Жеңістің жырын жырлайық

«Жеңістің жырын жарлайық!»

9- мамыр Ұлы Жеңіс күнімен «Балдырған А»

жауапкершілігі шектеулі серіктестігінің

тәрбиеленушілері шын жүректен құттықтайды.

«Балдырған А» балабақшасында Ұлы Жеңіс күніне орай барлық топтарда ашық тәрбие сағаттары өтті. Тәрбие сағаттарының мақсаты: бүлдіршіндерімізге, бұл мереке- жанқияр ерліктің, еңселі елдіктің рухы өрлеп, Жеңіс жалауы желбіреген күн екенін түсіндіру, ұғындыру.

Бүгінгі тәуелсіздік тұғырының берік, еңсеміздің биік болуы да, еліміздің өркендеуі мен елордамыздың гүлденуі де- осынау мерекенің жемісі.

Бүгінгі ұрпақ аға- буын, ардагерлер танытқан қаhармандық пен қайсарлықтан үлгі алып, бой түзейді. Осынау ерлікке толы күн тарихымыздың мәңгілік ұмытылмас парағы болып қала бермек.

Жыл сайын мәңгілік алауы жанына Отан қорғаушыларын, батырларды еске алып, гүл шоқтарымен рахметін айта келгендер жиналады. Біздер де қадірлі ардагерлерге бейбіт өміріміз бен бақытты болашағымыз үшін алғысымызды білдіреміз.

«Балдырған А» балабақшасының

дене шынықтыру нұсқаушысы Әбдірәсіл А.Қ