«Бүлдіршін- полиглоттар» атты байқау Еліміздің тұңғыш президенті Н.Ә. Назарбаев: «Бүкіл әлемге Қазақстан халқы үш тілді меңгерген терең білімді мемлекет ретінде танылуы тиіс. Бұл: қазақ тілі- мемлекеттік тіл, орыс тілі- ұлтаралық қатынас тілі , ағылшын тілі- жаҺандық экономикаға сәтті кірігу тілі» ,-деді. Осы елбасымыздың тапсырмасын іске асыру мақсатында, қаламыздағы іргелі балабақшалардың бірі- №6 бөбекжай- балабақшасында 4- 5 жастағы балалардың арасында «Бүлдіршін- полиглоттар» атты байқау болып өтті. Байқау басталмас бұрын: «Мектеп жасына дейінгі балалардың танымдық және тілдік қабілеттерін арттыру, өз ана тілін жетік біліп, жалпы үштұғырлы тілге деген сезімін ояту, өзге тілдерді үйренуге, құрметтеуге тәрбиелеу»-деп, байқаудың мақсатын айқындап өткен бөбекжай- балабақша меңгерушісі Райя Төкенбайқызы өз тәрбиеленушілеріне байқауда сәттілік тілеп, әділқазы мүшелерін таныстырды. Байқауға «Құлыншақ», «Айгөлек» , «Жұлдыз-ай» топтарынан бүлдіршіндер қатысты. Байқау 6- бөлімнен тұрды. Байқау шарттары бойынша бүлдіршіндеріміз өнердің әр қырынан танылды , үш тілде тапсырманы еркін орындап, өздерінің алғырлығын, зеректігін , өнерден кенде емес екендіктерін көрсетті. Әділқазылар шешімдерін шығарғанша, қатысушылар «Әрқашан күн сөнбесін» әнін үш тілде еркін орындады. Әділқазылардың шешіміне сәйкес, бас жүлде- Баймұхамбетова Ақботаға ,1-орын- Алимжанов Ануарға, 2-орын- Имакова Айданаға, 3- орын- Маратова Аялаға берілді. Әділқазылар алқасының төрайымы,аудандық білім бөлімінің әдіскері Алмагүл Болатбекқызы бүлдіршіндердің көрсеткен өнерлеріне ризашылығын айтып, іс-шараның өте жоғары деңгейде, мазмұнды да мәнді өткенін айта келіп, балабақша меңгерушісі Райя Төкенбайқызына және ұжымына болашақта бүлдіршіндерді тәрбиелеуде еңбектерінің шарықтап шыңдала беруіне, тіліміздің шынайы жанашыры болуларына тілектестігін білдірді. Байқауға жиналған қонақтар, ата-аналар, кішкентай бүлдіршіндерді тәрбиелеуде өз білімдері мен еңбектерін аямай жүрген тәбиешілер Адильханова. А, Омарова. М, Абдыкаримова. Л, ағылшын тілі маманы Әлімжан. А алғыстарын білдіріп, байқау жеңімпаздарына бағалы сыйлықтар таратты. № 6 бөбекжай- балабақша ағылшын тілі маманы Әлімжан Айдана Ерғазыевна
ҚР Білім және Ғылым министірлігінің стандартымен жасалған
21 Желтоқсан 2017
492
0 рет жүктелген
