«Күндей нұрлы жүзіңнен шуақ шашқан...» тақырыбындағы тәрбие сағатының жоспары

«Келісемін» МДТІЖО ____________ А.Маханова «_____»______________ 2022 жыл

І.Кеңесбаев атындағы жалпы орта мектебі

9- сынып оқушыларының

«Күндей нұрлы жүзіңнен шуақ шашқан...» тақырыбындағы тәрбие сағатының

жоспары

Сынып жетекшілері Жандуалиева Жанар

Бейсеева Гүлжан

Күмісбаева Эльмира

2021-2022 оқу жылы

Күндей нұрлы жүзіңнен шуақ шашқан...

Хор: « Ана»

1-жүргізуші

Мерейлі сәт мерекеге ұласып,

Сегізінші наурыз келді қыр асып.

Қыз- келіншек, нәзік жандар мейрамы-

Көктемімнің шапағатын тұр шашып.

2-жүргізуші

Құттықтаймыз аналарды, қыздарды,

Мерекеден шуақты бір із қалды.

Болсын әркез көтеріңкі көңілдер,

Нұрын шашсын мерекеге өңірлер!

1-жүргізуші

Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге «8 наурыз -Халықаралық әйелдер күні» де келіп жетті.

2-жүргізуші

Білім көгінде бір қанатын білім, екінші қанатын өнер деп қағатын І.Кеңесбаев мектебінің 9-сынып оқушылары ұйымдастырып отырған «Күндей нұрлы жүзіңнен шуақ шашқан...» атты мерекелік концертімізге қош келдіңіздер!

Концертімізді ашып беру үшін, мерекелік құттықтау сөзді мектеп директоры Оспанов Ғабит ағайға және кәсіподақ ұйымының төрағасы Умиртаев Махмут ағайға береміз.

1-жүргізуші

Күй төгіліп би билеп,

Барлық өнерді қамдаймыз.

Бүгінгі көңіл шабытын,

Тек сіздерге арнаймыз.

Ортада әсем ән «Әйелдің бақыты» .

2-жүргізуші

Сіздер — Күнсіз, аспанда жарқыраған,

Сіздер — өзен, тау суы сарқыраған,

Сіздер — ана, сіздер — жар, сіздер — қыздар,

Сіздер —  жаңбыр, ақ нөсер сарқыраған.

1-жүргізуші

Мерекеге арналады бүгін билер.

Көтерілсін, қанекей, көңіл-күйлер.

Алдарыңызда дәл қазір қазақ биі,

Таң қалдырып қанекей би билеңдер,-дей келе, кезекті «Қара жорға» биіне берсек.

2-жүргізуші

Ана десем сезім билер тым ыстық ,
Жарасымды адамдарға  туыстық.
Бар адамға берсе бар мейрімін ,
Орнар еді бар әлемде тыныштық.

Құрметті аналар, арулар, сіздерге деген ыстық лебізімді мына жыр шумақтары арқылы білдіргіміз келеді. (осы кезде Жансаяның жанына Жұлдыз келеді. Екеуі кезегімен өлеңді айтып шығады.)

1-жүргізуші

Әйелдердің күні дейді бұл күнді,
Бақтар жайнап, сайратады бұлбұлды. 
Еркек түгел еркелерге берем деп, 
Қолдарына ұстап апты бір гүлді. 

Ақ жаулықты аналар мен ару қыздарымыздың құрметіне әсем ән. Мектебіміздің жігіттерін ортаға шақырайық.

2-жүргізуші

Құлақтан кіріп, бойды алар,
Әсем ән мен тәтті күй.
Көңілге түрлі ой салар,
Әнді сүйсең, менше сүй, – деп,Абай атамыз айтқандай Тойшыбекова Гүлжанның орындауындағы «..........................» әнін қабыл алыңыздар.

1-жүргізуші

Білектей арқасында өрген бұрым,

Шолпысы сылдыр қағып жүрсе ақырын.

Кәмшат бөрік, ақ тамақ, қара қасты,

Сұлу қыздың көріп пе ең мұндай түрін?

Ортада аруларымыздың әсем биі,тамашалаңыздар!

2-жүргізуші

Жайлап қана салып көр жанар ұшын,

Болмысы оның тым бөлек, дара мүсін.

Жер бетіне тіршілік таратушы,

Жер бетіне жаралған Адам үшін!

Көрініс «Пародия»

1-жүргізуші

Әйелдер-ай!
Әйелдер!
Қандайсың?!
Әдемі боп кетіпсің ғой әрқайсың.
Біреу жеріп тұрса-дағы қалмайсың,
Біреу сүйіп тұрса-дағы бармайсың.
Келесі кезекті әсем әнге берсек.

Орындайтың әні «.............................................»

2-жүргізуші

Әйел сенің ақылшың да айбарың,

Ол барында естімейсің қайғы әнін.

Әйел сенің күзетшің де сақшың да,

Әйел сенің мерекең мен мейрамың.

1-жүргізуші

Бір өзінде барлық үміт, бар арман,

Жеңбей қоймас нұрлы жанар қадалған,

Барлық гүлден жұпар жинап бойына

Әйел күннің шуағынан жаралған.

Жастардың флешмоб биін қабыл алыңыздар.

2-жүргізуші

Әйел деген өзің шыққан негізің

Әйел деген жүзіп жүрген теңізің

Әйел деген қамқоршың да, жарың да

Әйел деген өз қосағың егізің.

Хор «Ұстазым»