Қазақ аңыз-әңгімелері мен ертегілеріндегі Әйел-Ана образының ерекшелігіКіріспеТақырыптың өзектілігі. Шын мәнінде, қазақ тарихы мен мәдениетін зерделесек, сан ғасырлар бойғы күресте елдігін ерен ерлігімен, асқан парасатымен, шексіз шыдамдылығымен сақтай білген, ұлттық рухты ұрпағының бойына тіл арқылы сіңіре білген Әйел-Аналар да аз емес ( Құртқа, Қарашаш, Домалақ ана,т.б.). Сондықтан ана тілінің тағдырында, бүгіні мен ертеңінде бағзы замандардағыдай аналардың алатын орны, атқаратын рөлін көрсету мен жаңғыртудың мәні ерекше. Демек, тіліміздің алтын арқауын асыл қолдарынан шығармай ұстап, құнарын жоғалтпай сақтап, ұлттық тіліміздің қадірі мен құдіретін ұғындыруды аналардың қасиетті парызы ретінде қазіргі қазақ қоғамында қалыптастыру, оның әлеуметтік-материалдық негізін жасау – өзекті мәселелердің бірі.Зерттеу мақсаты мен міндеттері. Қазақ халқының Әйел-ана туралы тарихи деректерге сүйене отырып, аналық парасаттылығын, адамгершілігін, көрегенділігін, даналығын жан-жақты ашу, тарату, үлгі ету;Зерттеудің нысаны. Қазақ аңыз-әңгімелері мен ертегілеріндегі ананың өмірін, ерекше әулиелік қасиеттерін,аналарымызға тұрғызылған кесененің тұрғызылуын, өмірден өтуі туралы деректерді,халық ауыз әдебиетінің үлгілерін негізгі нысан етіп алдық.Зерттеудің ғылыми жаңалығы мен теориялық мәнділігі. Әйел-Ана образы барлық адамдарға өте мейірімді, ақылды, әулиелігімен белгілі болған. Әйел-ананың осындай қасиеттерін бүгінгі ұрпақ бойына сіңіріп өссе, онда келешегіміздің көкжиегі одан сайын кеңи түсер еді.НЕГІЗГІ БӨЛІМ2.1. Қазақ әдебиетіндегі Әйел – Ана образының тарихи маңызы Ана қызметі айрықша. Ол әуелі үй-іші, отбасы береке-бірлігінің ұйтқысы, одан ауыл, ел ынтымағының нәзік үйлестірушісі. Адуын би, азулы хандардың өзі ел аналарының алдында кішірейіп, оларға ақыл салып отырған. Осы мерейлі Ана бейнесі жазушылардың шығармаларында қалай сомдалған? Қыздарымызға үлгі-өнеге болып, көз алдында тұратын Ана болмысын жасай алдық па? Әлемдік әдебиетте Әйел-Ана образы айрықша дамыған. Қазақ әдебиетінде де Әйел-Ана образы ерекше дәріптеледі. Бұл тұрғыда біз Әйел-ана образының бастау қайнары тарихта екенін еске аламыз. Егер тарихты қазбалайтын болсақ, қазақ әйелінің образы Томиристен басталу керек. Томирис тұлғасы бір ұлы қазақ елінің азаттығын асқақтатып тұр. «Одан кейін М.Әуезовтың «Абай жолы» романындағы Абайдың әжесі Зере, Ұлжандар образы, Ғ. Мүсіреповтың Аналар образы қазақ әдебиетінде нақты орын алған шын мәніндегі мәңгілік образдар. «[3. 77-б.]
ҚР Білім және Ғылым министірлігінің стандартымен жасалған
28 Наурыз 2018
826
2 рет жүктелген
