"Қызылорда облысы аумағында әлеуметтік-кәсіпкерлік корпорациясының қызмет атқаруы"

1-бап.Жалпы ережелер

1. Осы Жарғы «Байқоңыр (Байконур)» әлеуметтік-кәсіпкерлік корпорациясы» акционерлік қоғамы (әрі қарай-Қоғам) заңды тұлғаның құқықтық мәртебесін, мақсаттарын, өкілеттіліктері мен қызметінің негізгі қағидаттарын айқындайды

«Байқоңыр (Байконур)» әлеуметтік-кәсіпкерлік корпорациясы» акционерлік қоғамының алғашқы атауы «Қызылорда» әлеуметтік-кәсіпкерлік корпорациясы» акционерлік қоғамы болып табылады. «Қызылорда» әлеуметтік-кәсіпкерлік корпорациясы» акциогнерлік қоғамы «Байқоңыр (Байконур)» әлеуметтік-кәсіпкерлік корпорациясы» ұлттық компаниясы» акционерлік қоғамы болып Қызылорда облысы әкімдігінің 2013 жылғы 29 қаңтардағы №4 қаулысымен қайта аталған. Содан кейін, Қызылорда облысы әкімдігінің 2018 жылғы 08 тамыздағы №1199 қаулысымен «Байқоңыр (Байконур)» әлеуметтік-кәсіпкерлік корпорациясы» ұлттық компаниясы» акционерлік қоғамы «Байқоңыр (Байконур)» әлеуметтік-кәсіпкерлік корпорациясы» акционерлік қоғамы болып қайта аталды.

2. «Байқоңыр (Байконур)» әлеуметтік-кәсіпкерлік корпорациясы» акционерлік қоғамы Қызылорда облысы бойынша өңірлік даму институты болып табылады.

3. Қоғамның толық атауы:

• мемлекеттік тілде: «Байқоңыр (Байконур)» әлеуметтік-кәсіпкерлік корпорациясы» акционерлік қоғамы;

• орыс тілінде: Акционерное общество «Социально-предпринимательская корпорация «Байконыр (Байконур)».

1. Қоғамның қырқартылған атауы:

• мемлекеттік тілде: «Байқоңыр (Байконур)» ӘКК» АҚ;

• орыс тілінде: АО «СПК «Байконыр (Байконур)».

1.5. Қоғамның атқарушы органының орналасқан жері : Қазақстан Республикасы , 120014, Қызылорда облысы, Қызылорда қаласы, Мұратбаев көшесі, 4 үй.

2-бап. Қоғамның заңды мәртебесі

2.1. Қоғам Қазақстан Респубдикасының заңнамасына сәйкес заңды тұлға болып табылады, дербес теңгерімі, банктік шоттары бар, өз атынан мүліктік және жеке мүліктік емес құқықтарды сатып алады және жүзеге асырады, міндеттер алады, соттар талапкер және жауапкер бола алады.

2.2. Қоғамның өз атауы жазылған мөрі, бланктері және өз қызметін жүзеге асыру үшін қажетті басқа да деректемереі бар.

2.3. Қоғам өз қызметінде Қазақстан Республикасының Конституциясын, Қазақстан Республикасының заңнамасын және осы Жарғыны, сондай-ақ корпоративтік басқару кодексін басшылыққа алады.

2.4. Қоғам Қазақстан Республикасының заңнамасында белгіленген тәртіппен заңды тұлғалардың жарғылық капиталдарына қатысуға құқылы.

2.5. Қоғам Қазақстан Республикасының заңнамалық актілерінде көзделген тәртіппен оның орналасқан жерінен тыс жерлерде заңды тұлға болып табылмайтын және олар туралы Ережелердің негізінде Қоғамның атынан және тапсырмасы бойынша әрекет ететін филиалдар (өкілдіктер) құруға құқылы.

3- бап. Қоғамның және акционерлердің жауапкершілігі

3.1. Қоғам өз мүлкі шегінде өз міндеттемелері бойынша жауапкершілік алады.

3.2. Қоғам өз акционерлерінің міндеттемелері бойынша жауап бермейді. Акционерлер Қазақстан Республикасының заңнамалық актілерімен көзделген жағдайларды қоспағанда, қоғам міндеттемелері бойынша жауап бермейді және өздеріне тиесілі акциялар құны шегінде Қоғам қызметіне байланысты шығындар тәуекелін көтереді.

3.3. Қоғам мемлекеттің міндеттемелері бойынша жауап бермейді, сол сияқты мемлекет те оның міндеттемелері бойынша жауап бермейді.

4-бап.Қоғам мақсаттары мен қызметінің түрлері

4.1. Қоғамның негізгі қызметі мемлекеттік және жеке секторларды шоғырландыру арқылы Қызылорда облысынң экономикалық дамуына жәрдемдесу болып табылады.

4.2. Қоғамның негізгі түрлері:

• кластерлік әдіс негізінде бірыңғай экономикалық нарық құру;

• инвестициялар мен инновацияларды тарту үшін қолайлы экономикалық орта қалыптастыру;

• инвестициялық жобаларды әзірлеуге және іске асыруға қатысу;

• әлеуметтік саланы дамытуға бағытталған бағдарламаларды әзірлеуге және іске асыруға қатысу;

• Қазақстан Республикасының Үкіметі бекіткен пайдалы қазбалардың түрлері мен қорлары көлемінің тізбесінде айқындалған пайдалы қазбалар, оның ішінде кең таралған пайдалы қазбаларды барлау, өндіру, қайта өңдеу;

• мемлекеттік меншік активтерінің бір бөлігін, жерді Қоғамның меншігіне беру бойынша мемлекеттік органдармен өзара әрекеттесу;

• қоғамның жарияланған акцияларын төлеуге мемлекет берген ұйымдарды оңалту және қайта құрылымдау жөніндегі жобаларды әзірлеу және іске асыру немесе олардың негізінде жаңа өндірістерді құру;

• бизнес-жобаларды, оның ішінде концессиялардың және кластерлік бастаманың негізінде іске асысру;

• шағын және орта бизнесті дамытуға араналған институционалдық жағдайлар жасау;

• мемлекеттік-жеке меншік серіктестік негізінде бәсекеге қабілетті, экспортқа бағдарланған өндірістер құру болып табылады;

• Қазақстан Республикасы Үкіметінің резервінен қаражат бөлу туралы Қазақстан Республикасы Үкіметінің 2011 жылғы 23 маусымдағы № 692 Қаулысын жүзеге асыру шеңберінде Қызылорда облысында тұрғын үй-коммуналдық шаруашылығын жаңғырту саласын қаржыландыру;

• Қазақстан Республикасы Үкіметі шешімдерімен бекітілген тапсырмалар шеңберінде азық-түлік тауарлары бойынша тұрақтандыру қорын құру бойынша қызметті қаржыландыру;

• «Жұмыспен қамту-2020» бағдарламасы аясында қарыз операциясын жүзеге асыру;

• -концессиялық ұсыныстар бойынша;

-конкурстық құжаттама бойынша, оның ішінде оған өзгерістер мен толықтырулар енгізу кезінде;

-концессионерді таңдау жөніндегі конкурсты өткізу кезінде конкурсқа қатысушылар ұсынған концессиялық өтінімдер бойынша;

-концессия шарттары жобалары бойынша, оның ішінде концессия шарттарына өзгерістер мен толықтырулар енгізу кезінде қорытындылар енгізу кезінде сараптама жүргізу;

• жергілікті мемлекеттік-жекешелік әріптестік жобаларының тұжырымдамасына, жергілікті мемлекеттік-жекешелік әріптестік жобаларының конкурстық құжаттамасына және мемлекеттік-жекешелік әріптестік шартының жобасына, сондай-ақ оларға өзгерістер мен толықтырулар жүргізген жағдайда, сараптама жүргізу;

• индустриялық-инновациялық жобаларды қолдау.

4.3. Мемлекеттік лицензиялауға жататын қызметті Қоғам тиісті лицензиясы болған кезде жүзеге асырады.

4.4. Қоғам оны құрудың мақсаттарына қайшы келмейтін өзге қызметті жүзеге асыруға құқылы.

Әлеуметтік-кәсіпкерлік корпорация қызметінің қағидаттары
      Әлеуметтік-кәсіпкерлік корпорацияның қызметі мынадай қағидаттарға негізделеді:
      1) заңдылық;
      2) басқару жүйесінің жариялылығы мен ашықтығы;
      3) өзара іс-қимыл мен экономиканың жеке және мемлекеттік секторлары мүдделерінің теңгерімділігін қамтамасыз ету;
      4) өңірдің әлеуметтік маңызы бар жобаларын іске асырудың басымдығы;
      5) әлеуметтік-кәсіпкерлік корпорацияларға берілген активтерді мақсатты пайдалану.

5-бап . Әлеуметтік-кәсіпкерлік корпорацияның функциялары

      Мыналар:
      1) әлеуметтік-кәсіпкерлік корпорациясының жарғылық капиталға (меншікке) берген активтерін басқару;
      2) кәсіпкерлікті дамыту үшін жағдай жасау;
      3) әлеуметтік-кәсіпкерлік корпорацияның жарияланған акцияларын төлеуге мемлекет берген ұйымдарды оңалту және қайта құрылымдау, олардың негізінде жаңа өндірістер құру;
      4) жеке бизнеспен әріптестікте инвестициялық жобаларды әзірлеуге және іске асыруға қатысу, оның ішінде инвестициялар тарту;
      5) Қазақстан Республикасының аумағында өңіраралық экономикалық байланыстарды және жобаларды дамыту;
      6) индустриялық аймақтарды, технопарктерді, арнайы экономикалық аймақтарды дамыту үшін жағдай жасау;
      7) тиісті өңірдің әлеуметтік саласын дамытуға бағытталған бағдарламаларды әзірлеу және іске асыру әлеуметтік-кәсіпкерлік корпорацияның функциялары болып табылады.

9-бап . Қазақстан Республикасы Үкіметінің құзыреті

    Қазақстан Республикасы Үкіметінің әлеуметтік-кәсіпкерлік корпорацияның қызметі саласындағы құзыретіне мыналар жатады:
      1) әлеуметтік-кәсіпкерлік корпорациялардың қызметі саласындағы мемлекеттік саясаттың негізгі бағыттарын әзірлеу;
      2) Әлеуметтік-кәсіпкерлік корпорацияларды дамыту мәселелері жөніндегі мамандандырылған кеңес (бұдан әрі - Мамандандырылған кеңес) туралы ережені бекіту, Мамандандырылған кеңесті құру және оның құрамын өзгерту;
      3) жер учаскелерін қоспағанда, әлеуметтік-кәсіпкерлік корпорацияның жарғылық капиталына (меншігіне) төлеміне беруге жататын мүліктің тізбесін айқындау;
      4) әлеуметтік-кәсіпкерлік корпорациялардың инвестициялық және әлеуметтік, оның ішінде инвестициялық және әлеуметтік басымдықтарды, жобаларды іріктеу рәсімдерін, ықтимал шарттарды, жобаларға қатысу тәртібі мен мерзімдерін, қарыз қаражаттарын тартуға сандық шектеулерді белгілейтін қызметтерінің негізгі бағыттары туралы меморандумдарды бекіту.

13-бап. Әлеуметтік-кәсіпкерлік корпорацияның құқықтары мен
      міндеттері

  1. Әлеуметтік-кәсіпкерлік корпорация мыналарға:
      1) тиісті мемлекеттік органдардан әлеуметтік-кәсіпкерлік корпорацияның жарғылық капиталын (меншігін) төлеуге берілуі мүмкін мемлекеттік меншік объектілерінің болуы туралы ақпаратты сұратуға;
      2) уәкілетті органға әлеуметтік-кәсіпкерлік корпорацияның жарғылық капиталына (меншігіне) беруге жататын мүліктің тізбесін қалыптастыру үшін мемлекеттік меншік объектілерін айқындау жөніндегі ұсынысты енгізуге құқылы.
      2. Әлеуметтік-кәсіпкерлік корпорация мыналарға:
      1) өз қызметін Қазақстан Республикасының Үкіметі бекітетін Инвестициялық және әлеуметтік қызметтің негізгі қағидаттары туралы меморандумға сәйкес жүзеге асыруға;
      2) әлеуметтік-кәсіпкерлік корпорация құрылған өңірде іске асыруға арналған әлеуметтік жобаларға іріктеуді жүзеге асыруға;
      3) уәкілетті органға әлеуметтік-кәсіпкерлік корпорацияның қызметі, іске асырылуы жоспарланып отырған және іске асырылған әлеуметтік жобалар және активтерді мақсатты пайдалану туралы жыл сайынғы есепті ұсынуға;
      4) ол құрылған өңірлерде әлеуметтік жобаларды халық мүддесінде іске асыру үшін таза табыстың кемінде елу пайызын қайта инвестициялауға;
      5) тиісті өңірдегі әлеуметтік-кәсіпкерлік корпорацияның қызметі мәселелері бойынша азаматтардың және заңды тұлғалардың өтініштерін қарауға;
      6) жыл сайын тиісті өңірдің аумағында таралатын мерзімді баспасөз басылымдарында өз қызметінің негізгі бағыттары мен іске асырылған және/немесе іске асыру жоспарланған әлеуметтік жобалар туралы ақпаратты жариялауға міндетті.
      3. Әлеуметтік-кәсіпкерлік корпорацияның жарғысында Қазақстан Республикасының заңдарына қайшы келмейтін өзге де құқықтар мен міндеттер көзделінуі мүмкін.

14-бап . Әлеуметтік-кәсіпкерлік корпорацияның жеке кәсіпкерлік
      субъектілерімен өзара іс-қимылы

1. Әлеуметтік-кәсіпкерлік корпорация Қазақстан Республикасының заңнамасына сәйкес мынадай:
      1) әлеуметтік-кәсіпкерлік корпорацияның заңды тұлғалардың жарғылық капиталын қалыптастыруға қатысу;
      2) жеке кәсіпкерлік субъектілерімен жай серіктестікті (бірлескен қызметті жүзеге асыру) немесе консорциумды құру;
      3) заттай құқықтарды іске асыру кезінде (жер қойнауын пайдалану, жерді пайдалану) үлестік қатысуға арналған келісімдерді жасау;
      4) әлеуметтік-кәсіпкерлік корпорация іріктеген әлеуметтік жобаларды іске асыру жөніндегі қызметті қаржыландыру;
      5) егер Қазақстан Республикасының заңнамасында өзгеше белгіленбесе, өзге де азаматтық-құқықтық қатынастар нысанында жеке кәсіпкерліктің өзге де субъектілерімен өзара іс-қимылды жүзеге асырады.
      2. Жеке кәсіпкерлік субъектілері құратын заңды тұлғалардың жарғылық капиталында әлеуметтік-кәсіпкерлік корпорацияның қатысу үлесі қырық тоғыз пайыздан асып кетпеуі тиіс.

Қорытынды және өтпелі ережелер

20-бап . Өтпелі ережелер

Өз атауларында "әлеуметтік-кәсіпкерлік корпорация" деген сөздерді пайдалана отырып, осы Заң қолданысқа енгізілгенге дейін тіркелген және осы Заңның 1-бабының 1-тармағының талаптарына сәйкес келмейтін заңды тұлғалар Қазақстан Республикасының заңнамасында белгіленген тәртіппен осы Заң қолданысқа енгізілген күннен бастап үш ай ішінде мемлекеттік қайта тіркелуге тиіс.

21-бап. Осы Заңды қолданысқа енгізу тәртібі

Осы Заң алғаш рет ресми жарияланған күнінен бастап күнтізбелік он күн өткен соң қолданысқа енгізіледі.