Өзін-өзі тану -өмірді танудың мәні»

Тақырып:«Өзін-өзі тану -өмірді танудың мәні»

Өзін – өзі тану пәні болашақ ұрпақтың бойында рухани адамгершілік қайнарын сіңіріп, мінез – құлқын тәрбиелеуге, жалпыадамзаттық құндылықтарды, адамгершілік принциптері мен мұраттары ғұмыр бойы басшылыққа алатын тұлға қалыптастыруға негізделген.

1. Қоршаған ортаға, табиғатқа деген сүйіспеншілік пен жауапкершілікті қалыптастырады.

2. Шығармашылық жасампаз тұлға ретінде танылуға ықпал етеді.

3. Ортада өзін қалай ұстау керектігін үйренеді, мектеп өміріне бейімделеді.

4. Сабақ балалардың қызығушылығын оятты, оларды толғандыратын көптеген тақырыптарға ашық әңгіме қозғауға мүмкіндік алды.

5. Өмірлік даналықты өз жас ерекшеліктеріне сай дұрысы мен бұрысын ажыратуға үйрене бастады.

6. Өзін – өзі тануға, өзін – өзі тәрбиелеуге, өзін – өзі жетілдіруге талпынады.

7. Өмірді, өзін, айналасын, адамзатты сүюді үйренеді.

8. Өзінің тұлға ретінде өзгенің сыйластығын тудыратын шексіз мүмкіндіктері мен азын – аулақ кемшіліктерін сол қалпында қабылдайды.

9. Жалпыадамзаттық құндылықтар қалыптасады.

10. Рухани адамгершілік құндылықтары дамиды, қайырымдылыққа, мейірімділікке, сүйіспеншілікке тәрбиелейді.

Қазір әр тақырыпқа байланысты,әсіресе отбасы құндылықтарына байланысты тәрбиелік мәні зор видеороликтер көп.Сол видеороликтерден оқушылар көптеген үлгі,өнеге алады және де өздерінің пікірлерін,ойларын ашық айтады. « Мен оның орнында болсам...» -бұлай істеуші едім т түрлі жағдаяттарды талдап,өздерінің ой-пікірлерін білдіре алады.Баланы жан-жақты дамытып, өзінің ішкі жан дүниесін тану арқылы өмірдің мәнін пайымдауға үйретуді мақсат ететін «Өзін-өзі тану» пәні рухани-адамгершілік білімнің қағидалары мен әдістеме-нұсқауларының қайнар көзі – ұлттық, жалпыадамзаттық құндылықтардан негіз алады. Атап айтқанда, халқымыздың аңыз әңгімесі, ертегісі, нақыл сөздері, мақал-мәтелдері, ұлылардан ұлағат алу, ақын-жазушыларымыздың шығармашылық еңбертерінен тәрбиенің түйінін табу, жаманнан жиреніп, жақсыдан үйрену, «Өзін-өзі тану» пәнінің өзегі болып табылады. Бұл пән адамды жеке тұлға, жеке азамат ретінде өмірдің мәнін түсініп, өмірден өзіндік орнын табу үшін ішкі мүмкіндіктерін аша білуі тиіс. Сабақ барысында оқушыны өзінше ойлауға, шешім қабылдауға, өз ісіне жауапты болуға, сыйласымдылыққа, қайырымдылыққа, өзгенің пікірін тыңдай білуге, әркімнің айтқан пікірі өзінше бір құнды екенін, досының еңбегін бағалай білугеүйренеді. Өмірдің осындай қарапайым ақиқатына – ұлттық құндылықтарды меңгере отырып, баланы халқының адал ұлы, «Адам» деген ардақты атаққа лайық болуға жастайынан үйрету қоғам талабы болып отыр. Осындай құндылықтарды оқушыларымыздың бойынан көріп, ата-бабамыздың болашақ ұрпаққа деп қалдырған мол мұрасын осы пән арқылы келесі ұрпаққа жеткізіп жатсақ, ол біздің мақсатымыздың орындалғаны деп ойлаймын.