Күні

21 желтоқсан 2018 жыл

Сыныбы

6

Пәні

Информатика

Сайыстың аты

«Информатика жұлдызы»

Жалпы мақсаты

«Ақпарат және өңдеу», «Интернеттегі қауіпсіздік», «Компьютерлік жүйелер және желілер», «Компьютерлік графика» тарауларынан алған білімдерін анықтау

• Ресурстар

Интерактивті тақта, слайдтағы тапсырмалар, жұлдызшалар, жалаушалар, бағалау парағы

• Нәтижелері

• Оқушылардың пәнге деген қызығушылықтары артады.

Сайыс барысы

Сайыстың басы

Сайыстың ортасы

Мұғалімнің кіріспе сөзі

Құрметті ұстаздар, оқушылар бүгінгі «Информатика жұлдызы» сайысына қош келдіңіздер!

Информатика болашаққа бастайды,
Келешекке білім қуған жастарды.
Қадам басып 21-ші ғасырға,
Барлық әлем жаңалығын тастайды.
Армысыздар, ұстаздар мен оқушылар!
«Таланттылар терін төгіп, толғансын,
«Информатика жұлдызы» боп, жүлде алсын», - деп бүгінгі «Информатика жұлдызы» атты интеллектуалды сайыс сабағымызға қош келдіңіздер!

Асып әсте саспайық,
Сайыс қызығын балалар.
Осылайша шабытпен,
Қане енді бастайық.
Жиналған ылғи дарындар,
Жүрегі от боп жалындар.
Оқушының барлығын
Қол соғып қарсы алайық.

«Информатика жұлдызы» атты интеллектуалды сайысқа қатысушы оқушыларды ортаға шақырамыз:

________________________________

________________________________

________________________________

________________________________

________________________________

________________________________

________________________________

________________________________

________________________________

Сайысымызды бастамас бұрын әділ баға беретін әділқазы алқаларымен танысып алайық.

1 . _____________________________________________________________

2 . _____________________________________________________________

3 . _____________________________________________________________

Көңілді тапқыштар, білгіштер
Бар өнерін салады,
Кім білімді, көп оқыған болса егер,
Бүгінгі күн жеңімпазы болады,

«Информатика жұлдызы» ол болады, - деп бүгінгі ойынымызды ашуға рұқсат етіңіздер.

Бұл өтейін деп жатқан сайысымыз мына бөлімдер бойынша болады:

1-бөлім «Бәрін білгім келеді»
2- бөлім «Құпия алаң»
3- бөлім «Бұл не?»
4- бөлім «Мақал – сөздің мәйегі»
5- бөлім «Тапқырлық»

6-бөлім «Пікір-талас»

Мәңгі бақи есте қалар,

Қызықты бір жиын болсын

Білімдірек шәкірт озар,

Сұрақтары қиын болсын – дей отырып, ойынымыздың «Бәрін

білгім келеді» деп аталатын І кезеңін бастайық. Бұл бөлімде ойыншыларға сұрақтар қойылады. Жауап нақты, тез болу керек. Қай оқушы қолындағы жалаушаны бірінші көтерсе, сол оқушы жауап береді. Ол оқушы дұрыс жауап бере алмаған жағдайда, келесі жалауша көтерген оқушыларға жауап беруге рұқсат беріледі.

Сұрақтар:

1. Монитор экранындағы ең кішкентай элемент.

2. Дыбыстық ақпаратты шығару құрылғысы.

3. Монитор мен көздің арақашықтығы қанша см болуы тиіс?

4. Ақпаратты экранға шығаратын құрылғы.

5. Ұйым және жеке тұлғаларға Интернет қызметтерін ұсынатын компания.

6. Бүкіләлемдік тұтынушыларды бір-бірімен байланыстыратын деректер қоймасы жинақталған ең ауқымды желі түрі.

7. Қазақстанның домені қандай?

8. Өздігінен көбеюге қабілетті зақымдаушы программа.

9. Компьютерге қосылған түрлі құрылғылардың жұмыс істеуі үшін қажетті программа.

10. Адам мен компьютер арасындағы қарым-қатынас тәсілі.

11. Нақты бір мамандық иелері пайдаланатын программалар. (арнайы)

12. Сурет, сызба, кесте түрінде берілетін ақпарат (графикалық)

13. «Жазамын», «сызамын», «суретін саламын» деген мағынаны білдіретін термин (графика)

14. Бір байтта неше бит бар?

15. Алға қойған мақсатқа жету үшін орындалатын іс-әрекеттердің реттелген тізбегі.

16. Әрекеттері бірінен кейін бірі тізбектеле орындалатын алгоритм түрі.

17. Түрлі өткелдер мен жолдар арқылы берілген шатасқан күрделі құрылым.

18. Алгоритмнің неше түрі бар?

19. Тармақталған алгоритмде қандай тірек сөздер қолданылады?

20. 1 Килобайтта неше байт бар?

2-бөлімді бастайық «Құпия алаң» Тақтада 1-ден 15-ке дейін сандар берілген, әр топ бірінен соң-бірі сандарды таңдап сұрақтарға жауап береді. Дұрыс жауапқа 10 ұпай беріледі.

1. Компьютер миы? (жүйелік блок)
2. Интернетпен байланыс жасайтын құрылғы? (модем)
3. Мәтінді компьютерге енгізу құрылғысы? (пернетақта)
4. Ақпаратты қағазға шығару құрылғысы (принтер)
5. Жойылған нысандар орналасатын қапшық (себет-корзина)
6. Графикалық ақпараттардың көшірмесін компьютерге енгізетін құрылғы (сканер)
7. Мәтіндік ақпаратты енгізуге арналған бағдарлама? (Word)
8. ЭЕМ-ның дамуының қанша буыны бар? (5)
9. Ақпараттың өлшем бірліктері (бит, байт, килобайт, мегабайт, гегабайт, терабайт)
10. Қатқыл диск қайда орналасқан? (жүйелік блоктың ішінде)

11. Жеке адамның немесе адамдар тобының техникалық құралдарды нақты жағдайда қолдану іс-әрекетін кешенді зерттейтін ғылым (эргономика)
12. Ақпараттың кеңістікте құралдармен орын ауысуын жүзеге асыратын физикалық процесс. (ақпаратты тасымалдау)

13. Енген ақпараттарды машиналық формаға түрлендіру, яғни екілік кодпен беру.

14. Тек қана нүкте мен сызықшадан тұратын кодтау (Морзе әліппесі)

15. Хабарламаны 0 және 1 символдарының көмегімен жазуға арналған код.

Сайыс – толқын, айналған қатты ағысқа,
Табылғандай таным да, жат дауыс та.
Біреу озып келеді қатарынан,
Біреу қалып қояды асығыста.- деп осы кезеңнен кейін ұпай аз жинаған екі оқушы ойыннан шығады.

3-бөлімді бастайық «Бұл не?» бұл бөлімде оқушылар сайысқа түседі.

1. Плагиат деген не?

2. Браузер деген не?

3. Пиксель деген не?

4. Провайдер деген не?

5. E-mail деген не?

6. Компьютерлік вирус деген не?

7. Антивирус деген не?

8. Транслятор деген не?

9. Scratch деген не?

10. Анимация деген не?

4-бөлім. «Мақал – сөздің мәйегі» Бұл бөлімде оқушыларға информатикаға байланысты аударылған мақалдар беріледі, сол мақалдардың дұрыс жағын айту керек, дұрыс аударылған мақалға 1 ұпай беріледі.
1. Жүз дискің болғанша, жүз флешкаң болсын. (жүз сомың болғанша, жүз досың болсын)
2. Антивирусы күштіні - Вирус ала алмайды (Досы күштіні – жау алмайды)
3. Вирустан қорыққан, Интернетке шықпас (Жаудан қорыққан, жорыққа шықпас)
4. Компьютердің жұмысы, иесіне мәлім (Аттың сыры, иесіне мәлім)
5. Веб - дизайншының өз еркі, сайтты қалай жасаса (Қазаншының өз еркі, құлағын қайдан шығарса)
6. Білмесең, «гугл»- дан сұра (Білмесең білгеннен сұра)
7. Бір ядролы процессор жақсы, ал екі ядролы одан да жақсы (Бір ақылдан, екі ақыл артық)
8. Күлсең ескірген компьютерлерге күл (Күлсең кәріге күл)
9. Компьютерде бес колонка, дауысы жер жарады (Айдағаны бес ешкі, ысқырығы жер жарады)

10. Жігітті компьютеріне қарап, бағала (Жігітті досына қарап, бағала)

11. Байт биттен құралады (Теңге тиыннан құралады)

12. Компьютермен ойнасаң да зиян, ойнамасаң да зиян (Қасқырдың аузы жесе де қан, жемесе де қан)

13. Компьютер көркі – программа (Адам көркі шүберек)

5-бөлімді бастайық. «Тапқырлық»  бұл сайыста әр бала жұмбақтарды оқиды, ойлануға уақыт берілмейді , шапшандық есептеледі әр жауапқа 1ұпайдан.

1. Бағдар көрсетер затым бар.
Кілемше үстінде тұрамын,
Ең қажетті құралмын... (Тінтуір)

2. Жұртты өзіне қаратқан
Ақпаратты сақтап,таратқан (Компьютер)

3. Мәліметті сұраған,
Экранға шығарған... (монитор)

4. Биологияда бұл паразит,

Көзге зорға көрінер,

Информатикада өлшем бірлік

Ақпараттарды өлшер (БИТ)

5. Егер білсең,айта қойшы
Бұл қандай құрылғы
Ақпаратты қағаздағы
Компьютерге енгізеді. (Сканер)

5. Бір сарайда тұрады екен,
Бес атаның балалары.
Қыдырмашы біреуі,
Бір күн бар да,бір күн жоқ.
Соны есепке алсақ
Ұзын саны жүз жеті... (Пернетақта)

6. Компьютермен енеді,
Қағазға басып береді... (принтер)

7. Тетігін бассаң алаңсыз,
Жазады мәтін қаламсыз (пернетақта)

8. Төрт бұрышты әйнек,
Тұнып тұрған әлек (монитор)

9. Саусақтарды билететін
Экранға мәтінді сый ететін құрылғы? (пернетақта)

Көрермендермен ойын

6–бөлім. «Интернеттің пайдасы мен зияны» пікір – талас

Сайыстың соңы

Қорытынды.
Жетпесіңе жеткізген,
Қызықты уақыт өткізген.
Бар ғылымды сыйдырып,
Білетіні көп бізден.
Жаңалықтың жаршысы,
Жұртты елең еткізген
Информатикаға мың алғыс! – деп әділқазылар алқасына сөз береміз. Оқушылардың жинаған ұпайларына байланысты жеңімпазды анықтайық. Әділқазылар бағалау парақшалары арқылы бағалап, жеңімпаз топты анықтайды

Мадақтау. Марапаттау.