Өрт қауіпсіздігі

Жаңаөзен қызмет көрсету және жаңа технологиялар колледжі

      (білім беру ұйымының атауы)

Сабақ жоспары

Сабақ тақырыбы: Өрт қауіпсіздігі. Білім алушылардың өрт кезіндегі өзін-өзі ұстау ережелері

Модуль /пән атауы: Өндірістік оқыту

Дайындаған өндірістік оқу шебері: Жайлыбаев Е. Отеханова М.

2020жылғы "__" ____________

1.Жалпы мәліметтер

Курс, оқу жылы, топ: 3 курс, 2020-2021 о/ж, 131 топ

Сабақ типі:

      2. Мақсаты, міндеттер

Сабақтың мақсаттары:

Білімділік: Оқу шеберханаларындағы қауіпсіздікті сақтау нормалары мен ережелерін үйрету. Өрт қауіпсіздігі. Білім алушылардың өрт кезіндегі өзін-өзі ұстау ережелерін үйрету.

Дамытушылық: Оқушыларға терең және берік білім беруге, еңбекке деген жоғары кәсіптік шеберлік шығармашылығын қалыптастыру.

Тәрбиелік: Таңдаған кәсіптерінің мазмұнымен таныстыру, оқушыларды еңбек сүюге тәрбиелеу.      2.1 Оқу сабақтары барысында білім алушылар игеретін кәсіби біліктердің тізбесі

      3. Сабақты жабдықтау

      3.1 Оқу-әдістемелік құрал-жабдықтар, анықтамалық әдебиеттер: сабақ жоспары, сабақтың тақырыбы бойынша суреттер

      3.2 Техникалық құралдар, материалдар: плакаттар, сызбалар, әр түрлі аспаптардың кесінділері

      4. Сабақтың барысы

І Ұйымдастыру бөлімі:

-Оқушылармен амандасу.

-Оқушыларды түгендеу.

-Оқушылардың сабаққа әзірлігін тексеру.

II . Сабақтың құрылымы:

-сабақтын тақырыбы мен мақсатын таныстыру.

ІІІ Жаңа тақырыпты түсіндеру.

Өрт шыққан кезде әркім білуге тиісті қауіпсіздік ережелері.

Өрт шыққанын білгенде…

1. Өрттің ауқымы кішкентай болса, крандағы сумен, болмаса қалың дымқыл матамен өшіруге тырысыңыз;

2. Өрт ауқымды болса, 101 нөміріне хабарласып, өрт шыққан мекен-жайды, ненің қалай жанып жатқанын айтыңыз. Өзіңіздің атыңыз бен нөміріңізді де беріңіз. Ол өрт сөндірушілерді күтіп алып, өрт ошағына жедел апаруға керек.  “Менен де басқалар хабарласқан шығар” деп отыруға болмайды;

3. Ғимараттағы барлық тоқ көздерін ажыратып, газ құбырларын жабыңыз;

4. Егер өрт көп қаббатты ғимараттың төменгі қабатында шықса, ғимараттың жоғарғы қабатына немесе төбесіне шығып, көмек күту керек;

5. Далаға шығу жолдарында от болмаса, тез арада ғимаратты тастап шығыңыз;

6. Өрт шыққан аумақтан өту үшін синтетикалық киімдерді шешіп, орнына жүн немесе мақтадан тігілген киім кию керек. Киімдерді сулап, басыңызға ішік, жейде, орамал сынды қалың дымқыл жамылғы жабыңыз. Дәл осылай мұрныңыз бен ауызыңызды да жабу керек. Ол түтіннен уланып қалудың алдын алады;

7. Есіктерді қатты жабыңыз. Себебі от оттегі келіп, жел соққан сайын өрши түседі;

8. Түтіннің арасынан еңкейіп, тізерлеп немесе бүк түсіп өту керек;

9. Пәтерден шықпас бұрын есіктің ар жағында оттың бар-жоғын тексеріңіз. Ол үшін есікке жақын барып, оның тұтқасы сияқты металды жерлерін ұстап көріңіз. Ол ыстық болса, есікті ашпаңыз. Керісінше, есіктің саңылауларын дымқыл матамен бітеп тастаңыз. Есіктің бер жағына су шашыңыз;

10. Ауыз-мұрныңызды дымқыл матамен жауып, пәтердегі барлық адамдарды балконға алып шығыңыз. Балкон болмаған жағдайда, терезені ашып, сырттағыларға белгі беріңіз. Олардың сізді естігеніне сенімді болсаңыз, барлық адамдарды алып, жуыну бөлмесіне кіріп, есігін ішінен мықтап жабыңыз. Ол жерде суды ағызып, үстілеріңіздегі барлық киімді сулау керек. Сол жерде көмек күтіңіз;

11. Өрт шатырда немесе жертөледе шықса, өрт сөндірушілерді шақырып, олар келгенше өрт шыққан аумаққа апаратын есік-терезелерді, люктарды жауып тастау керек;

12. Өрт шыққан үйден адамдарды эвакуациялау кезінде балалардың төсектің астына, сөрелер мен қуыстарға тығылып қалатынын естен шығармаңыз.

Не істеуге болмайды?

1. Киіміңізге от тигенде жүгірмеңіз. Ол оттың одан сайын өршуіне әкеледі. Одан да киімді шешуге тырысу керек, болмаса еденге жатып аунау керек. Егер жаныңыздағы адамның киімі жанып жатса, оны өшіру үшін үстіне дымқыл мата жабыңыз;

2. Терезелерді ашып, түтінді шығаруға болмайды. Таза ауа отты өршітеді;

3. Лифтті қолданбаңыз. Өрт кезінде электр тоқтары өшірілетін болғандықтан, лифт кез келген жерде тоқтап қалуы мүмкін;

4. Қорқынышқа бой алдырып, жоғарғы қабаттан секіруге болмайды.

Зардап шеккендерге алғашқы көмек

1. 103 нөміріне хабарласып, жедел жәрдем шақырыңыз;

2. Күйік алған адамдардың үстіндегі киімін шешуге болмайды. Күйген жеріндегі киімін қиып, теріге жабысқан күйі қалдыру керек. Күйікті спирттелген немесе марганец ерітіндісіне батырылғын матамен жабады;

3. Өте үлкен күйікке шалдыққан адамды үлкен матаға немесе төсек жаймасына орап,  ыстық сусын беріп, жылылау керек;

4. Түтінге уланған адамды таза ауаға алып шығу қажет.

Өрттің алдын алу үшін:

1. Үйде темекі шекпеңіз. Толық сөндірілгеніне көзіңіз жетпей терезеден лақтырмаңыз;

2. Тамақ істеп жатқанда газ плитасын қараусыз қалдырмаңыз;

3. Электр тогы мен газ құбырларын үнемі тексеріңіз. Қандай да бір ақау барын байқасыңыз, бірден арнайы мамандарға хабарласыңыз;

4. Өртке арналған сатылар мен төтенше жағдайда шығатын есіктерді жаппаңыз;

5. Өрт сөндіргішті қолданып үйреніңіз және оны отбасыңыздың мүшелеріне де көрсетңіз. Себебі, өрт шыққанда оның нұсқаулығын оқып тұруға уақытыңыз болмайды;

6. От жағуға арналған сіріңке, оттықтарды балалардың қолы жетпейтін жерге қойыңыз;

7. Балаларыңызға Төтенше жағдайлар жөніндегі қызметтің нөмірлерін жаттатыңыз:

• Өрт сөндірушілер – 101

• Полиция – 102

• Жедел жәрдем – 103

• Газ апатынан құтақру қызметі – 104

• Құтқару қызметі – 109

5. Сабақ бойынша рефлексия

“Аяқталмаған сөйлемдер”

* Бүгін мен...................... білдім *

................. қызықты болды.

*.......................... қиын болды.

*......................... екенін түсіндім.

* Мен енді....................... білемін.

*................................. менің қолымнан келді.

      6. Үй тапсырмасы

      1. Жұмысқа кіріспес бұрын қандай қауіпсіздік талаптарын орындау керек?

2. Жұмыс кезінде сақталатын қауіпсіздік талаптары қандай?

3. Жұмыс соңында орындалатын қауіпсіздік талаптары қандай?

Сұрақтарға жауап беру.