ИФМ пән апталықтың ашылуы "Тәуелсіз ел тірегі-білімді ұрпақ" 7 сынып

Т. Рысқұлов атындағы №48 орта мектеп

Тақырыбы: «Тәуелсіз ел тірегі- білімді ұрпақ»

ИФМ пән апталығының ашылуы

Сыныптар: 7

Пән мұғалімі: Үмбеталиева Ә, Әбішбаева Қ.

Тараз 2018 жыл

Күні: 5.12.2018 ж.

Тақырыбы:«Тәуелсіз ел тірегі-білімді ұрпақ»ИФМ пән апталығының ашылу салтанаты

Мейіржан: Құрметті оқушылар мен ұстаздар! Бүгінгі «Математика-Информатика-Физика» апталығының ашылу салтанатына қош келдіңіздер! Оқушылардың қызығушылығын арттыру барысында пән апталықтарының орны ерекше.

Бұл апталықты өткізудегі негізгі мақсатымыз-оқушылар информатика мен математиканы, физиканы тек сабақта ғана пайдаланып қоймай, өмірмен де байланысты екенін түсіндіру.

Оксана: Ұлы мереке-Тәуелсіздігіміздің 27 жылдығымен тұспа-тұс келіп отырған бұл апталық «Тәуелсіз ел тірегі-білімді ұрпақ» тақырыбымен өткізіледі.

Мейіржан:Апталықта бәрі бар-ашық сабақтар, жарыстар, конкурстар. Тамашалап, белсенді ат салысып, білімді жастар екенімізді көрсетейік!

Оксана: Күні кеше Елбасымыз өзінің интерактивті лекциясында «Терең білім-тәуелсіздігіміздің тірегі, ақыл-ой-азаттығымыздың алдаспаны» деген болатын. Ендеше терең білімді бойымызға сіңіру арқылы еліміздің өркендеп өсуіне, тәуелсіздігіміздің тұғырлы болатынына үлес қосатынымызды естен шығармауымыз керек.

Мейіржан:Бүгінгі кеште барлық ғылымдардың ішіндегі ең ауыр және ең қызық болып көрінетін үш егіз математика, физика, информатика пәндерінің кереметтігін, құпия сырын өлең жолдарымен жеткізетін 7 сынып оқушыларын ортаға шақырамыз.

«Математиктер» тобы

7 «Е» Жасмин:

Математика-1,2,3,... натурал саннан тарайды,

Алгебра сырын ашсам деп,

a,b,c,d әріптер жан-жағына қарайды.

Үшбұрыш, төртбұрыш, конус пен цилиндр,

Геометриялық денелер нүкте менен түзуді арғы атасы санайды.

7 «А» Балнұр:

Синус пенен косинус, тангенс пен котангенс

Жүрген жерде таңданып сұлуға өзін балайды.

Үшбұрыштар Бәйтеректе көз ұшында көрінген,

Пирамида орын алған Астананың төрінен.

Математика күллі әлемді өз тілінде сөйлетіп,

Білімнің нұрлы шуағы шартарапқа тарайды.

7 «Д» Бақберген:

Үш деген сан киелі ғой қазақта,

Қарасаңшы міне осындай ғажапқа.

Үшқоңырдай жайлауы бар елімнің

Елбасындай ұл сыйлаған қазақққа!

Тәрбиелеп біліммен ұрпақтарын,

Қазағым бесіктен ақ берген білім.

Ұқтырып жеті санының кереметін,

Әр сөзінен дананың терген ілім.

7 «Д» Үміт:

Симметрия ұғымын пайдаланып,

Ою-өрнек бұйымына сызғызған.

Заңдарын Пифагордың басшылыққа ап,

Таңғажайып зәулім үйлер тұрғызған.

Ғылымдардың патшасы атанған,
Евклид, Фалес, Пифагордан бата алған,
Төзбейтін өтірікке жалғандыққа!
Жасықтан емессің сен қаталдансың
Ақыл – ойды тәртіпкекелтіретін
Нағыз пән математика атанғансың.

7 «Д» Жансая:

Жас достар,

Мұны жақсы ұғайық

Математика ғылымы

Құрметтеуге лайық

Дүниедегі құбылыстың мәніне

Табиғаттың, қозғалыстың бәрінде

Мүмкін емес есептерсіз түсіну

Есебіңіз дүние кілті әлі де.

«Информатиктер» тобы

7 «А» Гулназ:

 Армысыңдар, бүгінгі  кешке  жиналған  қауым!
Құтқарып  ауыр  бейнеттен
Техниканы  үйреткен
Роботтай –адамды
Тіл  бітіріп  сөйлеткен
Компьютер  емей  немене
Білмегенді  білдірген
Өлшеп  киім  кигізген
Барлық  істі  атқарып
Пайдасын  елге  тигізген

Компьютер емей немене

7 «А» Айсана:

Бәріңіз маған қараңыз!

Ойнымызды бастайық

Алуан түрлі ойларды

Ортамызға тастайық.

Информатика пәнінен

Көрсетіп біздер батырлық

Ой толғалық жүйелі

Таңдайымызға татырлық.

«Физиктер» тобы

7 «В» Нұрдәулет:

Күнделікті тұрмыста физика күші қажет-ақ,
Сағаттар да, телефон да ,пульттің өзі жүрмеуі хақ.
Егер дағы батарейдің орны оң- терісі ауысса,
Оқу керек физиканы ынта қойып қызыға.

Физика мұғалімі түсіндіреді тақырыпты анықтап,

Материалды қайталаймыз бүкіл сынып пысықтап,

Формулалар қарапайым, жеңіл оқылып жазылар

Сондықтан болар есептерді тез есептеп шығарам.

Оксана:Физика пәніне арналған Диананың орындауындағы ән, қабыл алыңыздар!

Әлемдік тартылыс,

Күшін сен сыйладың

Ауырлық, үйкеліс,

Күшін сен сыйладың

Сыйладың сен маған,

Тұрақты сандарды.

Ом менен Ньютонның

Әр түрлі заңдарын

Электр қуатын сыйладың сен маған,

Жасанды көз нұрын сыйладың сен маған.

Сенсіз бұл өмірде жүру де жоқ маған.

Сенсіз бұл өмірді сүру де жоқ маған.

Мейіржан:

Математикалық атаулар мен ұғымдар,

Есте болар, құрбылар, бәріңнің де.

Енді бір сәт солар жайлы жұмбақ шешсек

Артық болмас, бастайық, кезек бізде.

Оксана:

Жақсылап шешіп, табайық жауабын

Сыйлық бар сіздерге, қадырлі ағайын!

«Жұмбақтар» шешу

Жоқ өзінде бас та, қас та, мойын да,

Ұзындығы жазулы тұр бойында. (сызғыш)

Алды-арты шексіз де,

Жете алмайсың біздерге.

Сәуле менен кесінді.

Шыққан тегім білсе де. (түзу)

Қозғалысқа келтіріп,

Жылдамдығын береді.

Өлшемдерін қарасақ,

Ньютонға ол келеді. (Күш)

Жоғарыламайды ешқашан,

Түрлендірсең егерде,

Басқа күйге ауысса,

Жұмыс істейді әрқашан. (Энергия)

Бар нәрсеге жетік,

Миы күшті тетік

Ол арқылы сөйлесіп

Кетесің шетелге де өтіп.(компьютер)

Жануарға ұқсас атым бар,

Бағдар көрсетер затым бар

Кілемше үстінде тұрамын,

Ең қажетті құралмын.(тышқан)

Мейіржан: Информатика пәнінен арналған Балнұрдың орындауындағы ән. Қабыл алыңыздар!

Ұстаз да, шәкірт те бас иетін,
Компьютер, бар сенің қасиетің.
Бір емес бірнеше іс атқарасың,
Жалғыз өзің, мыңның ісін атқарасың.
Ақпарат, ақпараттық әрекетті.
Жүзеге асырасың, бас ұрасың
Интернет желісін жүктейсің де,
Әлемдік жүйеде сен тұрасың.
Өмірдің тулаған толқынында.
Өзіңді өзгелермен бір көресің
Ақпарат, ақпараттық әрекетті.
Жүзеге асырып сен жүресің.

Оксана: Компьютердің айналасындағы әзіл-қалжыңдарға кезек берейік.

1. Интернетке кіріп алып,  қайда баратыныңды білмесең дисперсияға ұшырағаның…..

2. Баласының ұмытқанын көрген әкесі баласына: балам –ау, сенің жадың форматталып кеткен бе, әлде вирус кіріп кеткен бе, не қарап тұрсың?- депті.

3. Бір тарақан өлтіру үшін неше программалаушы қажет? Екеу….. біреуі тарақанды ұстап тұрады, екіншісі оны тышқанмен бастырады.

4. Оқушы программалаушыдан   Windows 95, Windows XP,  DOS  операциялық жүйелерінің айырмасын түсіндіруді сұрады: программалаушы оған:

-         Аэропортқа келдің дейік. Ұшуға дайындалып тұр, ішке кірсең кілем, күшті орындықтар, шамдары жарқырап тұр.  Жолаушылар отырған соң , ұшақ аэропортты  бір айналады да, қайта қонып жолаушылардың одан шығуын сұрады. Бұл- Windows XP

-         Келесі орындатағы бір ұшақ тұр, оған жолаушылар отырған соң , ол аэропортты  бір айналады да жарылып , жерге құлайды. Бұл- Windows 95

-         Ал үшіншісі ұшақтың  түрі нашар, сырты кір, дөңгелектері де қисайған секілді.Жолаушылар жүктерін ұшаққа тиеп,өздері оны итеріп оталдырып, ішіне секіріп мінген соң , ақырын ұшып барып, барар жеріне жетеді. Бұл- DOS деп түсіндіреді.

5. Әжесі бес жасар немересіне айтады:

Құлыным қарашы, «бип-бип» келе жатыр.

-Әже қойшы, қайдағыны айтпай. Бұл BMW 325 қой!

6. Бір адам киви алу үшін дүкенге келеді. Қандай жеміс алатынын ұмытып қалады.

Сонда әлгі адам дүкеншіге:

-Маған жүн өсіп кеткен картошка беріңізші-депті.

Мейіржан:Жарнама кезегін берейік, эфирден алыстамаңыздар:

— Миф порошок : «Мен,ше? Сонда мен де ұлы патшайым болдым ба?»

Оксана: «Сенің де есімің МИФ, біздің апталығымыздың атауына ұқсас екен, өйткені сен де, М- математикалық есептеулермен: И – компьютердің көмегімен сыртқы келбетінің әдемі естіп өңделуіңде. » Ф- физика, саған да қатысы бар оның да, физикалық формулалардың көмегімен есептеулермен дүниеге келдің.

— Миф порошок «Менің де балаларға айтарым бар!»

Дос бол сабын, сумен сен,
Жиі – жиіжуын сен:
Таңертең де, кешке де,
Жуынкүндіз – түсте де,
Жуын тамақ алдында,
Жуын тамақ соңында,
Жуын ұйықтар кезіңде,
Жуын тұрған мезгілде.

Мейіржан:Математика пәніне арналған Ақнұр мен Үміттің орындауындағы ән шашуды, қабыл алыңыздар:

Мектепке келдім, ұстазды көрдім,

Жазу, сызу мен санау үйрендім.

Сан менен өрнек, теңдеу мен бөлшек,

Сырына оның, үңіліп көрсек.

Математика-бар ілім басы,

Математика-ғылым патшасы.

Математика-өмір тірегі

Математика-шәкірт жүрегі.

Сенсіз дүкенге бар алмаймыз,

Сенсіз үйлерді сала алмаймыз.

Сенсіз уақытты біле алмаймыз.

Сенсіз тарихты жаза алмаймыз.

Оксана: Енді информатика, математика және физика пәндері бойынша атақты ғалымдармен танысайық. Ол үшін сендер мына сұрақтарға жауап беріп көріңдер:

1. Ол-әлемнің бірінші ұстазы. Өзі әлемге әйгілі ойшыл, философ, математик, физик және ботаник, зерттеуші. Ол...(Аристотель)

2. 18 ғасырда өмір сүрген француз математигі және физигі, әдебиетшісі.16 жасында «Қима туралы» еңбегін жазған. Ол газбен сұйықтардың қасиетін көп зерттеп, заңдылығын тағайындаған және атмосфералық қысымның бар екендігін өз тәжірибесімен дәлелдеп берген. Оның атымен қысым бірлігі және информатикада программалау тілі аталған. Ол...( Блез Паскаль)

3. Microsoft  фирмасын құрған адам? (Билл Гейтс)

4. Бұл итальяндық физик «қазіргі заманғы физиканың атасы» деп есептейді. Ол Пиза қаласында 1564 жылы 15 ақпанда дүниеге келді.Ол ашқан жаңалықтар дүниенің гелиоцентрлік жүйесі туралы ілімнің жеңіп шығуына ықпал етті. Сонымен қатар телескоп ойлап тапты. Бұл қай ғалым?(Галилео Галилей)

5. Ол-классикалық физиканы құрған әйгілі ағылшын ғалымы. 1643 жылы 4 қаңтардаВулсторпада дүниеге келген. Бүкіләлемдік тартылыс заңын және қозғалыс заңдарын тұжырымдаған. Оның гравитация туралы ашылған жаңалықтары физиканың дамуына үлкен үлес қосты. Бұл қай ғалым?(Исаак Ньютон)

6. Әлемге әйгілі ойшыл, философ, математик т.с.с бұл ғалым туралы айта берсек таусылмайды. Математиканың дамуына өз үлесін қосқан атақты ғалым. Бір сөзбен айтқанда «Әлемнің екінші ұстазы»...

(Әбу-Насыр Әл-фараби)

Мейіржан:Құрметті оқушылар мен ұстаздар бір апта бойы жалғасын табатын апталықтың бағдарламасымен сіздерді таныстырып өтейік.

Оксана: