"Наурыз жыл басы" ертеңгілігі

Тақырыбы: Жыл басы -Наурыз

Жүргізуші:Құрметті қонақтар,қадірлі ұстаздар, балалар! Сіздерді

Дәстүрімізге айналған Ұлыстың ұлы күні Наурыз мерекесімен құттықтаймыз!.Күлімдеген шуақты көктеммен бірге қазақ даласына Жаңа -жыл келді.Ұлы мерекелеріңізбен құттықтай отырып, өмірлеріңізге шаттық, дендеріңізге саулық,отбасыларыңызға ынтымақ бірлік тілейміз.Бүгінгі жыл басы- Наурызатты ертеңгілігімізге қош келдіңіздер,- олай болса балалардың әніне кезек берейік.

Ән:«Наурыз біздің Жаңа -жыл»

Жүргізуші: Балаларымыздың наурызға арналған тақпақтарына кезек берейік.

Альмира:

Қош келіпсің Наурыз!

Арман тойы халықтың.

Қуанышы халықтың,

Құтты болсын қадамың!

Абдурахман:

Уа, ағайын халайық,

Мұнда назар салайық!

Мерекесі халықтың

Наурыз тойын бастайық.

Нұртілеу:

Наурыз келді еліме,

Наурыз келді жеріме

Байлық,бақыт тілеймін,

Бүкіл қазақ еліне

Айзере:

Той думанға келіңіз,

Тамашалап көріңіз,

Ән айтайық бәріміз

Қол соғайық бәріміз.

А. Нұрасыл:

Көктем келді балақай,

Жасарды жер алақай.

Наурыз тойын тойлайық

Әсем әнге салайық

Б. Айгерім:

Жылдың басы Наурыз,

Жердің басы Наурыз,

Мерекеге арналсын

Бүгінгі жыр әніміз

Әлім:

Құтты болсынНаурыз той ,

Құлпырып тұр қыр мен ой.

Нұрсауле:

Күн мен түні теңелді

Жер шуаққа кенелді

Жарқырап тұр күніміз

Жайқалсын жасыл гүліміз

Жүргізуші:Би билейік бәріміз! Егін өңін толқытқан Елдің көңілін шалқытқанБас иеміз-Наурыз!

Би: « Домбыра»

Альмира, Айзере, Жаннұр, М.Айгерім,Амина, Б. Айгерім.

Ойын; Ұлттық ойын « Арқан тартыс»

Ойын шарты:Ойынға ұзындығы 10 метрдей жуан кендір арқан керек. Ол арқанның тең ортасынан орамалмен орап белгі жасайды, белгінің екі жағынан бір жарым -екі метрдей жерден тағыда жоғарыдағы тәртіппен белгілейді. Ойынға қатысушылар тең екі топқа бөлінеді. Басқарушының берген командасы бойынша екі топқа тартысқа түседі. Ойыншылардың мақсаты -тартысқа түске екі топ бірін бірі тартып, жердегі орталық сызықтан бұрын қарсы топты сүйреп өткізіп әкетсе сол жағы ұтқан болады, жеңген жағы бәйгесін алады.

Жүргізуші: Наурыз тойы -елдің тойы,

Көктем тойы -төлдің тойы

Тақпақтар;

Әбілхайыр:

Наурыз тойы -салтанат,

Наурыз тойы – мархабат.

Әр жүректен ән тарап,

Шаттандырды шартарап.

Сайда:

Наурызбен құттықтап

Алыс жақын қауышты

Көктемдегі жарқын сәт

Көңілдерге ауысты

Әмина:

Жыл басы -Наурыз мереке,

Ақ нұрға әлем боянды.

Наурыз тойы береке

Тіршілік жаңа оянды.

Алана:

Наурыз келді алақай,

Кел билейік балақай

Бізде қарап тұрмайық

Тойға шашу шашайық

Маулен:

Наурыз- бұл мереке

Құтты болсын береке

Қыдыр ата келсін

Жақсы тілек әкелсін

Алинұр:

Наурыз тойы, Наурыз тойы,

Құтты болсын халайық

Қане достар, Қане достар

Шырқап әнге салайық

М. Айгерім:

Наурыз тойы тамаша

Наурыз тойы жаңаша

Табиғатта тамаша

Тамылжып тұр жараса.

Жаннұр:

Наурыз келді сән құрып

Жасарып жаңғырып

Құлпырды жер мен көк

Мейірім таң күліп

С. Темірлан:

Наурыз көктем, Наурыз жыр

Ана мейірім , шуақ нұр

Жан иесін жанартқан

Аққан бұлақ, нәзік сыр

Аруа:

Наурыз тойын әдемі

Әжем еске түсірді

Біздерге арнап әдейі

Наурыз көже пісірді

С. Нұрасыл:

Наурыз тойы салтымыз

Аман болсын халқымыз

Наурыз тойын тойлайық

Әсем әнге салайық

Аружан:

Құтты болсын Наурыз той,

Құлпырып тұр Қыр мен ой.

Күн мен түн теңелді,

Жер шуаққа кенелді.

Алдияр:

Орындалды ойларың

Құтты болсын тойларың

Жарқыраған жас нұры

Жаса, Наурыз, дәстүрі !

Жүргізуші;Қазақтың ұлттық дәстүрінің бірі « Бесікке салу» рәсіміне кезек берейік.

Жүргізуші:Естіген жұрт толғанар бізде сондай әнші бар. Тамылжытыпән салар, енді соны тыңдаңыздар!

Ән: « Наурыз көктем» орындайтын Батыр Темірлан.

Жүргізуші: Құрметті қонақтар осымен ертеңгілігіміз аяқталды.Көңіл қойып тыңдағандарыңызға көп -көп рахмет жылдан жылға аман есен жете берейік, сөз кезегін Балабақша меңгерушісі: ЛәззәтМақсұтқызына сөз кезегі беріледі.

Балабақша әдіскері: Гүлбақша Ақанқызына беріледі.