"Қонжыққа арналған пирамида" ұйымдастырылған ашық оқу қызметі

Астана қаласы әкімдігінің

№64 «Асыл бөбек» арнайы балабақшасы

Ұйымдастырылған оқу қызметі

Тақырыбы: «Қонжыққа арналған пирамида»

ортаңғы «Еркетай» тобы

Тәрбиеші: Бекеева Ұлбосын Жасановна

Астана, 2018ж.

Өтпелі тақырып: «Әрқашан күн сөнбесін»

Тақырыпша: «Мен жасай аламын»

Білім беру саласы: «Шығармашылық»

Бөлімі: «Аппликация»

Тақырыбы: «Қонжыққа арналған пирамида»

Мақсаты:

Білімділік: Ойыншықтар туралы білімдерін жетілдіру; Пирамида ойыншығын сопақша пішіндерден үлкеннен – кішіге қарай орналастыртып төменнен – жоғары қарай желімдеуді үйрету.

Түзету – дамытушылық: Ойыншықтың бейнесін көшіріп , аппликация жасау арқылы саусақ бұлшық еттерінің қозғалысын жетілдіру. Қайшымен, желіммен жұмыс істеу дағдыларын дамыту.

Тәрбиелік: Ойыншықтарды күтіп ұстай білуге тәрбиелеу.

Қолданылатын көрнекіліктер, қажетті құрал-жабдықтар: 

Түрлі ойыншықтар, ойыншық қонжық, пирамида,желім, сулық, ақ ақағаз, үлестірмелі материалдар, дыбыстық сағат, слайд.

Алдын ала орындалатын жұмыс: 

Сопақша пішіндерді үлкеннен кішіге қарай, кішіден үлкенге қарай, жуаннан жіңішкеге қарай, жіңішкеден жуанға қарай топтастырып үйрету.

Сөздік жұмыс: Пирамида.

Ұйымдастыру кезеңі:

Шаттық шеңбері:

Сәлеметсің бе! Алтын күн.

Сәлеметсің бе! Жер – Ана.

Сәлеметсің бе! Құстар.

Сәлеметсің бе! Достар.

Сәлеметсің бе! Апайлар.

Артикуляциялық жаттығулар:

«Қамыр илейміз»

Тіл үйіне келсе, үйде тәтті иіс шығып жатты сөйтсе анасы бәліш пісіріп жатыр екен. Тіл де анасына көмектесіпті. Біз де көмектесейік.

Жаттығуды сипаттау:

Жымиямыз, аузымызды ашамыз да тілді тісімізбен тістеп та – та – та ... дейміз.

«Кесе»

Тіл бәлішті жеп болған соң, шай ішуге кірісті. Қане, тілдің кесесін көрсетейік.

Жаттығуды сипаттау:

Жымиямыз, ауызды ашамыз тілді сыртқа шығарып, мұрынға қарай көтереміз, шайымыз төгіліп қалмас үшін тілдің бүйірлерін де көтереміз.

Тыныс алу жаттығуы: «Жаңбыр жауды»

Мақсаты: Ұзақ мерзімді және бір бағытта үрлеуге үйрету.

Сұрақ – жауап:

- Балалар, жылдың қазір қай мезгілі?

- Көктем.

- Көктем айларын кім атап береді?

- Наурыз, сәуір, мамыр.

- Балалар, менің қолымдағы допты сендерге лақтырамын ал, сендер көктемде қандай өзгерістер болатынын айтасыңдар.

- Күн жылынады.

- Қар ериді.

- Құстар ұшып келеді.

- Ағаштар бүршік атады.

- Аңдар ұйқысынан оянады.

- Жаңбыр жиі жауады.

- Күннің шуағы молаяды.

Сергіту сәті: (Бейнебаян арқылы)

- Балалар біздің ойын бұрышымызда қандай ойыншықтар бар екен атап шығайықшы?

Балалар атайды.

- Балалар ойыншықтар түрлі материалдардан жасалады.

- Мына тұрған пирамидалар пластмассалы материалдардан жасалған.

- Үлкен – кіші доптар үрлемелі резеңкелі материалдардан жасалған.

- Кубиктер ағаштардан жасалған.

- Машиналар темір металдардан жасалған.

- Қонжық, қояндар жұмсақ терілі материалдардан жасалған.

Ғажайып сәт:

Әуенмен Қонжық келеді.

Қонжық:

- Сәлеметсіңдер ме, балалар!

Балалар:

- Сәлеметсіз бе!

Қонжық сен неге мұңайып тұрсың?

Қонжық:

- Бүгін менің сүйікті ойыншығымның бірі пирамидам сынып қалды.

- Ал, сендер осы пирамиданы жасап беруге көмектесесіңдер ме?

- Балалар, қалай ойлайсындар біз қонжыққа көмектесе аламызба?

Балалар:

• Ия.

Қонжық сен мұңайма біздің балалар пирамиданы жасауға көмектеседі.

• Ал, балалар пирамида сөзін буынға бөлейікші.

• Пи – ра – ми – да.

• Неше буыннан тұрады?

• Төрт.

• «Пирамида» сөзінің басында қандай дыбыс естіліп тұр?

• «П» дыбысы.

• «П» дыбысы дауысты ма, дауыссыз ба.

• Дауыссыз.

• Аппликация жасау әдіс – тәсілдері:

Қауіпсіздік ережелері:

1. Достарыңа қайшымен жақындауға болмайды.

2. Қайшымен жүріп бара жатқанда және тұрғанда кесуге болмайды.

3. Қайшыны үстелдің шетіне қоюға болмайды.

4. Қайшыны лақтырма, сермеме.

5. Желімді аузыңа, көзіңе тигізуге болмайды.

6. Қайшымен жұмыс істеп болған соң, орнына қой.

- Пирамиданы жапсыру үшін қандай пішіндер пайдаланамыз?

- Сопақша.

- Қиылған сопақша пішіндерді үлкеннен кіші пішінге дейін қоямыз, үстіне шарды қоямыз енді бәрін желімдейміз.

- Сопақша пішіннің түссіз жағына желімді жағып төменнен – жоғары қарай желімдейміз.

Саусақ ойыны:

«Моншақ»

Қызыл, сары, көк моншақ.

Әжем тізді көп моншақ.

• Балалар біздің елімізде қандай әдемі ғимараттар бар?

• Пирамида, Бәйтерек.

• Ал, олай болса қолымызбен Бәйтерек пен пирамиданы қолымызбен көрсетейікші.

Балалар қолдарын жоғары көтеріп үшбұрышты пішін жасайды.

Қонжыққа балалар жасаған пирамидаларын ұсынады.

Қонжық:

- Балалар сендерге көп – көп рахметімді айтып сендермен қоштасамын. Маған әдемі етіп пирамида жасап бердіңдер. Қош сау болыңдар балалар!

Сергіту сәті: «Добым, добым, домалақ»

Добым, добым, домалақ

Ұстатпайсың сен бірақ.

Үстел үстін бүлдірдің,

Тәрелкені сындырдың.

Тентек болып кеттің деп,

Тұрмын сені тепкім кеп.

Дидактикалық ойын: «Дыбыстық сағат»

Мақсаты: Сағат тілімен «Қ» дыбысынан басталатын суретті сағат тілімен дұрыс көрсете үйрету.

Ойынның шарты: Дыбыстық сағаттағы суреттерді атап сағат тілімен «Қ» быбысынан басталатын суретті сағат тілімен көрсету.

Қорытындылау:

- Балалар бізге қонаққа кім келді?

- Біз қонжыққа не жасап бердік?

- Пирамида қандай пішінге ұқсайды.

Балаларды мадақтау.