Байғанин техникалық колледжі
Интерактивтік оқытуда пәнаралық байланысты ұйымдастыру арқылы оқушылардың танымдық белсенділігін қалыптастыруТақырыбында БАЯНДАМА
Орындаған: Туленова.А.Ж
2017 – 2018 оқу жылы
Егеменді еліміздің білім беру жүйесінде әлемдік деңгейге жету үшін жасалынып жатқан талпыныстар қазіргі кезде кең өріс ала бастаған оқытудың әртүрлі әдіс – тәсілдерін пайдалана отырып, білім беруді әзгілендіру бағыты, ең алдымен,мәдениеттегі, рухани мұрадағы, тарихымыздағы жалпыадамзаттық құндылықты бағалауға баса назар аударуды қажет етеді.Осыған сәйкес бүгінгі таңда білім ордаларындағы пәндердің мазмұнын интеграциялауды қамтамасыз ету арқылы оның ғылыми деңгейін арттыру, тұтастай алғанда оқушылардың оқу – танымдық әрекетіне тән дағдыларды қалыптастыру міндеті күн тәртібіне қойылды. Осыған байланысты келешек ұрпаққа білім берудегі күрделі мәселелердің бірі – біртұтас педагогикалық үрдіс кезіндегі сабақтарда интегративтік оқытуды жүзеге асыру.Интеграция - дегеніміз латын тілінен аударғанда бүтін, тұтастай – нысанның немесе құбылыстың жеке бөліктерін біртұтастыққа біріктіру мағынасын білдіреді. Ал, қазіргі оқыту жүйесіндегі интеграция – педагогикалық тұтастықты қалыптастырып, білімді жүйелеу мен жинақтауда әртүрлі ғылымдарды біріктіру.Мектептегі оқу пәндерін интеграциялау бірнеше мақсатты көздейді;- оқушылардың оқып – үйренуге қажетті оқу материалдары ықшамдалады,- қоршаған орта туралы білімдер жүйесінің тұтастығы нәтижесінде оқу үрдісінің тиімділігі артады,- оқу үрдісінің жандануына себеп болатын педагогикалық –психологиялық ахуал орнайды,- оқушылардың танымдық ойлау белсенділігі артады,- оқушылар кез келген құбылысты, нысанды тұтастай қабылдау қабілетіне ие болады.Пәндерді байланыстырудың мынадай екі тобын бөліп көрсетуге болады: Біріншісіне, бағдарлама бойынша оқытылатын мазмұндас пәндер (математика мен физика, биология мен география және т.б) арасындағы байланыстар жатады. Мұндай байланыстар тиісті пәндердің мұғалімдері үшін түсінікті болғандықтан ондай байланыстар орнату аса қиындық туғызбайды.Екіншісіне, мектепте оқытылатын мағыналары бір – бірінен алшақ жатқан пәндерді (математика мен география, география мен сызу т.б) байланыстыру мәселесі жатады, ал пән мұғалімдеріне тұтас жүйелі білімді қалыптастыру үшін пәннің мазмұнын, пәнаралық байланысты анықтау қажет.Пәнаралық байланыс негізінде оқушылардың икемділігі мен дағдылары, белсенділігі мен танымдық ынтасы анағұрлым жақсы дамитындығын педагог – ғалымдар дәлелдеген. Пәндерді сабақтастыра оқыту арқылы оқушының танымдық ынтасын арттыру – олардың шығармашылық қабілетін жетілдіру болып табылады. Бұл тұрғыда оқушылардың бойында географиялық білімдер мен біліктіліктерді мақсатты түрде қалыптастыруда пәнаралық байланысты қамтамасыз ететін картографиялық білім мысал бола алады.Картаны білу және аса құнды таным құралын біліктілікпен пайдалана алу оқушыларға жалпы білім берудің маңызды қыры болып табылады. Іс жүзінде карта қолданылмайтын қызмет саласын кездестірмеу мүмкін емес. Картографиялық білімнің география пәні мен бірқатар басқа пәндердің бірінші кезекте тарих, сызу, математика пәндерін байланыстыра оқытуда табысты игерілетіні анық. Қарастырылып отырған тұрғыда география пәні мен математика пәнін байланыстыру ерекше мәнге ие болады. Олар бірінші кезекте оқушылардың карталардың математикалық бөліктері мен олардағы өлшемдерді анағұрлым толық игерулері үшін қажет. Атап айтқанда, мұнда масштаб пен оның қолданылуының мәні туралы мәселені мысалға келтіруге болады.Жоғарыда аталған байланыстар курсаралықпен өзектесе отырып, бірқатар басқа пәндермен (әдебиет, шет тілі) байланыстырыла толықтырылады. Сонымен қатар, тарих, математика, сызу курстарында пайдалы картографиялық білім мен білікті географиямен үйлесімді бекіту мүмкіндіктері елеулі мәнге ие болады.Осындай пәнаралық байланыстарды жүзеге асыруға кешенді келу тұргысында оқушылар бойында картографиялық білімді қалыптастыру маңызды. Бұл орайда оқушылардың түрлі картографиялық көздерді пайдалана отырып, оларда бейнеленген құбылыстарды нақты өмірге сай қабылдауына қол жеткізу міндеті тұр.
ҚР Білім және Ғылым министірлігінің стандартымен жасалған
22 Желтоқсан 2017
295
0 рет жүктелген
