Ұзақ мерзімді жоспардың тарауы:

Мектеп:Әлихан Бокейханов атындағы №1гимназия

Күні:

Мұғалімнің аты-жөні: Ерпаизова К.Е.

Сынып: 3 а,ә,б,ғ

Қатысқандар:

Қатыспағандар:

Сабақтың тақырыбы

Программалық қамтамасыз ету: Программалар терезесі

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1.-енгізу (мысалы, тінтуір пернетақта) және шығару құрылғыларын (мысалы, монитор мен принтер) ажырату;

3.1.2.1.-компьютерлік программада қолданушының міндеттерін шешу үшін қажет екенін түсіндіру

3.1.2.4- компьютерлік программада мәзір командаларын қолдану

Сабақтың мақсаты

Барлығы: • Программалар терезесі, терезенің негізгі элементтері, терезе түрлерімен танысу, жұмыс үстелін ұғымын білу, компьютерді қосып, өшіру, терезені тінтуір арқылы басқару, терезені басқару элементтерімен жұмыс жасау.

Басым көпшілігі: • Енгізу (мысалы, тінтуір, пернетақта) және шығару құрылғыларын (мысалы, монитор мен принтер) атау және ажырату, тақырыпқа сай термин сөздерді білу.

Кейбір оқушылар: • Терезенің түрлері мен компьютерлік программаларда мәзір командаларын қолдану, терезелермен ауысуда пернетақта мен тінтуірді тиімді пайдалану, теориялық білімін практикада еркін меңгеру.

Бағалау критерийі

• Программалар терезесі, терезенің негізгі элементтері, терезе түрлерімен атауын, анықтамасын біледі.

• жұмыс үстелін, компьютерді қосып, өшіруді біледі

• тінтуірді басқара алады, практикалық жұмыстар жасайды

• Программалардың терезесімен жұмыс жасайды

• Практика жүзінде терезенің түрлері мен компьютерлік программаларда мәзір командаларын қолданады

• тақырыпқа сай термин сөздерді біледі

• терезелермен ауысуда пернетақта мен тінтуірді тиімді пайдаланады

Ойлау дағдыларының деңгейлері

Білу, түсіну, қолдану, талдау, жинақтау

Тілдік мақсаттар

Лексика мен терминология:

терезе – окно – window,

дербес компьютер – персональный компьютер – personal computer

операциялық жүйе – операционная система – operating system

Программалар терезесіне қатысты тіркестер мен сөйлемдерді пайдалану.

Құндылықтарға баулу

Оқушылар өз бетімен жұмыс жасау, іздену қабілеттерін арттыру. Топта бірлескен жұмысты орындата отырып, бірлескен жұмыс орнату, топта ынтымақтастық атмосферасын қалыптастыру.

Сабақта жауапкершілік, шынайылық, құрмет, ынтымақтастыққа баулу. Бір-бірімен қатынасқа түсе отырып, басқалардың пікірлерін тыңдауға, өз пікірін ашық айтуға дағдылану.

Пәнаралық байланыс

бейнелеу өнері

Алдыңғы білім

Өткен тақырып бойынша сұрақтар беріп, осы сабақпен логикалық көпір құру.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

3 мин

2 мин

6 мин

1.Ұйымдастыру кезеңі. Оқушылармен амандасу, сыныпты түгелдеу.

Сыныпта жағымды ахуал орнату үшін «Сені көргеніме қуаныштымын, себебі...» оқушылар өздерінің қасындағы оқушылардың жақсы жақтарын айтады.

Үстел үстінен теріс қаратылған, жаңа сабақта үйренуге тиісті ұғымдар бейнеленген фото қағаздарын алып, 3 түрлі суреттер бойынша 3 топқа біріктіріледі. 1-топ – тінтуір, 2-топ – жұмыс үстелі, 3-топ – терезе.

Өткен сабақты пысықтау «Көршіңе әңгімелеп бер» әдісі (білу, түсіну) арқылы орындалады.

Топтар берілген тақырып бойынша өзара талқылайды. Екеуара талқылап болған соң, дауыстап, түсіндіріп өтеді. Бұл әдіс оқушылар өз ойларын дауыстап айтып беру үшін пайдаланылады.

3-топқа «Файл», «Бума», «Жарлық» тақырыптары беріліп, дескрипторларға сәйкес бағаланады.

Дескрипторлар :

1. Қарапайым түрдегі және компьютердегі атауларын салыстырып, айырмашылығын айтады, мысал келтіреді.

2. Олардың құрылысын, жасалу жолдарын түсіндіреді.

3. Олардың қызметтерін атайды.

Бас бармақ арқылы қалған топ қорғаған топты бағалайды. Айтылмай кеткен тұстары болса, басқа топ соны байқап, толықтырып кете алады.

Маркерлер, стикерлер, фотосуреттер.

Сабақтың ортасы

5 мин

10 мин

6 мин

6 мин

Сабақтың соңы

2 мин

Жаңа сабақ. Сабақ тақырыбына байланысты алдын ала дайындалған программалар терезесі туралы слайдтар арқылы оқушыларға жаңа тақырып туралы білім қалыптастыру. Көрген білімдерін іс жүзінде тінтуір, компьютерді қосып, өшіруді, терезелермен жұмыс жасауды жасап көрсету.

Термин сөздерді қайталап айтып үйрену:

терезе – окно – window

дербес компьютер – персональный компьютер – personal computer

операциялық жүйе – операционная система – operating system

Тінтуірдің құрылысы

Жаңа тақырып бойынша 1-тапсырма «Постер қорғау» әдісі арқылы жүзеге асырылады. Топтық жұмысқа негізделген бұл әдіс оқушыларды шығармашылыққа баулиды, сыни тұрғыда ойлауға үйретеді, ең бастысы постер жасау арқылы оқушылар Блум таксономиясының қандай деңгейлеріне қол жеткізгендігін көрсете алады. постерлер арқылы оқушылардың білу, түсіну, түйіндеу, қолдану, талдау, бағалау т.б. дағдылары қалыптасады.

Дескрипторлар:

• Тінтуір тобы тінтуір құрылысын, атқаратын қызметін көрсетіп, компьютерді қосып, өшіру жолын айтады, қажетінше суреттер салып, безендіреді

• Жұмыс үстелі тобы жұмыс үстелі мен ондағы компоненттерді атайды, суретін салады;

• Терезе тобы терезе ұғымы және элементтерін, батырмаларын атап, мәліметтер келтіреді, терезе және батырмаларының суретін салады.

Әр топ дереккөз ретінде топқа бөліну парақшасында тұрған суретті пайдаланады.

Бағдаршам арқылы бағалау. Оқушылар басқа топтарды бағалайды.

2-тапсырма «Бірге ойлаймыз» әдісі (білу, түсіну) арқылы орындалады. Топтар берілген тақырып бойынша 2 мин ішінде өзара талқылайды. Талқылап болған соң, дауыстап, түсіндіріп өтеді. Бұл әдіс оқушылар өз ойларын дауыстап айтып беру үшін пайдаланылады.

1-топ – Енгізу құрылғылары

2-топ – Шығару құрылғылары

3-топ – Термин сөздер

Дескрипторлар:

1. Енгізу құрылғыларын атайды, қызметтерін түсіндіреді;

2. Шығару құрылғыларын атайды, қызметтерін түсіндіреді;

3. Жаңа және өткен тақырыптар (құрылғылар,т.б) бойынша термин сөздерді аудармаларымен атайды (мысалы: терезе, тінтуір, пернетақта т.б орыс және ағылшын тілінде ).

Оқушылар геометриялық фигуралар арқылы бағаланады, тиімді кері байланыс жүргізіледі.

3-тапсырма. Деңгейлік тапсырмаларды қамтыған практикалық жеке жұмыс (білу, түсіну, қолдану)

Тапсырма әрқайсысына жеке беріледі, орындай алғандарын белгілеп отырады.

1. Компьютерді іске қосу, тінтуірді басқару, компьютерді өшіру қадамдары:

Іске қосу:

а) монитордың іске қосу батырмасын бас;

ә) жүйелі блокты іске қосу батырмасын бас;

б) компьютердегі программалардың толық жүктелуін күт.

2. Тінтуірді басқару: Жұмыс үстелінде «Мой компьютер» белгісін таңда. Ол үшін тінтуірдің меңзерін белгіге алып барып, сол жақ батырмасымен шерт. Сол жақ батырмасын 2 рет шерту арқылы белгішеге сәйкес программаны іске қос.

3. Терезені тінтуір көмегімен аш, пернетақта көмегімен жап.

4. Терезе батырмаларының қызметтерін пайдаланып, түсіндір

5. Қандай жағдайда компьютерде бірден екі тереземен жұмыс жасау қажеттілігі туындайды? Пернетақта көмегімен қалай бірінші терезеден екіншісіне ауыса аламыз?.

6. Компьютерді өшіруге дайында: Компьютерді өшірер алдында барлық жұмыс істеп тұрған программалардың жұмысын аяқта және сақта. Жұмыс үстеліндегі «Пуск», «Выключение» батырмаларын бас.

Дескриптор :

1.берілген уақыт ішінде әр оқушы өз деңгейіне сай және берілген қадамдар бойынша орындайды.

Мұғалім бұл кезде сырттай бақылап жүреді, дер кезінде тиімді кері байланыс береді, керек болған жағдайда оқушыға қолдау көрсетеді.

Ауызша мадақтау, ынталандыру сөздері айтылады.

Қорытындылау:

Сабақты қорытындылау үшін « Допты лақтыру» әдісі (білу, атау, түсіндіру, жинақтау) арқылы топтар бір-біріне сұрақтар қояды.

Дескриптор:

1. Тінтуірдің құрылысы қандай?

2. Терезе батырмаларын ата.

3. Жұмыс үстелінде не орналасқан?

4. Компьютерді қалай іске қосып, өшіреміз?

Сабақ соңында оқушылар сабақтан алған әсерлерін смайликтер арқылы білдіреді

Үйге тапсырма:

1. «Компьютердің адам өміріндегі маңызы» тақырыбында 4 сөйлемнен тұратын шағын эссе жазу.

2. Терминдік сөздердің орысша және ағылшынша аудармасын, анықтамалар мен түйін сөздерді жазып, оқып келу.

Компьютер,

проектор, слайдтар

АКТ 3сынып оқулығы

Плакат, маркерлер, стикерлер.

Компьютер, оқулық.

Компьютер, оқулық.

Компьютер, оқулық.

Оқулық, фотосуреттер, А4 қағазы

Қима қағаздар

Смаиликтер

Саралау – Сіз қандай тәсілмен көбірек қолдау көрсетпексіз?

Сіз басқаларға қарағанда қабілетті оқушыларға қандай тапсырмалар бересіз?

Бағалау – Сіз оқушылардың материалды игеру деңгейін қалай тексеруді жоспарлап отырсыз?

Денсаулық және қауіпсіздік техникасынсақтау

Бірлескен топтық жұмыс, жеке жұмыс арқылы сабақты меңгерту. Сыныпта жағымды ахуал орнату үшін «Сені көргеніме қуаныштымын, себебі...» әдісін пайдаланамын.

Жаңа сабақта үйренуге тиісті ұғымдар бейнеленген фото қағаздары арқылы топтарға біріктіремін. Ол фотоқағаздарды тапсырма барысында дереккөз ретінде пайдалана алады Өткен сабақты пысықтау «Көршіңе әңгімелеп бер» әдісі (білу, түсіну) арқылы орындалады.

Жаңа сабақ бойынша «Постер қорғау» әдісі, «Бірге ойлаймыз» әдісі, практикалық деңгейлік тапсырмалар, сабақты қорытындылау үшін «Қар бұрқасыны» әдістерін қолдану

Бас бармақ, бағдаршам, геометриялық фигуралар, ауызша мақтау, мадақтау тиімді кері байланыс беру, смайликтер арқылы сабақтан алған әсерлерін байқау. Қабілеті жоғары оқушыларға қосымша тапсырмалар, түсінбеген оқушыларға түрткі сұрақтар беру арқылы сабақ мақсатына жетуіне көмектесемін.

Денсаулық сақтаутехнологиялары.

Сабақта сергіту жаттығуларымен белсенді жұмыс түрлерін қолдану.

Қауіпсіздік техникасы ережелерінің еске түсіру.

Сабақ бойынша рефлексия

Сабақмақсаттарынемесеоқумақсаттары шынайы, қолжетімдіболды ма?

Барлықоқушылар оқумақсатына қол жеткізді ме?Егероқушылар оқу мақсатына жетпеген болса, неліктен деп ойлайсыз?Сабақта саралау дұрыс жүргізілді ме?

Сабақ кезеңдерінде уақытты тиімді пайдаландыңыз ба? Сабақ жоспарынан ауытқулар болды ма және неліктен?

Бұл тарауды сабақ туралы рефлексия жасау үшін пайдаланыңыз. Сол бағандағы өзіңіз

маңызды деп санайтын сұрақтарға жауап беріңіз.

Жалпы бағалау

Сабақта ең жақсы өткен екі нәрсе (оқыту мен оқуға қатысты)?

1:

2:

Сабақтың бұдан да жақсы өтуіне не оң ықпал етер еді (оқыту мен оқуға қатысты)?

1:

2:

Осы сабақтың барысында мен сынып туралы немесе жекелеген оқушылардың жетістіктері/қиыншылықтары туралы нені анықтадым, келесі сабақтарда не нәрсеге назар аудару қажет?