Құрылымы күрделі теңдеулер 3ә сынып

Пәні: математика

Мектеп: «№188 мектеп-гимназия» КММ

Мерзімі:22.01

Мұғалімнің аты-жөні:Ертаева Д.М.

Сынып:3 «Б»

Қатысқандар саны:

Қатыспағандар саны:

Тақырып:

Құрылымы күрделі теңдеулер

Оқу мақсаттары

3.2.2.2.көбейту мен бөлуге берілген х:8=9; 51:х=17; 23∙х=46; түріндегі қарапайым теңдеулерді; құрылымы күрделі х∙ (25:5)=60; (24∙3):х=6;х: (17∙2)=2; k+124:4=465 түріндегі теңдеулерді шешу

Күтілетін нәтижелер

Барлық оқушылар:

-көбейту және бөлу амалдарымен келетін теңдеудің оңай тәсілдерін

х:8=9; 51:х=17; 23∙х=46;

құрылымы күрделі теңдеулерді шешеді:

х∙ (25:5)=60;

(24∙3):х=6;

х: (17∙2)=2;

k+124 : 4 = 465

Бірқатар оқушылар:

-теңдеуді ықшамдауды, құрылымы күрделі теңдеуді шешу алгоритмін түсінеді.

Кейбір оқушылар:

-оң және сол жағы күрделендірілген теңдеулерді шешуді біледі.

Тілдік мақсаттар

Оқушылар:

-құрылымы күрделі теңдеулер шешуді түсіндіру, сол жақ бөлігін жеңілдету, белгісіз компонентті атау, белгісіз компонентті табу ережесін біледі.

Пәндік лексика және терминология:

-көбейту мен бөлуге берілген қарапайым теңдеулер, құрылымы күрделі теңдеулер.

Сабақта диалог/жазу үшін пайдаланылатын тіл

Талқылау:

–Егер теңдеу күрделі болса не істеу қажет?

–«Өрнекті жеңілдету немесе қарапайым түрге келтіру» дегенді қалай түсінесің?

–Күрделі теңдеуді қалай тексеруге болады?

Күрделі теңдеуді шешу алгоритмін ұсыныңыз.

Жазу:

Теңдеуді шешуді және тексеруді жаз.

Тірек білім, білік, дағдылар

Көбейту мен бөлуге берілген қарапайым теңдеулер

Жоспар

Жоспарланған уақыт

Жоспарланған іс-әрекет

Қоры

0-3 мин

Ынталандыру.

Әдебиеттің түрлері мен жанрлары туралы әңгімені жалғастырыңдар.

Балалардың осы жылы қандай жанрлармен танысқанын естеріңе түсіріңдер, қазір әдебиеттік оқу сабағында не оқып жатырсындар. Осыдан кейін бірден №1 тапсырмаға көшеміз.

Әдебиеттік оқу бойынша және шығармашылық картиналары.

4-6

Белсендіру.

№1 өзара байланысты үш санды табу арқылы сен жазушының аты мен әдебиет жанрын, шығармасын біле аласың.

Сонымен қатар құрылымы күрделі теңдеуді шешу алгоритмін еске түсіру қажет. Алгоритм тақтаға ілінеді.

Презентацияны қолдануға болады.

Оқулық.

7-11 мин

Мақсат қою (проблемалық жағдаят).

Өздік жұмыс

№2 тапсырмадағы теңдеуді шеш. Оны тексер.

Педагогтің үлгісіне салып бұл тапсырманы орындау және өзін-өзі тексеру оқушылардың теңдеу шешуді қаншалық дәрежеде игергенін көрсетеді.

Осыдан келіп сабақтың мақсаты қойылады –кемшіліктерді түзету .

Оқулық,

дәптер

12-29 мин

Қиындықтарды түзету.

Мұғалім тапсырманың дұрыстығын тексереді.

– Кімде қандай қиындықтар туындады?

– Қай жерде қате жібердіңдер?

– Жіберілген қатенің себебі неде?

–Өздік жұмысты еш кедергісіз орындағандар, өздеріңнің іс-әрекеттеріңнің мақсатын құрыңдар

(Қосымша тапсырма орындау).

–Есепті шығару жолында қиындыққа тап болғандардың ары қарайғы мақсаты қандай?

(Қатемен жұмыс).

– Қатені түзету алгоритмін қолданамыз.

– Әркім өзінің оқу міндетін айтады.

Білімін арттыруға мұқтаж балалар №3 тапсырманы орындайды. Теңдеуді қиындықсыз шеше алатындар, өзгелерге кеңесші болады немесе өзге тапсырмаларды орындайды.

Дәптер,

Оқулық.

30-35 мин

Өткен материалмен жұмыс.

Педагог балалардың деңгейіне қарай жеке тапсырма береді.

№4-8 тапсырмалар кез келген ретпен орындалады. Тапсырманы жұп болып орындауға немесе топқа бөліп беруге болады.

Есепті модельдеуге ерекше көңіл бөлінеді.

Бұл сабақта теңдеудің көмегімен шығарылатын есептердің топтамасы басталады.

№7 тапсырмаға теңдеудің шешуін жазуды еске түсіруге көмектесетін тірек кесте берілген. Педагог берілген түсіндірмеге назарларын аударады. Педагог жазу ережесін және есепті шешудің алгабралық тәсілі кезіндегі жауапты естеріне түсіреді.

№8 тапсырмада арифметикалық таңбалар мен жақшалар қою қажет. Бұл – күрделілігі жоғары тапсырма.

Өздік жұмыс

Осыдан кейін мұғалім дәптердегі бағалау критерийі бойынша тапсырма береді.

Шеш. Тексер.

(40∙3):х=6 25:5∙а=450

Мен:

• құрылымы күрделі теңдеуді ықшамдауды;

• теңдеудің түбірін табуды;

• кестеден тыс жағдайда көбейту мен бөлуді ауызша орындауды;

• тексеру жасауды білемін.

Бағалау критерийі бойынша өз жетістіктерін көрсетпес бұрын, мұғалім білімдерін тексеруге тапсырмалар береді (шешілген теңдеулер). Сонымен, оқушылар өз жұмыстарын салыстыра отырып тексеру орындайды. Ары қарай өзін-өзі бағалау жұмысы жүргізіледі.

Сабақтың тақырыбына байланысты сұрақтар құрастыр.

Әр жаңа сабақта немесе бекіту сабағында оқушылар сұрақтар құрастырады. Бұл тақырыпты ұғынып, дұрыс қабылдауға мүмкіндік береді. Оқулықта берілген сөздермен сұрақтар құрастыру керек. Мына тәсілдерді қолдануға болады: түймедақ немесе Блум текшесі.

Дәптер, кітап, теңдеуді шешу-презентациясы

35-40 мин

Рефлексия.

Балалардың жеке қиыншылығын ескере отырып, үйге берілетін тапсырманы анықтайды.

– Сабақтың басында біз алдымызға қандай мақсаттар қойдық?

– Осы мақсаттарыңызға жете алдыңыздар ма?

– Қиындық туындады ма?

– Сол қиындықтарды жеңе алдыңыз ба?

– Бүгінгі сабақ несімен қызықты болды?

Өз жұмысын жетістік жолағы бойынша бағалауды ұсынады.

Жетістік жолағы