Жалқы және жалпы есім

ЖАЛҚЫ ЖӘНЕ ЖАЛПЫ ЕСІМ

Сабақтың мақсаты:

Білімділігі:оқушылардың жалқы есім туралы алған білімдерін одан әрі тереңдете түсу,

жалпы есім туралы мағұлмат беру,сөздерді сауатты жазуға үйрету.

Дамытушылығы:зат есімнің мағыналық қасиеттері туралы түсініктерін дамыту.

Тәрбиелігі:адамгершілік асыл қасиеттерді меңгерту.

Сабақ типі: аралас сабақ.

Сабақ түрі: «Бауырсақ» ертегі желісімен

Әдіс-тәсілі:түсіндіру,көрнекілік қолдану,сын тұрғысынан ойлау,сұрақ-жауап,әңгімелеу,

көркем сөз қолдану,жеке жұмыс жүргізу.

Көрнекілігі:ертегі кейіпкерлерінің макеттері,ребус,тапсырмалар,дидактикалық ойындар,

слайдтар,семантикалық карта,Венн диаграммасы.

Пәнаралық байланыс:дүниетану,музыка.

Сабақтың барысы:

1.Ұйымдастыру кезеңі.Психологиялық сәт.

Армысың асыл күн,

Армысың асыл жер.

Армысың жан досым,

Міне менің қолым

Жылуыма жылу қос.

-Балалар осы алған жылуымызбен сабағымызды бастайық.Бүгінгі сабағымызды біздер кішкентай кезімізден көп естіп,тыңдап келе жатқан «Бауырсақ» ертегісінің желісімен өткіземіз.

Ерте,ерте,ертеде бір ата мен әже болыпты.Олар бақытты өмір сүріпті.Сөйтіп бір күні атай әжейге маған бауырсақ пісіріп берші,-депті.Әже бауырсақ пісіру үшін біз атайға көмектесуіміз керек екен. Сендер сабаққа жақсы қатысып отырсаңдар сендергеде әжей бауырсақ беріп отырады.Кім сабақтың соңында көп бауырсақ жинаса,сол оқушы жақсы бағамен бағаланады.

2.Білім деңгейін тексеру.Ой-қозғау.

1.Сөз құрамы нешеге бөлінеді?

2.Түбір дегеніміз не?

3.Қосымша нешеге бөлінеді?

4.Жұрнақ дегеніміз не? Мысал келтіру.

5.Жалғау дегеніміз ше? Мысал келтіру.

Семантикалық карта

3.Көркем жазу минуты. Жұмбақ шешеу.

Аппақ,аппақ ақ мамық,

Жерде жатыр топталып (Қар)

-Ендеше,осы Ққ дыбысына байланысты көркем жазу жазамыз.

4.Жаңа тақырып.

-Сендер оқушылар үй тапсырмасына жақсы жауап бердіңдер.Әжей бауырсақты пісіріп терезеге суытып қойды.

-Берілген сөздердің ішінен жалқы есімдерді табу.Жазылмай қалған сөздерге назар аудару.Олар туралы не айта аласыңдар?

Ережемен таныстыру

-Енді,балалар,бауырсағымыз өлең айтып келе жатып,қоянға жолығады.Қояннан құтқару үшін бауырсаққа көмектесейік.Қоянның тапсырмасы:

Мына берілген сөздердің ішінен жалпы есімдерді теріп жазу.

1.Астана,Ақжар,өзен,Алпамыс,қала,құс,Байқоңыр,Жәнібек,қыс,киім,жеміс,Ақтабан.

2.Астана сөзіне дыбыстық талдау жасау.

-Балалар,қоянға бауырсақты жегізбей аман алып қалдық.

5.Сергіту сәті:

Орнымыздан тұрамыз,

Белге қолды қоямыз.

Алға қарай бір адым,

Артқа қарай бір адым,

Жоғары-төмен қарайық,

Орнымызды табайық.

6.Оқулықпен жұмыс:

Оқулықтағы 398-жаттығу.Ребусты шешіп(Алматы),шешуіндегі сөзді қатыстырып сөйлем құрау.

-Енді,балалар бауырсақ әндетіп келе жатып,аюға жолықты.Аюдың тапсырмасы:

А әріпінене басталатын қала және адам аттарын жазу.

7.Дидактикалық ойын:

Масаты: зат есім туралы түсініктерін кеңейте отыра,балалардың сенсорлық қабілетін

(сипап сезу,иіс сезу,дәм сезу) дамыту.

Ойын барысы: үш оқушы сыныптың алдында көздерін байлап тұрады.Қалған оқушылар қораптың ішінедегі әр түрлі заттарды алып (түйме,бор,бет орамал,алма,ермексаз,сақина)

қолдарына береді.

-Мынау не? Кім берді?

-Бұл бор,Бекбол берді.

Оқушылардың дауысын танып,заттарды жаңылмай дұрыс тапқан оқушы ойын жеңімпазы атанады.

Ойынды қорыту:-ойын барысында қандай сұрақтар қойылды?

-Енді,балалар,бауырсағымыз әндетіп түлкіге кездесті,түлкінің қулығы басым,сондықтанда ертегі желісі бойынша бауырсақты түлкі жеп қояды.

8.Қорытындылау:

Венн диаграмасы:

Жалқы есім Жалпы есім

Зат

е

с

і

м

9.Бағалау.

Бауырсақты көп жинаған оқушыларды бағалау.

10.Үйге тапсырма: 399-жаттығу,ереже жаттап келу.