Физика сабағында кері байланыс өтілуі туралы.

Физика сабағында

кері байланыс өтілуі туралы.

Пән мұғалімі: Орыспаева Г.А.

Кері байланыс оқушының оқу бағдарламасын қаншамалықты меңгергені, оқыту үрдісі қалай өткені туралы анықтау үшін жүргізледі. Кері байланысты сабақтың соңында ғана емес, сабақ барысында да әрбір орындалған тапсырмалардың соңында да жүргізіп отырамын.

Көңіл-күймен эмоциялық жағдайды анықтауға арналған әр түрлі суреттер, мадақтау сөздерімен, смайликтер және әр түрлі түстерді пайдаланамын.

Мысалы: «Ауа райы», «Бағдаршам», «БББ», «Алма ағашы» т.б. Мысалы «Алма ағашы» әдісінде оқушыларға сабақ басында түрлі-түсті алма беріледі. Сабақ соңында ватцап арқылы алмаларды жібереді.

«Таңдау» әдісінде  бес пікір жазылған парақ беріледі.

1.Мен сабақ қызықты, қызықсыз болды деп ойлаймын.

2. Мен сабақта: көп нәрсені, үйрендім, үйренгенім аз болды.

3. Мен басқаларды  мұқият    зейінсіз тыңдадым.

4. Мен пікірсайыстарға жиі сирек қатыстым.

5.Мен сабақтағы өз жетістіктеріме ризамын   риза емеспін.

Сабақта үнемі сұрақтар қою арқылы кері байланыс жасалып отырады.

• Бүгінгі сабақ қандай пәнмен байланысты болды?

• Қандай қосымша жаңа сөздермен таныстың?

Әркім өз есебін шығарады да шығарылған есеп үлгісімен салыстырады.

Сабақ барысында «˅» - «білемін», «-» - «білмеймін», «+» - «мен үшін жаңа ақпарат», «?» - «мені таңқалдырады» белгілерін қойып отырып талдау жүргіземін.

Күнделікті сабақта кері байланыс жасау оқушылар үшін :

• оқушыны өз өзіне есеп беруге баулиды;

• өзінің білімін жақсартуға көмегін тигізеді;

• өзінің деңгейін анықтай алады, қызығушылығы арта түседі;

• оқушыда өзіне деген сыни көзқарас қалыптасады, өзіне баға береді.

Кері байланыстың мұғалім үшін тиімді жағы:

1. келесі сабақтың жоспарына өзгерістер енгізуге, түзетуге яғни оқытудың тиімді әдіс-тәсілдерін таңдауға мүмкіндік береді;

2. уақытты үнемді пайдалануға мүмкіндіктер береді;

3. сабақтың қалай өткенін болжауға болады.

Оқушының кері байланысын оқи  отырып өз жұмысыңның сәтсіз шыққан тұсын , сәтті шыққан қадамын, ендігі  іс-әрекетін қалай жақсартуға болатынын алдын-ала білесің. Сонымен қатар кері байланыс парағы арқылы оқушының үніне құлақ түріп, оқу мен оқытудағы кездесетін кедергілерді айқындап, келесі оқытуға бұдан да жақсырақ дайындалуына түрткі болады. Кері байланыстың  тиімділігі оқыту мен оқу сапасын жақсартуға болады деп ойлаймын.