Кітап оқу-қазіргінің қаруы!

Кітап оқу – қазіргінің қаруы

Екі күннің бірінде үлкен белестерге шыққан тұлғалардың кітапты жақсы оқығандығын естіп жатамыз. Осы тұста бірден ойымызға бұл іс тек мықтылардың ғана қолынан келетін ия болмаса, шыдамдылықты қажет ететін бір қиын жұмыс секілді көрінетіні өтірік емес. Ал оның пайдасын көре тұра, біле тұра неге сәл тырысып көріп, оқуды әдетке айналдыруға көшпеске?

Егер сіз де кітап оқуды қолға ала алмай жүрсеңіз мен өзімнің тәжірбием бойынша кітапты соңына дейін жеткізудің оңтайлы тәсілімен бөлісейін. Қолыңызға алған оқулықты еш алаңдамай 1-ші беттен 50-ші бетіне дейін қалайда жеткіземін деп уәде етіңіз. Болған соң, демалып, осы үшін өзіңізге алғыс айтсаңыз келесіде шабытыңыз ашылады. Ал әрі қарай оқығыңыз келіп кетсе, дәл жаңағыдай оқитын бет мөлшерін алдын-ала белгілеңіз. Ендігі жолы 50-ші беттен 100-ші бетке дейін оқуға тиіспін деп жігер сыйлап, кітабымызды бітіруге бекінеміз. Осы әдіс арқылы қандай жағдай болмасын ойыма алған нәрсемді тоқтатпауға үйрендім. Іс-жүзінде нәтижесі өте зор.

Статистикаға зер салсақ, Қытай, Үндістан сияқты елдер кітап оқуда көш бастап тұрғандығын байқаймыз. АҚШ елдерінде болып қайтқан турситер ол ел адамдарының кез келген жерде оқулық немесе газет, журнал оқып отыратындығын тілге тиек етеді. Ал салыстырмалы түрде біздің елде кітаппен жолдас болған қарасы көрінер-көрінбес бірең-сараң жастарды ғана байқайтынын жасырмайды. Осы ақпаратты естігенде бірден ойыма мына нәрсе оралды.. Мемлекет тек қана дамушы адамдардың ықпалымен атағы кеңге жайылып, алға қарай жүреді екен. Оған шет елдің мына азаматының әрекеті дәлел бола алары сөзсіз.

21-ші ғасырдың өнертапқышы атанған Илон Масктан «Зымыран жасауды қалай үйрендіңіз?» деп сауал қойғанда «кітап оқу арқылы» деп жауап беріпті-мыс. Осындай жағдайлардың куәсі бола отыра, оның мүмкіншіліктерін естіп, пайдасын көре отыра, сіз әлі күнге дейін баяғыда алған бір кітабыңызды аяқтай алмай жүрсіз бе? Жақсы, әйтеуір кітап оқимын деген ниетіңіз бар ғой, бірақта кітаптың иісін сезініп, бетін ашып, парақтап көрмегендердің саны да жетерлік.

Қорытындылай келе айтатыным, қорыңызды кітап деген алтынға толтыру үшін, тап қазір ойыңызда жүрген оқулықты қолыңызға алып 3-4 күннің ішінде бітіремін деп дедлайн қойыңыз. Сіз ойлағаннан да өте жеңіл жұмыс. Болашағым жарқын, ісім өнімді, сөзім өтімді болсын десең осы бір жақсы әдетті күніге қайталап, қазіргінің қаһарманы болып шыға келіңіз!

Саясатқызы Сымбат

sayasatkyzy2000@mail.ru