Оригами өнерімен аққу жинақтау

Сырдария аудандық Оқушылар үйі

«Оригами»үйірмесінің жетекшісі: Есбулганова Гульдана

Сабақтың тақырыбы: Модульдерді біріктіріп аққу макетін жасау
Сабақтың мақсаты:

Білімділік: Оригами - қағаз бүктеу өнерінің тарихы, және аққу макетінің жасалу жолдарымен таныстыру.
Дамытушылық: Шығармашылық ойлау арқылы сұлулық пен үйлесімділікті қабылдай білуді, көзбен мөлшерлеуді үйрету.
Тәрбиелік: Оқушыларды еңбекке деген сүйіспеншілігін, қызығушылығын арттыру және қағазбен жұмыс жасағанда бүктеуге, құрастыруға көңіл бөлу, шеберлікке, әсемдікке баулу.
Сабақтың түрі: Сарамандық жұмыс
Сабақтың типі: Жаңа сабақты меңгерту.
Сабақтың әдісі: Сұрақ - жауап.
Пәнаралық байланыс: Тарих, ән - күй, бейнелеу өнері, математика, әдебиет.
Сабақтың құрал - жабдықтары: Қайшы, желім, ақ қағаз, сызғыш, қарындаш.

Сабақтың барысы:
Ұйымдастыру кезеңі
Сәлеметсіздер ме, балалар!
Сабақ бастауға дайынсыңдар ма?
Құралдарың жинаулы ма?
Көңіл күйлерің қандай?

Кіріспе:

Аққулар…
Аңыз көп қой олар жайлы,
Көзіңмен көргеніңдей бола алмайды.
Тек қана тыныштықта ұйықтайды олар,
Шошыса, екінші рет оралмайды.
                                Мұқағали Мақатаев

-Балалар, бүгінгі сабақтың тақырыбы: «Модульдерді біріктіріп аққу макетін жасау.
Ендеше, бүгін біз қағазды бүктеу арқылы оригамидің танымал түрлерінің бірі модульдік оригами техникасын пайдалана отырып, аққу макетін жасаймыз. Мұнда тұтас фигура көптеген ұсақ бөліктерден (модульдерден) жиналады, олардың әрқайсысы қағаз парағынан бүктеліп жасалады. 

Сұрақтар:

1. Аққу туралы қандай аңыз білесіңдер?
2. Аққу қандай құс?

Аққу күйі, аққуға байланысты өлеңдер, видеоларды көрсету

Мақал-мәтел: Аққуды атпайды

Достықты сатпайды

Аққу

Аққу – ежелгі, өмірдің өзгерістеріне тез уйренін құс. Аққу – қазтәрізділер тобына жатады. Қай жерде су болса, сонда аққу өмір сүреді. Дүниежүзі бойынша 150 турі кездеседі. Қазақстан суларында оның екі түрі – сұңқұлдақ аққу және сыбырлақ аққу тіршілік етеді.

Аққулар ұзақ өмір сүретін, өте әдемі, көптеген ақын-жазушылардың шығармасыны арқау болған құстар.

Аққулар  - өте ақылды құс. Олар адамдардың қайсысы мейірімді, кімнің қатігез екенін айыра алады. Сондай-ақ олардың есте сақтау қабілеті де жақсы дамыған.

Аққулар ешқашан да адамдарға шабуыл жасамайды. Егер олардың ұясына немесе балапандарына қауіп төнсе ғана ерекше мінез көрсетуі мүмкін.

Сарамандық жұмыс
1. Қағазды қию, бүктеу әдістерін үйрету.
2. Модульдерді біріктіріп, аққу бейнесін құрастыру

Қайшымен жұмыс жасайтын еңбек қауіпсіздік ережесін еске түсірейік.

Аққу макетінің жасалу жолдары:

Сергіту сәті.
Құстарға біз ұқсайық,
Қане, қанат жазайық.
Ұшып - ұшып алайық.
Орнымызға қонайық.

Оқушылардың білімін бағалау.

1. Оқушылардың сабақтағы белсенділігін атап көрсету.
2. Жасаған жұмыстарын бағалау.

Қорытындылау: Өтсе де қанша замандар,

Тәртіпті берік сақтайды.

Ешқашан есті адамдар,

Аққуларды атпайды!

Үй тапсырмасы: Аққу макетін қағазды бүктеп жалғастыру.