Мақала Алтын күз

Алтын Күз

К елді міне, алтын күз

Сары шашты жарқын жүз.

Мол өнімді ісімен

Риза етіп халқын қыз.

Мерекесі халық

Алтын күзді бастайық

Алтын күзге арналған

Ертеңгілігімізді бастайық, - деп мектеп жанындағы шағын орталығының «Гүлдер» тобы алтын күзге арналған «Жемістер жыры» әнімен мерекенің шымылдығын ашты. Мерекені бастамас бұрын тәрбиеші Айнұр апай бірнеше жұмбақ жасырып, балардың мерекелік көңіл күйін көтерді. Бүлдіршіндер осы мерекеге ерекше қонақ деп Алтын күзді сыйымен тосты. Ертеңгіліктің сәні, сыйы Алтын күзде ортаға балалардың шақырылуымен шықты: Келші, келші алтын күз

Келші, келші жарқын күз

Мерекені жалғастырып,

Ойнап күлші алтын күз,-деп қошеметпен шақырды. Отбасының жемісі-бала. Баланың рухани өсуіне ата-ананың ролі зор. Осы ертеңгіліктің кейіпкері болған Алтын күз ханшайымы ата-ана Жұмабекова Сандуғаш балалардың көңілінен шыға білді. Алтын күздің тапсырмасы өз өнерін жан-жақты көрсеткен балаға ата-ана тарапынан күзгі сыйлық күтіп тұрды. Бүлдіршіндеріміз өз өнерлерін аямады. «Шалқан » ертегісінің қойылымын ерекше ойнады. Мерекеге арналған жемістер сайысынан өлеңдер айтылды. Кішкентай бүлдіршіндеріміз «Жұмысшылар» биін билеген кезде ата-аналар тарапынан қошемет ерекше болды. Биылғы оқу жылындағы келген кішкентай бүлдіршіндеріміз «Біз көңілді бөбекпіз», «Ойыншықтар» әнін әуенге салып айтып берді. Ертеңгілікте ата-аналармен де тапсырма болды. «ТРИЗ» технологиясын қолданып, тірек-сызба арқылы өлең айту.Тақтада суреттер берілді, ата-аналар сол суреттерден өлең құрастырды:

Алтын, сары, қызыл, көк,

Алуан-алуан жапырақ.

Күзгі бақта күлімдеп,

Көз тартады атырап,-деп балалармен өлең қайталанды. Мереке соңында балалар күзгі вальс биімен аяқтады. Мереке соңында тәрбие ісінің меңгерушісі міндетін атқарушы Теміржанова Г.Қ балаларға меркелік көңіл-күймен жылы лебіз тілегін білдірсе, ата-ана тарапынан Дүйсенбаева Г тілекті жалғастырып балаларымызға Алтын күз ханшайымымен сыйлықтарды табыс етті.

Әрбір ата-ана өз перзентін, мәдениетін, адамгершілігі мол, білімді, саналы, еңбекқор, үлкенді сыйлай білетін адам етіп тәрбиеленуді ата-аналық міндеті деп түсіну керек. Бүлдіршіндерімізге әрқашанда күз мерекесіндегідей бойларына мол қасиет, жарқын күлкі, бақытты балалық шақ тілейміз!

Қазан орта мектебі, шағын орталық тәрбиешісі Тулкина Гүлжанат Ертайқызы