Интеллектуалды сайыс

Келісемін Бекітемін

Директордың оқу жұмысы Мектеп директоры:

жөніндегі орынбасары: С.Е.Акпанбетов

Б.Н.Абдуллаева

№60 жалпы орта білім беретін мектебі

«Математика әлемі»

интеллектуалды сайыс

8 - сыныптар

Жауапты: Г. Н.Сыдыкова, Г.О.Аширбаева

Шымкент қаласы

2023 – 2024 оқу жылы

Тақырыбы: «Математика әлемі» интеллектуалды сайыс

Сайыстың мақсаты:  Оқушылардың математика пәнінен алған білімдерін жинақтау, олардың білімге деген құштарлығын арттыру, қызықтыру арқылы білімін тереңдету, интелллектуалдық қабілетін дамыту.

Түрі: Танымдық ойын

Көрнекілігі: интерактивті тақта, тапсырма парақтары

 Жүргізуші:

Ойын толқын жатқандай асып — тасып,
Біреу мығым, біреулер шалыс басып.
Бұл ойыннан өтеді ғұлама ойлар,
Жеңсең де, жеңілсеңде қалма жасып.

 Қайырлы күн, қадірлі ұстаздар, оқушылар! Бүгінгі 8 – сынып оқушылары арасында өткізіліп жатқан «Математика әлемі» атты интеллектуалды сайысымызға қош келдіңіздер. Сайысымызды бастамас бұрын оқушыларды 3 (https://flippity.net/ Random) арқылы топқа бөлейік.

Ойының құрылымы:

1. «Қас – қағым сәт» математикалық тест

2. «Ғажайып әлем» әр түрлі есептер

3. «Ойлы болсаң, озып көр» математикалық логикалық есептер

4. «Шебер қолдар» суретшілер сайысы

5. «Кім білгір?» анаграмма ойыны

6. «Көрермендер көзайымы»

7. Қорытынды

1.«Қас-қағым сәт» кезеңі. Барлық топтарға қойылатын математика пәнінен тест тапсырмалары беріледі. Әр дұрыс жауапқа 1 балл қойылады . quizz.test

1. Жаңа логикалық амал ◄ мына түрде анықталған: m◄n = 4(5m-n) болса,

6◄21 өрнегінің мәнін есептеңіз.

A) 40 B) 48 C) 64 D) 24 E) 36

2. Сыныпта 28 оқушы бар. Қыздардың санының ұлдардың санына қатынасы 4:3 тең.
Сыныпта неше қыз бар?
А) 8 В) 12 С) 14 Д) 15 Е) 16

3. Көк базарда екі қауын үш асқабаққа, ал үш асқабақ бір қарбызға тең болса, онда бір қарбыз неше қауынға тең болады?
А) 1 В) 2 С) 3 Д) 5 Е) 4

4. Сұрақ белгісінің орнына қандай сан жазылуы керек?
1(27)2        2(64)2       2(?)3

А) 101 В) 80 С) 54 Д) 125 Е) 9

5. Әкем 45 жаста болғанда, мен 11 жаста болдым, ал қазір әкемнің жасы менің жасымнан үш есе үлкен. Қазір мен -?
А) 23 жастамын В) 15 жастамын С) 17 жастамын D) 21 жастамын Е) 19 жастамын

6. Сандар белгілі бір заңдылықпен берілген. Бесінші орындағы санды табыңыз: 7; 17; 27; ...

A) 37 B) 47 C) 57 D) 67 E) 77

7. 2-ге еселі санды табыңыз.

А) 1513; В) 2655; С) 1718; D) 547; E) 29.

8. 3-ке еселі санды табыңыз.

А) 143; В) 26; С) 71; D) 129; E) 145.

9. 3-ке қалдықсыз бөлінетін сандардың жалпы формуласын жазыңыз.

А) 3n; В) 3n+1; С) 3n-1; D) 3n+2; E) 2n+1.

10. 25-ке дейінгі жай сандардың қосындысын табыңыз.

A) 129 B) 58 C) 100 D) 160 E) 77

https://quizizz.com/join/quiz/65b961053b7b6fe511a95f38/start?studentShare=true

2. «Ғажайып әлем» кезеңі.

Бұл кезеңде әр команда ұяшықтарды таңдап сұрақтарына жауап береді. Балл ұяшық санымен бағаланады.

3.« Ойлы болсаң, озып көр» математика пәні бойынша логикалық сұрақтар

1.Кез –келген арифметикалық амалдармен пайдаланып, бес бірліктен 100 санын шығарып ал (111-11=100)

2.Теңдік тура болатындай етіп арифметикалық амалдар мен жақшаларды қойып шық

9 9 9 = 72 9*9-9=72

4 4 4 4 = 1 44 / 44 = 1

5 5 5 5 =50 5 *5 + 5 * 5 =50

3. Екі әке мен екі баласы 3 апельсин сатып алды. Әрқайсысына 1 апельсиннен тиді. Ол қалай болуы мүмкін. (мұнда әңгіме атасы, әкесі және баласы жайлы жүреді)

4. Екі бес санның арасына қандай таңба қою керек, шығатын сан 5 –тен үлкен 6-дан кіші болу керек ( үтір, 5,5)

5. Бір үлкен үйде 100 пәтер бар. Есіктің бетінде 9 цифры неше мәрте жазылуы тиіс (20 рет)

4. «Шебер қолдар» суретшілер сайысы.

3 топтан бір оқушыдан шықсын. Сайысымыздың шарты бойынша сендерге қазір әр түрлі фигуралар сурттері көрсетіледі. Оларға қарап, естеріңе сақтап алуға 1 минут уақыт беріледі. Содан соң бұл сурет жабылады. Суреттегі фигураларды рет – ретімен салып шығуларың керек. Бастайық!

5.«Кім білгір» анаграмма ойыны. Шатасқан әріптерден математикалық терминдер құрастыру керек.

1. Я Ф И Н У Ц К функция

2. Қ Т А З Ж Ы Қ Ы жазықтық

3. Л В Р К Е А И Т Ь вертикаль

4. Й Т Ө У Б Е К көбейту

5. И Г М Р А М А Д А диаграмма

6. А С А Б Ы Й Л С сыбайлас

7. И Д И Р Ц Л Н цилиндр

8. И Л П А Г Е Б Р О гипербола

9. Ш Ұ Б Р Ш Ү Ы үшбұрыш

10. Е П Ө М К Ш Ү көпмүше

6. «Көрермендер көзайымы» бұл кезеңде көрермендерге әр түрлі тапсырмалар беріледі. Әр тапсырма 1 ұпаймен есептеледі, жинаған ұпайын өзіне ұнаған топқа сыйға тартады.

1.Мына комбинациядағы Х және У мәндерін табыңыз?

Жауабы: 18, 43

2. Сіріңке шилерінен үй жасалған (суретті қара). Екі шиді қозғау арқылы үйді екінші жағына бұру керек.

Жауабы: 21

Қорытынды:

Көңіл бөліп бұл сайыста

Қатысушыларға көп рахмет!

Алдыңызда жайнаған жүздер әлі

Сендермен кездесеміз біздер әлі, - дей келе біз интеллектуалды сайысымызды аяқтаймыз.

Ендігі кезекте әділ – қазылар алқасын тыңдайық.

Марапаттау, мадақтау