«Мектепке дейінгі жастағы балалардың қатысымдық құзырлылықтарын қалыптастыру» тақырыбындағы іскерлік ойынШЕБЕР СЫНЫПДайындаған: Түпқараған ауданы, С. Шапағатов с. МКҚК «Айналайын» б/б әдіскері Сатова Б. М.Мектепке дейінгі тәрбиенің ең басты міндеті баланы білім алудың келесі кезеңіне дайындау, мектеп өміріне - жаңа өмірге дайындау болып саналады. Мектепке дейінгі жастағы балалардың қатысымдық құзырлылықтарын қалыптастыру мектепке дейінгі білім берудің басты ұстанымы болуы тиіс, деп ойлаймын. Яғни, өзіне таныс емес жағдаяттарды, жаңа міндеттерді шешуге дайындау. Мектеп жасына дейінгі баланың қатысымдық құзырлылықтарын қалыптастыру мақсатта педагог әртүрлі жұмыс түрлерін, әдіс-тәсілдерді қолдана білуі шарт: жеке жұмыс, топпен сабақ, тренинг жаттығулар. Баланың жаңа ортада өзін еркін сезініп, ұстай білуін дамытатын, құрдастарымен, өздеріне таныс емес адамдармен тіл табыса білуін қалыптастыратын ойын-жаттығуларға шақырамын.Ойын-жаттығулар1) Үлкен адам 1 затты көрсетеді. Ал бала затқа байланысты сұрақтар қоюы керек. Ең көп сұрақ қойған бала жеңіп шығады. (Мадақтау арқылы белгілеп отыру, жұлдызша тарату.)2) Үлкен адам сөздерді жекелеп атайды. (Көктем, орман, доп т.б.) Балалар сөзге байланысты белгілерді атауы керек. 3) «Жеті күлтелі гүл». Балаларға өз армандарын айтқызу. Егер ол өзіне байланысты болса, сары фишка беру, көпшілікке қатысты болса, қызыл фишка беру. Қорытындылай келе, армандар талқыланады. Кімнің арманы ұнады?4) Балабақшаға жаңадан келген балада ойыншық машина болды. Оны Расул тартып алды. Жаңадан келген бала не істеді, өзін қалай ұстады, деп ойлайсыңдар?Дастан мен Ербол ойнап отыр. Қастарына жасы кішілеу Талғат барды да «Менің де ойнағым келеді» деді. Ербол «Сен әлі кішкентайсың, біз сенімен ойнамаймыз» деді. Дастан не айтты? Ал Талғат қайтті? Не айтты? Неліктен?5) Жұбын сал. 2 бөлек қолғап, бас киім схемасы салынған карточка, 6 түсті қарындаш беру. Екеуге бірдей жұппен суретті бояуды тапсыру. Карандашы екеуіне де жеткілікті болуы шарт. Ал келесі екі жұпқа ортақ карандаш беру. 6) Ертегіге байланысты жағдаяттарды шешу.- «Бауырсақ» ертегісіндегі түлкі бірінші болып кездессе, не болар еді?- «Мақтақыз бен мысық» ертегісінде мысық шақырғанда келе қойса не болған болар еді?9) Ренжісеміз-достасамызӘр ойынды талқылап, қорытындылау. Осы ойындар арқылы түзету-дамытушы міндеттерді атқаруға болады. - байланыстырып сөйлеуін дамыту;- диалог құруға үйрету;- шығармашылық қабілетін дамыту( қабылдау, есте сақтау, ойлау)- қатысымдық құзырлылықтарын дамыту, ұжыммен бір болуға үйрету, бірлесе жұмыс атқаруға баулу.- Ойынға қатысқандарыңызға рахмет! Бұл ойын ұнады ма? Несімен ұнады? Қатысқан ата-аналарға, педагог-тәрбиешілерге жадынамалар тарату.
13 Ақпан 2019
1315
1 рет жүктелген
