Оқушылардың зейінін дамытуға арналған психологиялық кешен

Оқушылардың зейінін дамытуға арналған психологиялық кешен

Мақсаты: кіші мектеп жасындағы оқушылардың зейінін дамыту, оны күнделікті өмірде қолдануды әдетке айналдыру.

1. «Мен және айна» жаттығуы

Бұл ойында оқушылар бір біріне қарап отырады. Әр жұптағы оқушылардың біреуі жағымсыз қасиеті бар адам туралы айтса, оны екіншісі жағымды қасиетке айналдырып отырады.

Мысалы: жалқау – еңбекқор, ұялшақ – батыл т.б. Бірінші бала жалқау бала туралы әңгіме айтса, екіншісі оны еңбекқор етуге болатынына өз көзқарасын айту.

Түйін. Бұл ойында жаман қасиеттерден аулақ болуға, жақсы қасиеттерді үйренуге үйретеді.

2. «Берілмеймін »жаттығуы

Жаттығу зейіннің бөлінуі мен шоғырлануды дамытуға арналған.

Психолог келесі тапсырманы ұсынады:

Дауыстап 1 – ден 31 – ге дейін санайды, бірақ қатысушы 3 санын және 3 – ке көбейткенде шығатын сандарды айтпауы тиіс. Ол сандардың орнына «берілмеймін» деген сөзді айтуы тиіс. Мысалы, «бір, екі, «берілмеймін», төрт, бес, «берілмеймін»....»

Дұрыс жауабы: 1, 2, -, 4, 5, -, 7, 8, -, 10, 11, -, 13, 14, -, 16, 17, -, 19, 20, -, 22, 23, -, 25, 26, -, 28, 29, -, - сызылған сызықтың орнына сандарды айтуға болмайды.

3. «Бақылаушы» жаттығуы

Бұл жаттығу көру зейініне арналған.

Оқушыларға мектеп ауласынан бастап, мектептен үйге дейінгі жолдардан осы уақытқа дейін көрген заттарын суреттеп беру ұсынылады. Кіші мектеп жасындағылар ауызша айтып береді. Ал, сыныптастары қалыс қалған жерлерін толықтырып отырады.

4. «Менің сүйікті жемісім» жаттығуы

Қатысушылар дөңгелене отырады. Бірінші қатысушы өзінің атын,сүйікті жемісін атауы тиіс.Екінші қатысушы – бірінші қатысушының атын,сүйікті жемісін атап,сосын барып өзінің атын,сүйікті жемісін атауы керек.Үшінші қатысушы – алдыңғы екі қатысушының да аттарын,сүйікті жемістерін атап,содан соң өзінікін атауы тиіс.Ойын осылай жалғаса береді.Ең соңында барлық қатысушының аты,сүйікті жемістері аталуы тиіс.

5. «Алақан» жаттығуы

Жаттығу зейіннің тиянақтылығын дамытуға арналған.

Қатысушылар дөңгелене отырып, алақандарын көршілерінің тізелеріне қояды: оң алақанын көршісінің сол тізесіне, ал сол алақанын оң тізесіне қояды. Ойынның мәні ойыншылар алақандарын кезекпен көтеріп, «толқын» жүргізіп өтуі тиіс. Жаттығудан соң дәл уақытында көтерілмеген немесе қажетінде көтеріле алмаған алақандар ойыннан шығады.

6. «Желінетін – желінбейтін» жаттығуы

Зейіннің ауысуын дамытуға арналған.

Жүргізуші қатысушыларға кезекпен заттың атауын атап (желінетін –желінбейтін) допты лақтырады. Егер желінетін зат аталса допты қағып алып, ал егер желінбейтін зат аталған жағдайда допты лақтырып тастауы керек.

7. «Корректура» жаттығуы

Жүргізуші қағазға әріптері түсіп қалған немесе орындары ауыстырылған бірнеше сөйлем жазады. Оқушыға сөйлемді тек бір рет оқуға рұқсат етіледі. Содан соң түрлі – түсті қарындашпен түзетеді. Содан кейін көршісіне береді, ол да қателерді басқа түсті қарындашпен түзетуі керек. Жұппен жарыстырып өткізуге болады.

8. «Саусақтар» жаттығуы

Қатысушылар орындықтарға дөңгелек жасап орналасады. Қолдарын тізелеріне қойып, бас бармақтарын бос қояды. Топта «басталды» деген белгі берілген кезде, бас бармақтарын дөңгелек бойынша жылдамдықпен айналдыру қажет. «Тоқта» деген белгі берілген кезде барлық ойыншылар тоқтатуы керек. Ойын уақыты 5 – 15 минут. Бұл ойында қатысушылар әр түрлі сезімде болуы мүмкін. Бұның бәрі зейінге байланысты.