Жасырын хат «Мен - ғажаппын

Менің сүйікті ұстазым

Данышпан да, дана да оқып сенен, Атақ-даңқын асырды бар әлемнен. «Ұстаз» деген аяулы, асыл жанды, Жақсы көрем, арнаймын жақсы өлең! Мәриям Хакімжанова

Жоспары:

I «Мұғалім мамандығы – барлық мамандықтың анасы» а)Ұстаз – ұлы есім

II «Ұстаз – мектептің жүрегі, қоғамның тірегі»

III Ұстазым ұлық бәрінен

Өмірде мамандықтың түрлері көп.Әр мамандықтың өз ерекшелігі бар. Дәрігер адамдарды емдесе, мұғалім оларды оқытады, білім береді. Демек, ұстаз барлық мамандық иесін тәрбиелеп, оқытып, үйрететін абзал жандар. Мұғалім – жалпы білім беретін мектептерде жас ұрпақты оқытып, әрі оларды тәрбиелеу қызметін атқаратын маман.Жас ұрпақты білім нәрімен сусындатар шәкірт жүрегіне гүл егер, бала жанының бағбаны аяулы ұстаздар емес пе? «Ұстаз мамандығы – барлық мамандықтың анасы» ,-деп дәл тауып айтқан. Ұстаз алдынан тәрбие алмайтын жан жоқ. Ұстаз берген тәрбие әрбір жанның өміріне жол сілтер шамшырақ болары анық. Ғалым иесі де, ел қорғаған батыр да, тегеуріні темір балқытқан жұмысшы да, егін салған дихан да, мал бағып терін төккен шопан да, көк күмбезінен әрі өткен ғарышкер де, бәрі-бәрі ұстаздан білім, тәлім алған. Қиындығы да, қызығы да жетерлік, ең бастысы жауапкершілігі жоғары мамандықтың бірі ұстаздық ету екені ақиқат. Өйткені бұл мамандықтың иелері мойнына еш нәрседен хабары жоқ, мыңдаған тарыдай ғана бүлдіршіндердің бойына білім нәрін сеуіп, тәрбие беріп, таудай азамат етіп шығару міндеті жүктелген. Сондықтан да ұлағатты ұстаздарға бүкіл адам баласы құрметпен бас иеді. Ұстаз! Осы бір сөзде қаншама мән-мағына ,құдіретті күш, қасиетті ұғым жатыр. Ұстаз! Қандай қасиетті сөз.Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін ұғым болса, соның бірі –ұстаз. «Ұстаздан тәрбие алған», «Ұстаздың алдын көрген» деген сөздер құлаққа ана тәрбиесін алған деген сөздермен ұштасады. Ұстаз – мектептің айнасы, бәйтерегі. «Жақсы ұстаз – мектептің жүрегі»,- деген Ыбырай атамыз. Жүрексіз өмір болмаса, мұғалімсіз білімнің, тәрбиенің іске аспайтыны анық. Дана халқымыз «Қыран түлегіне қайтпас қанат сыйлайды, ұстаз шәкіртіне талмас талап сыйлайды» демекші, ұстаз қай кезде де мектептің жүрегі, қоғамның тірегі. Қоғам тұлғаны қаншалықты жетілдірсе, жетілген тұлға қоғамды соншалықты дәрежеде дамытады. Шәкірттерін азамат қып саналы Ұстаз ана, дана бола алады. Ең бастысы ұстаз мына өмірде Ұлағат боп, ұлық болып қалады.