"Менің Қазақстаным"

«Шағала» ересек тобында ұйымдастырылған ашық оқу қызметінің конспектісі.

Күні: 10.12.20ж

Тәрбиеші: Нуртазина З.А.

Білім беру саласы: «Қатынас»

Бөлімі: Көркем әдебиет.

Мақсаты: Балалардың Қазақстан Республикасы, Отан туралы түсініктерін кеңейту. Оларды сөйлеу қарқынын өзгерте білуге үйрету:баяу сөйлеу, тақпақ,жұмбақ қанатты сөздер айтқызу арқылы тілдегі дыбыстың дұрыс айта білуін және зейін қойып тыңдауын жетілдіру.Сөздік ойындар арқылы тілін байытып,бір-бірін тыңдай білуге өз Отанына , Қазақстан Республикасына деген сүйіспеншілікке, патриоттық сезімге тәрбиелеу. Интеграция: «Шығармашылық» б.б.с - сурет салу ,музыка

«Таным» б.б.с - математика негіздері, логика

Ұйымдастырылған оқу қызметінің материалдары: Слайд,дидактикалық ойынға арналған суреттер. Әдіс-тәсілдері: тапсырмалар орындату,сұрақ-жауап,ойын.

Ұйымдастыру кезеңі

Амандасу рәсімі.

-Балалар, бүгін бізде ерекше күн!Сіздердің білімді, тапқыр екендеріңізді байқау үшін қонақтар келіпті ...қанекей, (үш тілде амандасу) Тәрбиеші балаларды жылулық шеңберіне жинайды:

• Қайырлы күн!

Күліп шықты күн бүгін

Сәлеметпе міне, мен

Доспын енді сенімен!

-Жарайсыңдар, осындай көтеріңкі достық көңіл-күймен ҰОҚ- ін бастайық.

• Негізгі кезеңі:

-Жақсы, балалар, отыра қоя қойыңыздар.

Жұмбақ: -Ақ көбелек қонды

Құстар енді тоңды

Ол не еді шешуін кім табады? -Қыс мезгілі .

-Табиғатта қыс мезгілінде қандай құбылыстар болады?

-Айнала аппақ болып, күн суытады, аяздатады, қар жауады, боран соғады, айналаның бәрін қар басады.

Балалар аққала, доп жасап шанамен сырғанап ойнайды.

Тәрбиеші: -Балалар, дұрыс айтасыңдар,енді осыларды тақпақтап айтайықшы.

Аппақ күміс бар әлем,

Зымыраймыз шанамен,

Тоғайлар тон киеді,

Аяз беттен сүйеді.

Жиналып ап бар бала

Тұрғызамыз аққала.

- Жақсы, ал қыс айларын атап беріңдерші.

- Желтоқсан -декабрь, январь- қаңтар, ақпан - февраль

- Қыс мезгіліндегі мерекелерді атаңыз

- 1-Желтоқсан Тұңғыш Президент күні, 16-Тәуелсіздік күні, жаңа жыл мерекесі

Тәрбиеші: -Балалар, енді жаңа тақырыпқа көшсек, бүгін не туралы әңгімелесетінімізді ойын ойнау арқылы білетін боламыз.

«Тізбекте» ойыны

Шарты: Балаларға аталған пішіндерді түстермен реттеп орналастыруды ұсыну,түстерді үш тілде атату

• Мінекей, балалар, суреттер ашылды, ненің суретін байқап тұрсыздар? Дұрыс, демек, не туралы әңгімелеседі екенбіз?

Балалардан әр түрлі жауап алынады:

-Қазақстан, Нұрсұлтан қаласы, Елбасы , Отан т.б

Тәрбиеші: -Жауаптарыңыз, өте орынды.Отан туралы сөйлесеміз.Отан дегеніміз-адамның туып өскен жері,туған-туысқандарымен , жақындарымен, достарымен бірге тұратын атамекені.Қазақ елінде тұратын, яғни, біздің Отанымыз ҚР деп аталады.

- Отанымыз жайлы не білеміз?

Өзіміздің Отанымыз тәуелсіздігіміз , салт-дәстүріміз, тіліміз, ұлттық киімдекр мен ұлттық тағамдарымыз ,дініміз, Елордамыз, Елбасымыз ашық аспандай көгілдір туымыз , айбынды Елтаңбамыз, мағыналы Әнұранымыз бар.

«Ауызша волейбол» ойыны: - ҚР-ның елордасы қай қала? (Нұрсұлтан)

-ҚР-ның тұңғыш президенті? ( Назарбаев Н.Ә)

-ҚР-ның мемлекеттік тілі қай тіл? (қазақ тілі)

-Отан туралы мақал-мәтелдер айтыңыз?

( Отансыз адам,ормансыз бұлбұл , Отан оттан да ыстық, Отан елдің анасы)

-ҚР-ның елбасы? (Қасым Жомарт Кемелұлы)

-ҚР-ның рәміздерін ата? (Елтаңба, Ту, Әнұран)

-Қазақстан қандай ел? ( егемен, тәуелсіз)

-Қазақстанымыз, еліміз үшін күрескен желтоқсан жастарын білесің бе?

( Ербол Сыпатаев,Сабира, Ляззат апалар, Қайрат Рысқұлбеков)

-Қайрат Рысқұлбеков туралы кім тақпақ біледі?

Сергіту сәті: -ОК- ОК-ОК -на дворе снежок

РА-РА-РА пришла зимняя пора

ОМ-ОМ-ОМ мы гулять пойдем

УЛ-УЛ-УЛ-зимней лес уснул

ОЙ-ОЙ-ОЙ скачет зайнька косой.

Күтпеген сәт: Есік қағылып ішінде флешкасы бар ашық хатты әкеліп тастайды.

Тәрбиеші: -Балалар,бұл хатсіздердің балабақшаға келе алмай жүрген достарынан келіпті.Сіздер ол достарыңды сағындыңыздар ма?Ұмытқан жоқсыздар ма?

Флешканы компьютерге қосу.

Бейне-сұрақ: І. ҚР Мемлекеттік рәміздерінің сипаттамасын айтыңыз?

1) Мемлекеттік Тудың түсі-көк аспанның түсіне ұқсайды, ортасында күн шуағы.

Тудың шетінде қазақтың ою-өрнегі.Астында қыран құс ұшып келе жатыр.

Қазақстанда тұратын барлық халықтардың өмірі күндей жарқырап,қырандай самғай

дегені.ҚР-ның мемлекеттік туының авторы, суретші: Шәкен Ниязбеков

2) Мемлекеттік Әнұранның сөзін жазғандар: Ж.Нәжімеденов,Н.Назарбаев,әнін жазған:

Ш.Қалдаяқов

3) Мемлекеттік Елтаңбаның орталық элементі -шаңырақ.Шаңырақ -ошағын

бейнелейді.Қанатты екі тұлпар-мәңгілік өмір, болашақ үміт артар жас ұрпақтың арманы

,самғау биігі .Елтаңбаның төбесінде бесбұрышты жұлдызӘр адамның өмірінде жол көрсетер

өз жұлдызы болады.Елтаңбаның төменгі жағында алтынмен жазылған «Қазақстан» деген

жазу.Авторлары -сәулетшілер Шота Уалиханов, Жандарбек Мәлібеков.

ІІ. «Кім жүйрік?» ойыны ( жұмбақ, қанатты сөз)

-Тілден ұшып,құлаққа қонады? ( сөз)

-Отанды сүю........( отбасынан басталады)

- Тіл - адам ойының (айнасы)

- Әр адамның тұрғылықты атамекені ол...( Отан)

-Жақсы бала ...( аспандағы жұлдыз, жақсы қыз жағадағы құндыз)

- Суда мұз бар

Жерде қар бар

Боран борап соғады

Бұл қай кезде болады? (қыс)

ІІІ. «Тапсырмалар топтамасы» ойыны

1-тапсырма: «Сәйкестендіру»

2-тапсырма: « Ретімен орналастыру заңдылығын сақта»

ІY. Шығармашылық ұжымдық жұмыс (дәстүрден тыс сурет салу)

Балаларға мақталы таяқшамен тіс пастасымен «қысқы табиғат» көрінісін бейнелеуді тапсыру.

Рефлексивті-түзетішілік кезең: «Біз Отанның бөбегіміз» әнімен оқу қызметін аяқтау. Балаларды мадақтау,балаларға «жарайсың» деген белгісі бар тәтті таратып бағалау.

Күтілетін нәтиже: Біледі: Қазақстан Республикасы, Отан туралы ; Игереді: тапсырмаларды нақты орындауды; Меңгереді: баяндау, орындау,сұраққа толық жауап беру іскерліктерін.