Жаратылыстану

Пән:жаратылыстану

Ұзақ мерзімді жоспар бөлімі:

Күні:

Сынып: 1

Мектеп:

Мұғалімнің аты-жөні:

Ибраева Қамар Жангереевна

Сабақ тақырыбы

Электр

Осы сабақта қол жеткізілетін оқу мақсаттары (оқу бағдарламасына сілтеме)

1.5.5.1.адамдардың күнделікті өміріндегі

электр энергиясының маңызын түсіндіру

Сабақ мақсаттары

Біледі, түсінеді

Барлық оқушылар:адамдардың күнделікті өміріндегі электрдің маңызын түсінеді;

Көптеген оқушылар: қоршаған әлемнің құбылыстарын, үдерістерін және нысандарын зерттеу қажеттілігін түсінеді. Электр тогымен жұмыс істейтін құралдарды ажырата алады.

Кейбір оқушылар:электрлік құрылғыларды қолданудағы қауіпсіздік техника ережелерін құрастырып, айта алады.

Бағалау критерийлері

-адамдардың күнделікті өміріндегі электрдің маңызын білетін болады;

-электр энергиясын басқа да құралдардан алуға болатынын түсінеді;

-ток көзі бар жекелеген денелерді анықтайды.

- электрлік құрылғыларды қолданудағы қауіпсіздік техника ережелерін құрастырып, айта алады

Тілдік мақсаттар

Электр – электр -

Батарея – батарея -

Құндылықтарды дарыту

Электр тогының қауіптілігі туралы айту,қауіпсіздік техникасын сақтау, үлкендерсіз еш уақытта электр құралдарын қосуға болмайтынын және үнемдеу керектігін естен шығармау.

Пәнаралық байланыстар

Дүниетану, тарих, музыка, көркем еңбек.

АКТ қолдану дағдылары

Ұялы телефон мүмкіндіктерін мұғалім көмегімен пайдалана алу, түсіну;

Интернет-ресурстар материалдарын мұғалімнің көмегімен пайдалана алу;

Электрдің адам өміріндегі маңызы туралы бейнефильм мазмұнын түсіну.

Бастапқы білім

Жылытқыш құралдарды, олардың қызметі туралы айтады.

Жалпы электр көздері туралы бастапқы білімді тексеру.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Тренинг « Екі құбылыс».

Балалар ішкі, сыртқы шеңбер құрады. Ішкі шеңбердегілер – «жылу», ал сыртқы шеңбердегілер «от». Жүргізуші «жылу» - десе қарсы тұрған балаға өз жылуын береді, «от» дегенде екі қолын айналдырады, ал қарсы топ оттан сақтану керек.

1 топ – «жылу», 2 топ – «от»(топқа бөліну).

Ширату жаттығуы.

Сөзжұмбақты шеш.

Әрбір суреттің астыңғы жағына суретте көрсетілген құралдар атауының бірінші әрпін жаз. Осы әріптерді кестедегі тиісті нөмірдің астына жаз.сол кезде бұл құралдар не арқылы жұмыс істейтінін білетін боласыңдар.

Электр-ол жарыққа немесе жылуға айнала алатын энергияның пайдалы түрі.Ол электр желісі арқылы беріледі.

Интербелсенді тақта, сөзжұмбақ

Сабақтың ортасы

3 минут

1-тапсырма (топпен жұмыс).

1 топ.Электр сөзіне қатысы бар суреттерден «Коллаж» құрастыр.

2 топ: сынып бөлмесіндегі электр құралдарын санап шығу.

2-тапсырма.

Құралдар қалай жұмыс істейді?

1топ:розеткаға қосылатын құралдардың суретін боя.

2топ.батарея арқылы жұмыс істейтін құралдардың суретін қоршап сыз.

Сергіту сәті.

3-тапсырма.

1топ:оқулықтағы 1 суретке қарап, сипаттап беру.

2топ: 2 суретке қарап, сипаттап беру.

Электрдің қазіргі адам өмірінде алатын рөлін анықтау.

Зерттеу жұмыс.

Жұмысты ұйымдастыру үшін әр топ оқушыларына:пульт арқылы басқарылатын ойыншықтар,бөлек розеткалар мен қосқыштар қажет болады.Топтағы оқушылар осы заттарды таңдап алып, оны қалай қосуға болатыны және қалай жұмыс істейтіні туралы талдайды.

Содан кейін оқушылар құралдарды қалай қосу керектігін және оны қалай басқаруды көрсетеді.

Зерттеу барысында:

-Ұялы телефон ненің көмегінсіз жұмыс істемейді?

(Батареясыз).

-Егер батареяда заряд бітіп қалса,не істеу керек?

(Зарядтау керек).

-Қалай?

(Ток көзіне қосу).

Суреттер арқылы немесе қима қағаздар арқылы ауызша тізбекті жалғастырады…

Суреттер, ватман

суреттер

интербелсенді тақта, музыка әуені

оқулық,Венн диаграммасы

ойыншықтар, ұялы телефон

Сабақтың соңы

Бейнефильм « Электрлік құрылғылары».

4-тапсырма

Электрлік құрылғыларды қолданудағы қауіпсіздік техника ережелерін құрастырып, айту.

5-тапсырма

Әр түрлі электр құралдарының суреттері көрсетіледі.Егер ол құрал ток көзіне қосылатын болса,оқушылар «электр»сөзін айтады.Егер батареяға қосылатын болса, «батарея»дейді.

Рефлексия “Өзіндік бағалау”

суреттер

стикерлер

Дескриптор:

Бағалау.

-Өзара бағалау “Сэндвич” әдісі

- «Бағалау парағы».

-электрдің адамның өмірі үшін қаншалықты маңызды екенін түсінеді;

- электрдің адамның өмірі үшін әртүрі әдіспен алуға болатынын түсінеді

-оқушылар көптеген құралдардың батарея арқылы жұмыс істейтінін түсіне алады;

-электрдің қазіргі адам өмірінде алатын рөлін біледі;

- электрлік құрылғыларды қолданудағы қауіпсіздік техника ережелерін құрастырып, айта алады.