Жалпыадамзаттық құндылықтарды меңгереміз. Сабақ № 1

Мақсаты: Оқушыларға жалпыадамзаттық құндылықтардың мәнін ашу.

Міндеттері:

1. Оқушыларға қарапайымдылық қасиет туралы түсінік беру.

2. Оқушылардың бойында адалдық қасиеттерін дамыту.

3. Оқушыларды шыншыл болуға тәрбиелеу.

Ресурстар:

(материалдар, дереккөздер)

1.bilim-all.kz

Сабақ барысы:

1. Ұйымдастыру кезеңі. Тыныштық сәті .

5.Т – ережесі:

1.Тәртіп.

2.Талап.

3.Тыныштық.

4.Тазалық.

5.Татулық.
Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

(Баяу музыка қойылады)

Нұрға бөлену

Авторы Т. Мұхамеджанов

Музыкасы: Ф. Шопен (Хрустальная грусть)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін (баяу әуен ырғағымен)

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды, тілек қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ойша осы нұрды қолдарыңызға бағыттаңыз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі.

Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі Нұр сіздің аузыңызға, тіліңізге тарады.Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді.

Нұр көзімізге де жетті. Көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқынды және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға,мұғалімдеріңізге,достарыңызға,

таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз.Олардың да жүрегі нұрға толсын.

Осы Нұр бүкіл әлемге: барлық адамдарға, жан- жануарларға, өсімдіктерге, тірі жанға таралсын... Ғаламның барлық түкпір-түкпіріне нұр бағыттаңыз.

Ойша айтыңыз: «Мен Нұрлымын...Нұр менің ішімде...

Мен - Нұрмын »

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Ойша нұрға бөленгеннен кейін жайымен көзіңізді ашуға болады.Рахмет!

Осы тыныштық сәтінен алған әсерлеріңіз қандай болды

2. Үй тапсырмасын тексеру

Сұрақтар:

1. Жазғы демалысты қалай өткіздіңдер?

2.Қандай жақсы істер жасауға тырыстыңдар?

3.Ең қуанышты есте қалған оқиғаң не болды?

3. Дәйексөзі.

«Жалпыадамзаттық құндылықтар – өзін-өзі танудың негізі»

Сара Алпысқызы Назарбаева

Сұрақтар:

1. Сара Алпысқызы туралы не білесіңдер?

2. Жалпыадамзаттық құндылықтарды қалай түсінесіңдер?

3. Өзіңді өзің қалай тани аласың?

3. Оқиғаларды әңгімелеу.

Елеместің адамгершілігі

(Қазақ ертегілер жинағы)

Ертеде бір кедейдің үш баласы болыпты. Үшеуінің мінезі үш түрлі екен. Үлкені қатыгез, қу, тек қана өзін ойлайтын, ал ортаншысы жігерсіз, елдің айтқанымен жүретін адам болып өседі. Ең кішісінің аты Елемес екен. Ол ағаларына қарағанда мейірімді, адал, еңбекқор еді.

Әмиянды жерден көтеріп алып:

- Мынау кімнің әмияны? Кім жоғалтты? – деп жар салады.

Бұл сөзді естіген жәрмеңкеде жүрген қала жұрты аңтарылып Елемеске қарап қалады. Осы кезде Елеместі Қоршап тұрған адамдардың арасынан бір қария шығып:

- Мен жоғалттым. Оның ішінде менің өмір бойы жиып-терген алтын теңгелерім бар. Оларды әйелім тігіп берген гүлді орамалдың ішіне түйіп қойғанмын. Балам, әмиянді ашып көрші, — дейді.

Елемес әмиянды қарап тұрған жұрттың көзінше ашады. Расында да ішінде гүлді орамалға түйілген алтын теңгелер бар екен. Жоғын тапқан қария қуанып Елемеске алғысын айтады.

- Балам, өзің кім боласын?Қайдан келесің? Қайда бара жатырсың? – деп жөн сұрайды

Елемес қарияға барлық мән-жайды айтып береді. Оның әңгімесін естіп болған қарт:

- Сен мейірімді, адал жан екенсің. Егер қаласаң, осы қалада қал. Менің үш ұлым бар еді, төртіншісі бол, — дейді.

Елемес қарияға еріп оның үйіне барады. Қарияның балаларымен бірге жер қазып, егін егеді. Бір күні жер қазып жүрген оның күрегіне бір зат ілінеді. Алып қараса — алтын. Алтынды көрген ол одан әрі қаза түседі. Сол жерден ат басындай алтын тағы шығады. Елемес тапқан алтынды алып, қарияның үйіне келеді де:

- Әке, мен ат басындай алтын таптым. Міне, алыңыз, — деп алтынды шалға ұсынады. Оның көңіліне разы болған қария:

- Балам, бұл алтынның маған қажеті жоқ. Қашанғы бізбен бірге тұра берем дейсің. Өзіңше үй-жай болып, өніп-өс. Бұл – адалдығың мен еңбегіңнің арқасында тапқан байлығың, — деп кеңес береді.

Елемес алғыс айтып, алтынның бір бөлігін қарияға береді. Өзі қалған алтынын сатып, үйленіп, үй болады. Мал-мүлік жинайды. Ешқандай қара жұмыстан қашпай, күні-түні еңбек етеді.

Сұрақтар:

1. Елемес пен қарияның кездесуіне не себеп болды?

2. Оның адалдығын қандай ісінен көруге болады??

3. Елемес әмиянның қарияныкі екендігіне қалай көз жеткізді?

4. Адал болуды қалай түсінесіз?

5. Сен көшеден келе жатып әмиян тауып алсаң не істер едің?

6. Шыншылдыққа ата-анаңыз қалай үйретті?

4. Шығармашылық жұмыс, топтық жұмыс.

1. Оқушыларды 3 топқа бөлу.

   1. Топ : «Ақиқат» сөзінің әрбір әрпіне басталатын адамгершілік қасиеттерді тауып жазу.

   2. Топ: Жағдаятты шешу: Сынып бөлмесінің терезесінде көбелек ұшып жүр еді. Айгүл көбелекті ұстап алмақшы болып, абайсызда әйнекті сындырып алды. Ол қорыққанынан сыныптан шығып кетті. Мұғалім сыныпқа кіріп, «Әйнекті кім сындырды?»,-деп сұрады?

   3. Топ : Сахналау.(жағдаяттан шығу)Асан үй тапсырмасын орындамаған еді. Анасы жұмыстан келіп: «Үй тапсырмасын орындадың ба?»,-деп сұрады. Асан: «Иә»,-деп жауап берді.Келесі күні Асанның мұғалімі Асанның сабаққа дайындықсыз келгенін айтты.

5. Топпен ән айту.

"Бала тілегі" Сөзі:С.Молдасанұлынікі

Әні:Ф.Лұқпанованікі

1.Бал-балалық,балдырған шақ сан арман,

Барлық бала армандауға жаралған.

Кел,достарым,әндетіңдер,билеңдер,

Гүлденсін деп атамекен қара орман.(2 рет)

2.Болашақтың иесіміз бәріміз,

Туған жердің түрлендірер нәріміз.

Алтын бесік-ұлан байтақ елімде,

Жарқын болсын шырқап айтар әніміз.(2 рет)

3.Қалықтаған көгершіні көгінде,

Мұңаймасын ешбір бала елімде.

Ата берген батаменен көркейсін,

Ұлы Отаным,тілегім сол менің де.(2 рет)

6. Үйге тапсырма.

№2 – сабақ. Абай Құнанбаевтың «Ғылым таппай мақтанба» оқып келу.

Сабақтың соңғы тыныштық сәті: Баяу музыка қойылады.

- Бүгінгі сабақтан түсінген жақсы қасиеттерді есімізге түсіріп, жүрегімізге сақтайық.