Түркістан облысы

Шардара ауданы

Т.Тәжібаев атындағы жалпы орта мектебі

Ашенова Жаңылай Тажибаевна

Кітап –рухани қазына

«Кітап та алма ағашы,

Жемісін біздер теретін,

Тәтті алмаға балашы,

Кітабыңның әр бетін» деп Мұзафар атамыз жырлағандай, әдеби кітаптар және оқулықтар- сендерге білім көзі, рухани қазына. Біз кітап арқылы яғни жас ұрпақ бүкіл адамзаттың мәдениетімен таныса бастаймыз. Бірақ рухани өмірімізде кітаптың алатын орны ерекше. Алға басқан сайын кітап біздің айнымас серігіміз болып қала береді. Кітап білімімізді молайтады, кітаптан көп үлгі –өнеге аламыз. Оқыған-тоқығаның көп болса, жеңбейтін жау, алынбайтын қамал жоқ. «Білікті бірді жығар, білімді мыңды жығар» деген халық даналығы бекер айтылмаған. Ендеше кітап біздің сарқылмас қазынамыз.

Адамдар барлық жинақтаған білімін, жаңа ұрпаққа кітап арқылы таратады. Олар әр адамның өміріне енген. Сондықтан, төмендегі қанатты сөздер жинағы сіздерді қызықтырады деп ойлаймын.

Кітап туралы айтылған 20 нақыл сөз. Басшылыққа алып, назарда ұстануға шақырамын. Қызықты кітап – қысқа болып көрінеді. Кітап оқу маңызды емес, оқыған нәрсенді түсіну маңызды! Кітап – үнсіз мұғалім. Алтын – жерде, білім – кітапта. Кітап – өмірдің ең алыс және қараңғы жолдарында жарық беретін шам. Бір оқулық – мың адамды оқытады. Айтылған сөз – бір күн, жазылған сөз – бір ғасыр өмір сүреді. Теңіздің түбінен гауһар табылады, кітаптің түбінен білім алынады. Нан денені, кітап миды тамақтандырады. Кітаптың ішінен әріпті емес, ойды ізде. Кітап – керемет зат, егер оны дұрыс пайдалансан. Жаман кітап – жаман достар сияқты, адамды бұзуы мүмкін. Баланы оқуға үйрете отырып, сіз оның өмірін жарқын және қызықты етесіз. Кітаптар болмаған үй, жаны жоқ адам сияқты. Сауатсыз соқыр сияқты, оның көзін кітаптар ғана ашады. Көп оқитын – көп біледі. Кітап су тәріздес, кез-келген жерден жол табады. Қаламмен жазылғанды – балтамен шаба алмайсың. Кітапты досыңды сияқты таңда. Кім жазғанын қарама, не жазылғанын қара.

Сүткент ауылы