Ойындағы қимылды дамыту

Тақырыбы: Ойындағы

қимылды дамыту

Мектеп:  «М.Маметова атындағы орта мектеп-мектепке дейінгі шағын орталығымен» коммуналдық мемлекеттік мекемесі

Уақыты: 26.02.2021

Мұғалімнің аты-жөні: Н.Мейрамов

Сынып: 4 «А»

Қатысқандар саны:

Қатыспағандар:

Осы сабақты меңгеруге көмектесетін оқу мақсаттары

4.​2.​3.​1 түрлі дене жаттығулары орындауда қолайлы оқыту ортасын құру маңыздылығын мойындай отырып, идеяларды, ресурстар кеңістік айрмашылығын білу

Жоспар

Сабақтың кезеңдері

Мұғалімнің іс-әрекеті

Оқушының іс-әрекеті

Бағалау

Ресурс

Сабақтың басы

Ұйымдастыру кезеңі.

Сапқа тұрғызу. Оқушылардың сабаққа қызығушылығын ояту.

«Сәлемдесу» ойыны.

Сұрақ-жауап әдісі.
Денсаулық дегеніміз не?

Сіздер үшін денсаулықты сақтау нені білдіреді?
Денніміз сау болу үшін не істеу керек?

Қауіпсіздік ережелерін еске түсірейік.

Кеңістікте топпен жүгіргенде неге сақ болу керек екенімізді айта аласын ба?

Оқушыларды сабақ тақырыбымен, сабақ мақсаттарымен таныстырады.

Жүгіру жаттығуларын орындату.

1. Екі қол жоғарыда аяқтың ұшымен, екі қол белде өкшемен жүру.

2. Жеңіл жүгіріске көшу .

3. Аяқты артқа, қолға жеткізе жүгіру, екі қол алдыда тізені биік көтере жүгіру.

4.Оң және сол жақ қырымен адымдап жүгіру, екі қол белде

5. Жылдамдыққа жүгіру

6. Қолды екі жақтан тыныс ала көтеріп , түсіру, демді қалпына келтіру.

Ж.Д.Ж. орнында

Мұғалім сабақтағы қауіпсіздік техникасын еске салады.

«Тек бір минут» әдісін өткізеді

Оқушыларға шеңберге тұрып, доп ұстау арқылы өздерін сипаттауды ұнатады. Адамның барлық қасиеттерінің денсаулыққа байланысты екенін түсінуге әкеледі.
Шеңбер бойымен тұрғызып жаттығулар орындату

Сапқа тұрады. Сабаққа әзірленеді

Сабақтың тақырыбымен танысады. Берілген сұраққа жауап береді.

Мұғалімнің нұсқауымен жүгіру жаттығуларын орындайды

Оқушылар шеңберге тұрып тек бір минут әдісін орындайды.
Шеңбер бойымен тұрып, жаттығулар орындайды.

Басбармақ

Бір-бірін бағалау

Отшашу

Кең, бос кеңістік.

доп.

Ысқырық

Доп

Сабақтың ортасы

Ойындағы қимылды дамыту мақсатында эстафета әдісі арқылы эстафеталық ойындар ойнату.

Эстафеталық ойындар.

1. Картоп отырғызу

Мұғалімнің белгісі бойынша жүгіріп шығып, кедергілерден өтіп, қолдарындағы доптарын шеңбер ішіне қалдырып, тік жүгіріп келеді. Келесі ойыншыға қол береді, ойын осылай жалғасады. Жүгіріп келген ойыншы саптың артына тұра береді. Ойынды қай команда бұрын бітірсе, сол жеңіске жетеді.

2. Картоп жинау

Мұғалімнің белгісі бойынша жүгіріп шығып, кедергілерден өтіп, шеңбер ішіндегі кішкене доптарды алып тіке жүгіріп келеді. Келесі ойыншыға қол береді, ойын осылай жалғасады. Жүгіріп келген ойыншы саптың артына тұра береді. Ойынды қай команда бұрын бітірсе, сол жеңіске жетеді.

3. Кенгіру

Мұғалімнің белгісі бойынша кедергілер арқылы үлкен доппен секіріп, қайтып тіке секіріп келу. Секіріп келген ойыншы допты келесі ойыншыға ұсынып саптың артына тұра береді. Ойынды қай команда бұрын бітірсе, сол жеңіске жетеді.

4. Допты бастан асырып беру

Бастаушының қолында доп болады. Мұғалімнің белгісі бойынша допты басынан асырып екіншіге, екінші–

үшіншіге, осылай соңындағыларға бере береді. Ең соңғы ойыншы допты ала салып, жүгіріп келіп бастаушының алдына тұра қалып, допты одан әрі жалғастырады. Ойын бастаушы өз орнына келгенше жалғасады.

Ойынды қай команда бұрын аяқтаса, сол жеңіске жетеді.

5. Допты аяқтың астынан беру

Ойын шарты жоғарыдағыдай, бірақ ойыншылар аяқтың арасынан береді. Ойын бастаушы өз орнына келгенше жалғасады.

Ойынды қай команда бұрын аяқтаса, сол жеңіске жетеді.

6. Допты себетке салу

Допты секіртіп барып себетке түсіріп, секіртіп алып қайтадан допты келесі ойыншыға ұсынады. Қай команда допты себетке көп түсірсе, сол команда жеңіске жетеді.

7. Кегли

Тізілген кеглиді кіші доппен соғу арқылы құлатып, ұпай жинайды. Қай команда көп құлатса, сол команда жеңіске жетеді.

8. Орыннан секіру

Мұғалімнің белгісі бойынша орыннан ұзындыққа секіреді. Секіріп түскен жерге таяқша қойылады. Екінші ойыншы сол таяқшадан ұзындыққа секіреді. Қалғандары да осылай секіре береді. Қай команда ұзын секірсе сол жеңіске жетеді.

9. Мәреге кім бұрын?

Мұғалімнің белгісі бойынша секіртпемен секіріп шығып, белгіні айналып секіріп келу керек. Секіріп келген ойыншы секіртпені келесі ойыншыға ұсынып саптың артына тұра береді. Ойынды қай команда бұрын бітірсе, сол жеңіске жетеді

Жүгіріп шығып, кедергілерден өтіп, қолындағы допты шеңберге қалдырады. Келесі ойыншыға эстафетаны береді.

Шеңберде қалдырылған доптарды жинап келеді.

Кедергілер арқылы доппен секіреді

Мұғалімнің белгісі бойынша допты басынан асырып екіншіге, екінші–үшіншіге, осылай соңындағыларға бере береді.

Аяқтың арасынан допты өткізеді

Себепке допты топ болып түсіреді.

Кеглдерді доппен соғу арқылы ұпай жинайды.

Орыннан ұзындыққа секіру арқылы топпен мәреге жетеді.

Секіртпемен секіре отырып, кедергілерден өтеді.

Басбармақ

Басбармақ

Бір-бірін бағалау

Кең, таза кеңістік.

доптар, доптарға арналған себеттер

Кедергілер

Доптар

Себет

Кеглдер

Секіртпе

Сабақтың соңы

Үйге тапсырма: жылдамдық жаттығуларын орындау.

Кері байланыс

Бес саусақ әдісі

Сабақтан алған әсерлерін арқылы бес саусақ әдісі арқылы көрсетеді

Кең, таза кеңістік.