Кәмілетке толмағандар
арасындағы құқықбұзушылық, қараусыздық пен
панасыздық.
Қазіргі қоғам қарыштап дамып,
күн санап құбылып жатыр. Қоғамдағы өзгерістер мен қиындықтар санасы
қалыптасып, ойы бекіген тұлғалардың өзін сан-саққа айдап алып
барады. Ал біздің мектеп қабырғасында жүріп үлкен қоғаммен танысып
жүрген жас жеткіншектерімізге қызықты болып көрінгеннің көпшілігі
қылмысқа бастар жолдың бірі сынды. Оған дәлел ел аумағында соңғы
екі жыл көлемінде компьютер клубтарының саны артып, келушілердің де
қарасы артқан. Таңның атысымен барып, қара кешті батырғанша күнұзақ
ойынға беріліп, білімнен қол үзіп кеткен жастарымыз қаншама.
Отбасыдағы ата-ана қызметімен кеткенде әсіресе қала жастарының
бағыты білімнен тайып, ойын-сауыққа бұрылып
барады.
Статистика балалар жасаған
тіркелген қылмыстар саны азайғанын көрсетеді: 2009 жылы -
6 651 бала, 2017 жылы - 3 148. Кәмелетке толмаған
қылмыскерлер арасындағы қыздар үлесі 7,0% құрады. Қайта құқық
бұзушылыққа барған балалар 12,7 %
құрады.
Өткен жылдар ішінде балаларға
қатысты шығарылған айыптау үкімдері 2009 жылы 2 654-тен 2017 жылы
443-ке қысқарды. Сотқа дейін қамауда отырған балалар саны да 2009
жылы 475-тен 2017 жылы 166-ға қысқарды. Оған қоса, колониялардағы
балалар саны 2009 жылдың аяғында 427-ден 2017 жылы 49-ға қысқарды.
Бұл мәліметтермен таныса отырып, барлығы жақсы деуге негіз жоқ.
Бүгінде ата-анасымен үйінде отырған әрбір бала сырттай бақылауда,
осы сәтте мектеп әкімшілігі мен сынып жетекшілер баланың оқу
үлгерімін дұрыстап, сабаққа деген қызығушылығын арттыруға жұмыс
жасауы тиіс. Әрине мектеп қабырғасындағы алған білім баланың саналы
тұрғыда дамуына негіз болады. Сондықтан да мектеп әкімшілігі
руханиятты дамытатын ісшараларды өткізіп, жасөспірімдермен бірге
талдауға тырысуы керек. Ашық сұхбаттар, онлайн кездесулер өткізіп,
зиянды әдеттер мен әрекеттерге бейім болмауды ескертіп, білім
алушыларды үлкен қоғамға саналы түрде аттандыру мектептің негізгі
міндеті деп ойлаймын.
Қостанай қаласы №15
ЖББМ
тарих пәні мұғалімі Айту
Б.Н.
17 Мамыр 2021
304
0 рет жүктелген
