Жануарлар әлемінде

Батыс Қазақстан облысы, Қаратөбе ауданы,

Егіндікөл ауылы, «Балбұлақ» бөбекжайының қазақ тілі пәні мұғалімі

Махамбетова Айнагул Лесовна

Білім беру саласы: Қатынас

Оқу іс - әрекеті: Тіл дамыту

Тақырыбы: «Жануарлар әлемінде»

Мақсаты: Үй жануарлары жайында білімдерін бекіту. Жануарларды өзгешеліктеріне байланысты салыстыра білу.

Дамытушылығы: Балалардың сөздік қорын молайту, есте сақтау және ойлау қабілеттерін дамыту.

Тәрбиелік: Үй жануарларын күтуге, қорғауға, қамқорлық жасауға тәрбиелеу.

Көрнекілігі: Үй жануарларының суреттері.

Әдіс - тәсілі: Көрсету, түсіндіру, сұрақ - жауап, сергіту сәті, қорытынды.

Шаттық шеңбері: Бала, бала, баламыз

Бақшамызға барамыз.

Күні бойы қызыққа

Батамызда қаламыз.

Мұғалім: Балалар қазір жылдың қай мезгілі?

Балалар: Көктем мезгілі.

Мұғалім: Көктем мезгілі неше айдан тұрады?.

Балалар: 3 айдан тұрады.

Мұғалім : Көктем мезгілінің айлары қандай?

Балалар: наурыз, сәуір, мамыр.

Мұғалім: Сендердің бүгінгі күндеріңе сәттілік тілеймін. Балалар бүгінгі оқу іс - әрекеті тіл дамыту сабағы.

Тақырыбы: «Үй жануарлары»

Мұғалім: Үй жануарларына қандай жануарлар жатады?

Балалар: Үй жануарларына түйе, сиыр, қой, ешкі, ит, мысық, жылқы жатады.

Мұғалім: Үй жануарлары қайда жүреді? Орманда ма, үйде ме?

Балалар: - Біз үй жануарларын үйде бағамыз.

Мұғалім: - Үй жануарларын суреттер арқылы көрсетеді. Мынау қандай үй жануары?

Балалар: - Сиыр

Мұғалім: - Төлі қалай аталады?

Балалар: - Бұзау.

Мұғалім: - Мынау қандай жануар? Оның төлі қалай аталады?

Балалар: - Түйе, төлі бота.

Мұғалім: - Мынау қандай жануар? Оның төлі қалай аталады?

Балалар: - Жылқы, төлі құлын.

Мұғалім: - Мынау қандай жануар? Төлі қалай аталады?

Балалар: - Қой, төлі қозы.

Мұғалім: - Мынау қандай жануар? Оның төлі қалай аталады?

Балалар: - Ешкі, төлі лақ.

Мұғалім: - Мынау қандай жануар? Оның баласы қалай аталады?

Балалар: - Мысық, баласы марғау.

Мұғалім: - Мынау қандай жануар? Оның баласы қалай аталады?

Балалар: - Ит, баласы күшік.

Мұғалім: - Оларды неге үй жануарлары дейміз?

Себебі, адамдар қорада жем беріп, шөп беріп, су беріп күтіп бағады. Егер қарамай далаға жіберіп қойса, қасқырлар жеп қояды.

- Үй жануарларының қандай пайдасы бар?

Балалар: - Сүтін ішеміз, етін жейміз. Жүнінен киім тігеді.

3. Жұмбақтар шешу.

- Енді мен сендерге жұмбақтар жасырамын.

1. Басында екі таяғы бар

Төрт аяғы бар,

Сегіз тұяғы бар

Иегінде сақалы бар. (Ешкі)

2. Қамыс құлақ, тостаған тұяқ,

Мінсең - қанат, сүті – дәрі, еті – тамақ. (Жылқы)

3. Кезікті бір жануар

Үстінде екі тауы бар. (Түйе)

4. Кішкене ғана бойы бар,

Айналдырып киген тоны бар. (Қой)

4. Сергіту сәті.

Мұғалім: Қане, балалар бойымызды сергітіп алайық.

- Балалар «Төлдер» жырын білеміз бе? Олай болса «Төлдер» жырын қимылмен орындайық.

5. Ойын: «Дауысынан таны»

Шарты: Үнтаспадан жануарлардың даусын салады, балалар қай жануарлардың даусы екенін табады.

Қорытындылау:

Мұғалім: Бүгін қандай жануарлармен таныстық?

Балалар: Үй жануарларымен таныстық.

Мұғалім: Үй жануарларына қандай жануарлар жатады екен?

Балалар: Сиыр, түйе, қой, ешкі, жылқы, ит, мысық.

Мұғалім: Жақсы балалар, әрқашан үй жануарларына қамқорлық жасап жүруіміз керек.

Балалар сабаққа өте жақсы қатыстыңдар. Оқу іс - әрекеті аяқталды. Келген қонақтарымызға сау болыңыз айтамыз.