болып кіруге тиіс». Ал Қожа Ахмет Яссауи кесенесі 2003 ж. 5-шілдесінде ЮНЕСКО-нің Бүкіләлемдік мұра тізіміне тіркелді. Сонымен қатар «Мәдени мұра» бағыты бойынша тарихи ескерткіштердің оқушыларға тәрбие берудің маңызы зор.

Факультативтік курс оқушылардың Қазақстан жеріндегі тарихи ескерткіштері туралы танымын кеңейтіп, патриоттық сезімін ұлғайтады, туған өлкесі туралы түсініктерін нығайтады.

Мақсаты:

-Оқушыларға Қ.Р тарихи-мәдени ескерткіштерді қорғау туралы Заңдары. «Мәдени мұра» бағдарламасы. Туған өлкеміздегі тарихи орындардың, ескерткіштердің салынуы және оның ғылыми тұрғыдан зерттелуі туралы мәлімет беру. Туған жеріндегі ескерткіштерімен өз Отанымен мақтануға және биік рухқа көрінуге тәрбиелеу.

Міндеттері:

-Өз жерінің тарихы, ескерткіштері жайлы білімді терең меңгерту және дамыту;

- Жеке тұлғаның бойында ізденушілік- зерттеушілік қасиетін экспедициялық жұмыс дағдыларын қалыптастыру;

- білім алушылардың зерттеу, шығармашылық, коммуникативтік

құзыреттіліктерін дамыту;

- білім алушыларды зияткерлік және шығармашылық дамыту;

- жастардың бойында жоғары патриоттық сананы қалыптастыру;

– Қазақстандық патриотизмді және белсенді азаматтық ұстанымды

ынталандыру.

Күтілетін нәтиже:

-Оқушы кез-келген тарихи оқиғаларға,ескерткіштерге өзіндік баға бере алады.

-Алған білімін өз бетінше практикада қолдана алады;олимпиадада, ғылыми жоба сайыстарына қатыса алады;

Өзектілігі:

Оқушылардың туған жер тарихына оның ішінде ата-бабаларымыздың асқақ рухынан нәр алуға, оған лайық болуға бағытталған.

Оқушыларға қойылатын талаптар:

-тарихи дәуірлерді ажырата білу;

-алған білімін өмірде орынды, өздігінен жұмсай білу;

-өз туған жерінің рухани мәдениетін, тарихи ескерткіштерін сақтай білу;

Пайдаланған әдебиеттер тізімі:

1. Қазақ мәдениеті. Энциклопедиялық анықтамалық. Алматы: “Аруна , 2005 

2.  «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998  I том

3. Отырар. Энциклопедия. – Алматы. «Арыс» баспасы, 2005.

4.  Қазақ ұлттық энциклопедиясы

5.  Саяси түсіндірме сөздік. – Алматы, 2007. 

6.  Ислам. Энциклопедиялық анықтамалық. Алматы: “Аруна , 2010.

7. Тарихи тұлғалар- Алматы 2008.

8. Әбенбаев С. Тәрбие теориясы мен әдістемесі- Алматы: Дарын.2004.

9. Әмір Темір аманаты- Шымкент: Жібек жолы 2000.

10. Түркістан тарихы мен мәдениеті. Түркістан: Қазақ-түрік университеті, 2000.

11. Әулие ата -Қарахан. Айша бибі. Тектұрмас- Алматы. Білім, 2004.

12. Байпақов Қ. Қазақстанның ежелгі қалалары –Алматы: Аруна, 2005.

13. Торғай энциклопедиясы

14.  А.Иманов. Мақалалар, материалдар, документер. А., 1975 ж.

15.  Мырзағалиұлы М. 1916-1917 ж. Торғай қазақтарының көтерілісі.-А., 2005.