Коучинг тақырыбы:

Кері байланыс – сапалы білім кілті

Жалпы мақсат:

Жас мұғалімдерге сабақтағы кері байланыс жайлы, оның түрлері, әдістері жайлы мәліметтер алуға жағдай жасау. Оқушылардың көңіл күйіне, сабақтағы іс-әрекетке, оқу материалдарына рефлексия жасау жолдарын жоспарлауды бірлесіп қарастыру.

Сілтеме:

Мұғалімдерге арналған нұсқаулық. Үлестірмелі нұсқаулық

Оқу нәтижесі:

Мұғалімдер сабақтағы кері байланыс жайлы, оның түрлері, әдістері жайлы мәліметтермен таныс болады. Кері байланыстың мәнін, оның түрлерін түсінеді. Оқушылардың көңіл күйіне, оқу материалдарына қалай кері байланыс жасау керектігін біледі.

Түйінді идеялар:

Оқыту мен оқудағы жаңа әдістер арқылы табысты оқытуға қол жеткізу. Сабақтағы кері байланыс, оның түрлері, әдістері

Қолданылатын материалдар:

А-3 парақтары, стикер, интерактивті тақта, флипчарт, маркер, т.б.

Оқыту әдістері:

Диалог, жеке жұмыс, топтық және жұптық жұмыс

Дереккөздері:

Оқыту мен оқудағы жаңа тәсілдерді оқыту жөніндегі нұсқаулық. Мұғалімдерге арналған нұсқаулық Power Point

Тапсырмалар:

«Кері байланыс ұйымдастыр» топтық жұмыс, өзін-өзі және бірін-бірі бағалау, топтық тапсырма және қорғау, рефлексия.

тапсырмалар

Сабақтың іс-әрекеті

Мұғалімдердің іс-әрекеті

Топқа бөліну.

«Миға шабуыл»

«Кездесу» жұптық оқыту әдісі арқылы топқа бөліну.

І топ: Кездесу уақыты: сағат 6. 00

Талқылайтын сауал: Кері байланыс дегеніміз не? Кері байланыстың қандай түрлері бар?

ІІ топ: Кездесу уақыты: сағат 12. 00

Талқылайтын сауал: Кері байланыс не мақсатпен жүргізіледі? Кері байланыс сабақтың қай кезеңінде жүргізіледі?

«Кездесу» жұптық оқыту әдісі арқылы топқа бөлінеді және әуелі өз жұптарымен, соңынан топпен ақылдаса отырып сұрақтарға жауап береді. Кімнің орындығының артында стикер жапсырулы болса, топтың ортақ шешімін сол баяндайды.

Шағын дәріс

Слайд бойынша кері байланыс түрлері, әдістері туралы қысқаша мәлімет беру.

Мұғалімдер түртіп алады.

«Ой шақыру» Фильмнен үзінді көрсету

«Қыз Жібек» фильмінен үзінді көрсету.

1. Қай фильмнен үзінді көрдіңіздер?

2. Осы фильм ұнай ма сіздерге?

Фильмнен үзінді көріп,

сұрақтарға жауап береді.

Кері байланыс.

-Фильм туралы көңіл күйлеріңізді смайлик арқылы білдірсеңіздер.

көңіл күйлерін смайлик арқылы білдіреді.

Топтық жұмыс

І топ: 1. Бұл фильмді кім түсірген? Қай жылдары?

2. Бұл киноны түсіруге негіз болған қандай жанр?

ІІ топ: 1. «Қыз Жібек» жырында қазақ халқының қай кездегі тарихы суреттелген?

2. Бұл жырдың туған жері, оқиға өткен жер Қазақстанның қай аймағы?

Топтар бірлесе отырып сұрақтарға жауап береді.

Шағын дәріс

Слайд арқылы сұрақтардың толық, дұрыс нұсқасы көрсетіледі.

1. (1970ж. режиссер Сұлтанахмет Қожықов түсірген. Сценарий авторы Ғабит Мүсірепов)

2. (Бұл киноны түсіруге негіз болған -лиро-эпостық жанр)

3. («Қыз Жібек» жырында қазақ халқының ХV- ХVІ ғ.тарихы суреттелген)

4.( Бұл жырдың туған жері, оқиға өткен жер - Батыс Қазақстан. Қособа, Жайық, Еділ деген жер-су аттары тарихи шындықпен сәйкес келеді. Сонымен бірге, жырдағы ру, тайпа аттары күні бүгін де дәл солай аталады. Мыс: жағалбайлы, тама, шекті, адай, жаппас, т.б.)

Мұғалімдер түртіп алады.

Кері байланыс

«Бес саусақ» әдісі

Бас бармақ – білетінім.

Сұқ саусақ – білгенім.

Ортаңғы саусақ – әлі де білгім келеді

Аты жоқ саусақ – мен үшін жаңа ақпарат

Шынашақ – мені таңғалдырады.

«Бес саусақ» әдісі арқылы алған білімдерін өздері бағалайды.

Жыр нұсқасын оқу. «Елші» әдісі

І топ: жырдың 1-бөлімін оқиды.

ІІ топ: жырдың 2-бөлімін оқиды.

(«Елші» әдісі арқылы өздері оқыған бөлімді бір-біріне түсіндіреді)

Екі топтан елшілер шығып, өз мәтіндерін басқа топқа түсіндіреді. Топтар бірігіп елші жұмысына «Екі жұлдыз, бір тілек» әдісімен стикерге жазып баға береді.

Постер жасау

Біз оқыған жыр мен фильм арасында ұқсастықтар мен өзгешеліктер бар ма?

Бірлесе отырып өз пікірлерін постерге түсіреді.

Кері байланыс

«Бір сөйлеммен тұжырымдаңыз» әдісі

Мұнда қатысушылар жаңа тақырыпты қалай түсінгенін бір сөйлеммен тұжырымдайды. Мыс: Мен бүгін «Қыз Жібек» жырын жақсы түсіндім.

Кері байланыс береді

Кластер жасау

-Жырдың бір нұсқасында Жібек Сансызбайға қосылады? Ал бұл әмеңгерлік салтқа байланысты ма? Әмеңгерлік дегенге қалай қарайсыз?

әмеңгерлік

Топта ақылдасып, кластерге салады.

Бағалау

Топтар бір-бірінің жұмысын бағалайды, бір-бірінің бағалауына көзқарастарын білдіреді.

Кері байланыс

«Бір сөзбен» әдісі

Берілген сөздердің ішінен бүгінгі сабақтағы жағдайын сипаттайтын 1 сөзді таңдайды. (қуаныш, немқұрайлылық, шабыт, зерігу, сенімсіздік, сенімділік, рахаттану, алаңдау, қызығу, ренжу, т.б.)

Оқу материалының мазмұнына берілетін кері байланыс

«Аяқталмаған сөйлемдер» әдісі арқылы кері байланыс береді.

Мен бүгін ......................... білдім.

Мен бүгін .......................... сезіндім.

Мен келесі сабақта ...................білгім келеді.

Топтағы кері байланыс

Топтық кері байланыс сұрақтары:

1. Жұмыс барысында топтағы қарым-қатынас тапсырманың орындалуына қалай әсер етті?

-жұмыстың тиімділігін одан әрі арттыруға көмектесті;

- жұмыстың жақсы жүруіне кедергі болды;

- біздің қарым-қатынасымыз тапсырманы нақты орындауға мүмкіндік бермеді.

2. Топтағы қарым-қатынас қай дәрежеде көбірек іске асты?

- ақпарат алмасуда;

-өзара қарым-қатынаста;

-осы дәрежелердің бәрінде іске асты.

3. Топта ауызбіршілік сақталды ма?

- топта ауызбіршілік пен серіктестік қарым-қатынас сақталды;

-топтағы серіктестік бұзылғаны байқалды.