Ұйымдастырылған оқу қызметі

Білім беру саласы: Әлеумет.

Бөлімі: Экология негіздері.

Тақырыбы: Жеміс бағына саяхат.

Мақсаты: туған жемістері туралы қарапайым түсініктерін қалыптастыру.

Міндеттері: 1. Жемістер туралы білімдерін естеріне түсіріп, жемістер бақта өсетіндіктерін

ұғындыру;

2. Күз сыйы және бақ деген сөздерге сөздік жұмысын жүргізу арқылы есте сақтау

қабілеттерін дамыту;

3. Өсімдіктерге сүйіспеншілікпен және қамқорлықпен қарауға тәрбиелеу.

Күтілетін нәтижелер:

орындайды: бақта өсетін жемістерді ажыратуға арналған тапсырманы;

түсінеді: күз сыйы және бақ сөздерінің ұғымын;

қолданады: жеміс туралы білімдерін.

Қолданылатын көрнекілік құралдар: себет, «жеміс бағының» суреті, үлестірмелі

материалдар.

Сөздік жұмыс: бақ.

Билингвалды компонент: бақ – сад, урожай – өнім, жемістер – фрукты, алхоры – слива.

ҰОҚ барысы

1. Ұйымдастыру кезеңі

Шаттық шеңбері.

– Қайырлы таң, қайырлы күн!

Саулық тілеп бәріне,

Сәт келді амандасатын!

Таңғажайып сәт.

– Балалар, біз бүгін саяхатқа шығамыз, ал қайда баратынымызды мына себет арқылы

анықтаймыз. Педагог жемістер салған себетті көрсетеді (алма, алмұрт, алхоры, апельсин,

лимон).

2. Негізгі кезең

Білімді өзектендіру.

Себеттегі жемістерді бір-бірден алып шығады.

– Мынау не? (Алма, алмұрт, алхоры, лимон, апельсин).

– Ал бұлардың бәрін біз бір сөзбен қалай атаймыз?

– Жемістер қайда өседі?

– Өте жақсы! Біз сендермен жемістер бағына саяхатқа барамыз. Күз келді, сондықтан да

пісіп тұрған жемістерді жинап алатын кез келді.

Билингвалды компонент:

бақ – сад, урожай – өнім, жемістер – фрукты, алхоры – слива.

Сөздік жұмысы.

Күзгі өнімге (урожай) күзде піскен барлық жемістер мен көгөністер, дәнді дақылдар

жатады.

Бақ (сад) – жеміс ағаштары өсетін жер.

Жемістер туралы жұмбақтар жасыру.

Допқа ұқсайды өзі,

Қызғылт сары түсі. (Апельсин)

Терісі қалың, дәмі қышқыл,

Түсі – сары,

Еті – дәрі. (Лимон)

Көктемде ақ гүлге оранады,

Күзде қолға доп болып оралады. (Алма)

Ілініп тұрған шарлар,

Күн көзімен көгерер. (Алхоры)

Жұмбақтардың шешулері болған жемістердің суреттерін көрсетеді.

Сергіту сәті:

Аяқтың ұшымен тұрамыз,

Алманы жұлып аламыз.

Үйге қарай жүгіріп,

Аналарға сыйлаймыз.

Алмаға тән белгілерді анықтау.

– Міне, мен сендерге алма жұлып әкелдім. Пішіні қандай?

– Сипағанда қолға қалай сезіледі?

Алманы бөліп, балаларға таратып береді.

Үлестірмелі материалмен жұмыс.

Тапсырманы қалай орындау керектігін түсіндіреді.

Жеке жұмыс жүргізеді.

3. Рефлексия.

Педагог қорытынды жасайды. Балаларды мадақтайды.