Пайдалы дәрумендер

1.Ұйымдастырушы-қозғаушы қызмет түрі.

Мақсаты: Балаларға көкөністер мен жеміс жидектердің адам денсаулығына пайдасы жайлы түсіндіру.

Шаттық шеңбері:
Алақанды ашайық,
Күннің нұрын салайық.
Таза ауаны жұтайық,
Жүрекке жылу сыйлайық.

2.Ұйымдастыру іздестіру.

Мақсаты: Олардың құрамы дәрумендерге бай екендігін, тұмау мен суық тию ауруына шалдықпаудағы күресудің жолы екенін көрсету. Ойлау қабілетін дамыту.

Сұрақ-жауап:

-Балалар, қазір жылдың қай мезгілі?

-Дұрыс айтасыңдар, қазір күз мезгілі.

-Күз мезгілінде неше ай бар?

-Дұрыс айтасыңдар, 3 ай бар.

-Күз мезгілінде ауа-райы қандай болады?

-Біз күз мезгілі келгенде үстімізге не киеміз?

-Дұрыс айтасыңдар, балалар! Суықта тоңып ауырып қалмас үшін, біз дәрумендер жеуіміз керек. Ал дәрумендерді қайдан алатынымыз туралы айтамыз. Оларды көкөністерден, жеміс-жидектерден аламыз.

- Жемістер қайда өседі?

- Көкөністер қайда өседі?

Суретпен жұмыс.

- Балалар мына суреттердегі жемістерді атаңдаршы? /көрсету/

- Ал енді көкөністерді атаңдар?

- Бұл жемістер мен көкөністердің біздің денсаулығымызға әсіресе өсіп келе жатқан сендерге өте қажет, өйткені бұларда дәрумендер көп.

Кіріспе әңгіме:

Ал, дәрумендер дегеніміз – тамақтың құрамында болатын, адам ағзасына өте маңызы бар заттар. Дәрумендер әсіресе жемістердің құрамында өте көп болады. Сондықтан күнделікті тамақта жемістерді көп пайдалану керек. Және оларды мұқият жуып жеген жөн. Дәрумендер адам ағзасына өте пайдалы. А, С, В, Д, Е дәрумендері болады. Дәрумендердің А,В,С, Д деген түрлері болады. Оларды біз күнделікті ішіп жүрген тағамдарымыздан кездестіреміз.

«А» дәрумені: қызыл бұрышта, сарымсақта, қызанақта бар.

«В» дәрумені: қиярда, қырыққабатта, сәбізде кездеседі екен.

«С» дәрумені қарақатта, лимонда, мандаринде кездеседі.

«Д» дәрумені: алмада, алмұртта, пиязда, жүзімде .

Осы дәрумендерді көп жесеңдер суыққа төзімді боласыңдар, сүйектерің қатаяды, бұлшық еттеріңе күш береді. Балалар ендеше бәріміз «Дәрумендер» еліне саяхатқа барамыз барайық.

Көрмемен жұмыс.

Тосындық сәт: Қоян жылап келеді.

Қоян:

-Сәлеметсіңдер ме, балалар! Менің жаз бойы күтіп, баптап өсірген сәбіздерімді сиқыршы келіп басқа түстерге ауыстырып жіберді. Мен ол сәбіздерді қысқы азыққа жинап қойып едім.Енді мен түс танымаймын. Маған сәбіздерді ретке келтіруім керек. Сендер түс танисыңдар ма?

Тапсырма: «Қоянның сәбіздері»

Шарты: түстерді ажыратып, сәбіздерді қоянның ыдысына жинап беру

Сергіту сәті:

Алма баққа барайық,

Алма теріп алайық.

Ең үлкенін,дәмдісін,

Қонақтарға сыйлайық.

Қоян:

-Рахмет, сендерге балалар! Сендер болмасаңдар не істер едім. Сендер өте ақылды, тапқыр балалар екенсіңдер!Менің көжектеріме барып, сәбіздерімді беруім керек. Олардың қарындары ашқан шығар. Сау болыңдар, балалар!

-Балалар сендер жәрумендер туралы тақпақ білесіңдер ме?

Тақпақтар:

Медина:

Картоп – біздің атымыз,
Жер астында жатырмыз.
Бір тамырдан тараған –
Ағайынбыз бәріміз.

Нұрдос:

Өсіретін бойыңды,
Дамытатын ойыңды,
Қоянға да азықпыз,
Сәбіздеріміз жазықсыз.
Айзере:

Асханадан шықпаймын,
Атым – пияз бұқпаймын.
Көзден жасты шығарып,
Тұмаудан бірақ сақтаймын.

Тосындық сәт: Топқа Қызыл телпек жылап келеді.

-Сәлеметсің бе, Қызыл телпек. Саған не болды? Неге жылап тұрсың?

Қызыл телпек:

-Сәлеметсіздер ме, балалар менің әжем ауырып қалды. Әжеме ем болсын деп «Дәрумендер» еліне келе жатқан едім. Адасып кеттім.

-Уайымдама, Қызыл телпек. Біз саған көмектесеміз. Сен жолдан адасқан жоқсың. Біз «Дәрумендер» еліндеміз. Біз саған қазір жеміс-жидектер, көкөністер жасап береміз. Олар дәруменге өте бай.

Тапсырмалар:

1-топ: «Дәрумендер»

Шарты: Ермексаздан жасалған кішкентай моншақтарды сәбіз, алмұрт алмаға қойып, түстерің енгізу.

2-топ: «Ананастар»

Шарты: Ананастың қабыршағын жабыстыру.

3-топ: «Шиелер»

Шарты: Жұмсақ ысқышты бояуға батыру арқылы шиені бастыру.

Қызыл телпек:

-Балалар, сендерге көп көп рахмет! Мен енді тезірек әжеме барайын. Балалар мына бәліш сендерге менің рахметім! Оны апайларына берем. Сау болыңдар!

Билингвалдық компонент: Дәрумен – витамин – vitamin, алма – яблоко – apple, сәбіз – морковь – carrot

Сөздік жұмыс: жемістер, көкеністер, дәрумендер.

Дид. ойын: «Көкөністерді тап»

Ойын шарты: Көкөністерді тауып, атын атау.

3. Рефлексивті-түзетушілік.

Мақсаты: Сөйлеу кезінде  сөзді анық айтқызу, мәнерлі айтып жаттықтыру және еңбекке баулу.

-Балалар, бүгін біз қайда саяхат жасадық?

-Бүгін біз қандай дәрумендермен таныстық?

-Бізге бүгін қандай қонақтар келді?

-Дәрумендерге не жатады?

-Сендерге бүгін ұйымдастырылған оқу қызметі сендерге ұнады ма?