мектепке дейінгі балалардың балабақшаға бейімделу кезеңдері

Балалардың балабақшаға бейімделу кезеңдері

Қазақ халқы бала тәрбиесін бесікте жатқан кезеңнен бастаған. Бала бойына жақсы, жаман қасиеттер ана сүтімен дариды екен. Баланың жеке тұлға болып қалыптасуы маңызды,әрі қызықты кезең. Балабақша табалдырығын атағаннан бастап ата-ана мен баланың күнделікті өмірінде айтарлықтай өзгерістер болады. Баланың балабақшаға бейімделгеннен кейін олардың даму деңгейінің қарқыны жылдамдайтынын байқаймыз. Балалар өз бетінше іс-әрекеттер жасайды, тілі дамиды, өзге балалармен қарым-қатынасы, достығы жақсарады, ата-аналарына сұрақтар қойып, оның жауабын білгісі келеді. Бала жаңа ортаға қалай үйренеді немесе бейімделеді? Балабақшада бейімделу қиын және ауыр өтеді. Бала жаңа ортаға келгенде тамақ ішпейді, ұйықтамайды, балалармен бөтен адамдармен араласудан бас тартады, қоршаған ортаға деген қызығушылығы төмендейді. Әрбір баланың балабақшаға бейімделуінің үш түрі бар:

Жарамды деңгей – бала ересек көмегімен суға қолын тосады, қасықпен ішуді, ұстауды үйренеді, тәрбиеші көмегімен орындыққа отырады.

Жеткілікті деңгей – үлкендер көмегімен жуынуы бөлмесіне баруы, қою тамақты іше алу, қасықты ұстауы, қойылған орындыққа отыруы, дәретке сұрануы, киімдерін өздері танып біледі.

Жоғары деңгей – ересектер көмегін көп керек етпейді, жуынуға дайындалады, орамалын таниды, орындықты өзі әкеліп отырады. Ойыншықтарды орнына апарып қояды. «Сәлеметсіз бе?», «Сау болыңыз» сөздерін отбасы мүшелерін атай алады.

Бейімделу кезінде балалармен көбірек сөйлесіп, көңіл аударып отырған абзал. Олармен күнделікті саусақ ойындарын, жұмсақ ойыншықтармен әңгімелесу, сыйпау, құшақтау баланыі тез бейімделуіне көмектеседі. «Сенсорика бөлмесі» балаларға өте ұнайды, онда балалар демалып жылағандарын ұмытып рахаттанады. «ерте жас » тобындағы сәбилердің бейімделуі жаңа өмір есігін ашқандай. Баланың бейімделуі бұл топта ерекше қиындық туғызған жоқ, себебі балаларды күнделікті «Сенсорика» бөлмесінде ерекше әсерде болады. Тәрбиешілер балаларға анасындай мейрімін төгіп, әр күні жылы қарсы алып, бейімделу қалыпты жағдайда өтуде.