Қыс қызығы

Тақырыбы: «Қыс қызығы»

Мақсаты: музыка тыңдауға, ән айтуға, музыкалық-ырғақтық қимылдарға

Қызығушылықтарын қолдап, дамыту.Балаларды бейнелі рөлде ересек адам қолындағы ойыншық орындайтын қарапайым сюжетті ойындарға қатысуға дайындау.

Әдіс- тәсілі: Сайыс, әңгіме, ырғақты-қимылдар.

Көрнекілігі:Аққала, эмблема, плакат.

Оқу іс-әрекетінің барысы: Шаттық шеңбер:

Үлкенге де «Сіз»

Кішеге де «Сіз»

Баршаңызға құрметпен

Бас иеміз Біз!

Тәрбиеші: Жарайсыңдар,балалар. Ал енді орнымызға жайғасып бүгінгі оқу іс- әрекетімізді бастайық. Бүгінгі біздің ашық ұйымдастырылған оқу іс-әрекетіміздің тақырыбы «Қыс қызығы» .

Алдымен балалар, ойын ойнайық. «Ойыншықтың атын табу».

Балалар ойын ойнайды.

Тәрбиеші: Ал енді жұмбақ шешейік.

Ойлаңдар да ойнаңдар

Сәбіз мұрын кімде бар?

Шелек киген басына,

Айтыңдаршы балалар?

Балалардың жауабы: Айтамыз,айтамыз,

Аппақ қардан жасаймыз

Шыдайды ол аязда

Көңілді ол аққала.

Ғажайып сәт: Бөлмеге Аққала кіріп келеді.

Тәрбиеші: Амансың ба , Аққала.

Аққала: Мені осы балалар кеше ғана тұрғызып еді ,жалғыз қалдырып –қашып кетті. Енді еріп бара жатыр едім дауыстарыңды естіп келдім. Мүмкін мен бұларға керек емес шығармын?

Балалар: Керексің , керексің.

Тәрбиеші: Саған арнап біздің балалар Аққала әнін айтып береді.

Аққала: Балалар мен сендермен ойнағым келіп тұр. Көңілім көтеріліп қалды.

Тәрбиеші: Ойнаймыз ба балалар?

Балалар:Ойнаймыз,ойнаймыз

Ойынға біз тоймаймыз.

Аққаланы құрастыру ойыны ойналады. Суретін үшке бөліп магниттік тақтаға рет-ретімен жапсыру керек. Балалар екіге бөлініп жарысады. Топтарға аттар беріледі: Қыран тобы, Балдырған тобы.

Тәрбиеші: Балалар сендер ойын ойнап шаршаған боларсыңдар, боймызды бір сергітіп алайық.

Қыр үстінде қар-қар

Шырша үстінде қар-қар

Қыр астында ақ аю

Ұйықтайды екен ай-ай

Тыныш-тыныш балақай

Шуламаймыз біз бұлай.

Аққала: Балалар мен еріп бара жатырмын, көмектесіңдерші.

Балалар үрлейді,желпиді.

Тәрбиеші : балалар бұл Аққалаға жеткіліксіз оданда біз оған өнерімізді көрсетейік. «Үнді» биін билеп берейік.

Аққала: Бәріңе ризамын ,балалар. Қош сау болыңдар.

Тәрбиеші: Балалар біз қыз мезгілінде қандай ойындар ойнаймыз? Немен ойнаймыз? Қыс мезгілі сендерге ұнай ма?

Балалардың жауабы.

Шаттық шеңбері:

Бәріміз дос бауырмыз

Сау болыңыз дейміз біз.