Талдықорған қаласы

Оқушылар сарайы.

Мүсін өнері үйірмесінің жетекшісі: Абдурахманова Әсел Нурдиллиқызы

Өнер - өмір өрнегі.

Өнер - халықтың табиғи шежіресі.Осы өнер арқылы өмірге деген кең тыныс, тіршілікке деген ой - толғаныс, адамның әртүрлі сезімі бейнеленеді. Сөз, әуен, қолөнер адам өмірінің сан ғасырдан келе - жатқан қол жетпес мұрасы. Өнер — көркем образдар жүйесі арқылы адамның дүниетанымын, ішкі сезімін, жандүниесіндегі құбылыстарды бейнелейтін қоғамдық сана мен адам танымының формасы. Өнер өмірде болған оқиғалардықаз-қалпында алмай, өзгертіп, түрлендіріп, көркем образдарды типтендіру арқылы сомдайтын эстетикалық құбылыс. Оны қоғамдық сананың өзге формаларынан даралайтын белгісі де адамның шындыққа деген эстетикалық қатынасы болып табылады. Өнердің мақсаты – дүниені, адам өмірін, қоршаған ортаны көркемдік-эстетикалық тұрғыдан игеру. Көркем шығарманың бел ортасында нақты бір тарихи жағдайда алынған жеке адам тағдыры, адамдардың қоғамдық қатынастары мен қызметтері тұрады. Олар суреткер қиялы арқылы өңделіп, көркем образдар түрінде беріледі. 
Өнердің құдіреті - шексіз.Өнердің бір саласы – мүсін өнері туралы айтқым келіп отыр.

Мүсіндеу — көркемөнердің бір түрі.

Мүсіндеме тарихы ертеден бастау алады. Алғашқы қауымдық құрылыс кезінде жауынгерлерді, балалы ананы бейнелейтін тас мүсіндер кеңінен тараса, біздің заманымыздан бұрын 8 – 2 ғасырларда дамыған “Аң стилі” ежелгі Мүсіндеменің көрнекті мысалы бола алады.

Қазақ мүсін өнерінің қалыптастырушысы Хакімжан Наурызбаев (1925-2009ж.ж) Парасат кавалер орденінің иегері. 300 ден астам жұмысы бар. Солардың ішінде ең танымал жұмыстары: «Абай Құнанбаев» (1960) ескерткіші, «Ш .Уәлиханов» (1969) Қазақстан Ұлттық Ғылым Академиясының алдында орналасқан биіктігі 8 м, «Ж.Жабаев» ескерткіштері тұлғалық мүсінге жатады.

Мүсіндеу өнері-бейнелеу өнерінің бір түрі. Мүсіндеу өнерінің кескіндеме, графика, сызбадан ерекшелігі, айырмашылығы- форманың барлық көлемінің анық көрсетілуінде. 

Мүсін сомдауға көптеген заттар негізгі материал бола алады. Мысалы ағаш, түрлі тастар , саз балшықтар, металл, пластилин т.б. Осылардың ішінде мүсіндеуге үйрену үшін оқушыларға ең ыңғайлысы — саз балшық пен пластилин.Олардың жақсы бір қасиеті ырыққа көнгіш, тез иленеді, жасаған мүсін формасын қалай өзгертем десең де ыңғайлы. Мүсін жасағанда қолданылатын басты қолданылатын құралдар: тақтайша, каркас, қалақша т.б. 

Мүсін өнері – ғасырлар бойы дамып келе жатқан өнер.

Мүсін өнерін танып,білгісі келетін адамға бұл өнердің айтар мағлұматы көп.

Қорытындылай келе өнердің құдіреті шексіз екенін, өнер таусылмайтын азық, сарқылмас байлық екенін айтқым келеді. Өнер - өмір өрнегі.