«Қызықты математика»

Ұйымдастырылған оқу іс-әрекеті: Қарапайым математикалық ұғымдарын қалыптастыру, Жапсыру.

Тақырыбы: «Қызықты математика»

Мақсаты: Балаларға өз еркімен атқаратын тапсырма беріп, өткен іс-әрекеттерде танысқан сандарға талдау жасату. Сандарға байланысты алған білім деңгейін бақылау.

Көрнекілігі: Үш түрлі үйдің суреті, геометриялық фигуралар, кеспе сандар, Монтессори материалдар,хат салынған конверт т.б.

Қызмет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

-Балалар, қараңдаршы, бүгін біздің іс-әрекетімізге көптеген қонақтар келіпті. Алдымен қонақтармен сәлемдесіп алайық, ал содан кейін шаттық шеңберін құрайық.

-Саламатсыздар ма, қонақтар!

Көріп тұрмын шеңберге,

Тұрыпты барлық достарым.

Оңға қарай жүрейік, 1, 2, 3.

Солға қарай жүрейік, 1, 2, 3.

Жиналайық ортаға, 1, 2, 3.

Орнымызды табайық, 1, 2, 3.

Жымияйық, күлейік,

Сабақты біз бастайық.

Балалар орындарына жайғасады.

Ізденуші-құрастырушы

Тосынсый.

-Балалар, мен жаңа балабақшаға келе жатып, пошта жәшігін қарасам, бізге хат келіпті. Кімнен екен? Мыстан кемпірден келіпті ғой. Кәне оқып көрейін. Бұл хатта біз Мыстан кемпірге арнап сиқырлы орамал жасап беруіміз керек екен. Егер біз оның тапсырмасын жақсылап орындасақ, ол бізге сиқырлы жібін сыйлайды екен. Қалай, балалар, Мыстан кемпірдің тапсырмасын орындаймыз ба? Ендеше, ол келгенше тезірек жұмысқа кірісейік.

-Қараңдаршы, сендердің алдарыңда орамалдар жатыр, осы орамалдарды сиқырлы орамалдарға айналдыру үшін, біз оларды әдемілеп, дұрыстап сәндеуіміз керек.

-Орамалдың оң жақ жоғары бұрышына шаршыны, сол жақ төменгі бұрышына үшбұрышты, оң жақ төменгі бұрышына сопақшаны, сол жақ жоғарғы бұрышына шеңберді,ортасына ромбты орналастырамыз.

-Енді өз жұмыстарыңды тексеріп көріңдер.

Мыстан кемпір: - Саламатсыңдар ма, балалар! Менің хатымды алдыңдар ма? Ал, тапсырмамды ше, орындап қойдыңдар ма?

Мыстан кемпір: Ой, жақсы болды ғой, орамалдарың қандай әдемі. Енді мен де өз уәдемді орындап, сиқырлы жібімді берейін.

-Енді, көздеріңді жұмыңдар, ал мен мына сиқырлы жіпті дөңгелетейін, бізді қайда алып барар екен? Міне келіп те қалдық, көздеріңді ашсаңдар да болады. Қараңдаршы, біз Математика әлеміндегі Математика көшесіне келдік. Не көріп тұрсыңдар?

-Қанша үй бар екен, санап көрейікші?

-Бірінші үйде нелер тұрады екен?

-Ендеше, мына тақтадағы сандарды тура және кері қарай санауды есімізге түсірейікші.

-Ал, енді сендердің осы сандарды қалай естеріңде сақтағандарыңды тексеріп көрейік. Балалар, «Көршісін ата» деген ойын ойнап жіберсек қалай қарайсыңдар? Ойнағыларың келе ме?

Д/ойын: «Көршісін ата»

-Балалар, біз өткен іс-әрекеттерімізде мына «Ұршықтар мен сандар» және «Чипсылар мен сандар» материалдарымен жұмыс жасаған едік қой, кәне кімнің осы материалдармен жұмыс жасағысы келеді?

-Балалар, мына үстелдің үстіндегі заттарға назар аударайықшы. Мұнда мынадай карточкалар бар, бұл карточкалар жай карточкалар емес, ішінде сандар бейнеленген карточкалар. Ал, мына ыдысқа ірі дәндер салынған. Ендеше, осы заттарды пайдаланып, ойын ойнағыларың келе ме? Онда әрқасысың бір-бір карточкадан алып, қандай сан жазылса сонша бұршақ санап алыңдар.

-Жарайсыңдар, балалар, енді жібімізді әрі қарай дөңгелетейік.

Міне екінші үйге де келдік. Бұл үйде кімдер тұрады екен? Ендеше, біз де осы спортшылар сияқты орнымыздан тұрып, Сергіту сәтін жасап жіберейік.

Ал, санайық, санайық,

Санын біліп алайық.

Біреу, екеу, үшеу, төртеу, бесеу,

Қолымда сонда саусағым нешеу?

Оң қолымда бес саусақ,

Сол қолымда бес саусақ,

Қосып едім екеуін

Болып шықты он саусақ.

-Жарайсыңдар, балалар. Жібіміз бізді әрі қарай шақырып жатыр.

-Міне үшінші үйге де келіп жеттік. Бұл үйде нелер тұрады екен?

-Өте дұрыс, сендердің алдарыңда да осындай геометриялық фигуралар жатыр, оларды алдарыңа ретімен қойып шығамыз.

-Сопақша нешінші тұр, үшбұрыш ше, т.б.

-Енді мұқият қараңдаршы , фигуралардың бір-бірінен айырмашылығы қандай?

Балалар хаттың мазмұнын білуге асығады.

Мыстан кемпірдің тапсырмасын орындауға келіседі.

Балалар тәрбиешінің айтуы бойынша геометриялық пішіндерді орамалдың бетіне орналастырады.

Тақтаға ілінген үлгі суретке қарап өз жұмыстарын тексереді.

-Саламатсыз ба, Мыстан кемпір! ---Ия, алдық. Орындап қойдық.

-Рахмет.

Балалар көздерін жұмып, саяхатқа аттанады.

-Үйлерді көріп тұрмыз.

-1,2,3.

-Сандар тұрады.

1-10 дейінгі сандарды тура және кері қарай санайды.

-Ойнағымыз келеді.

2 бала осы Монтессори материалдармен жұмыс жасайды.

Қалған балалар үстелді айналып тұрып тәрбиешінің түсіндірмесі бойынша ойынға қатысады.

-Спортшылар тұрады екен.

Балалар қимылмен өлең жолдарын қайталап айтып шығады.

-Геометриялық фигуралар тұрады.

1.Шаршы.

2.Үшбұрыш.

3.Сопақша.

4.Тіктөртбұрыш.

5.Шеңбер.

6.Ромб.

7.Трапеция.

-Пішіндері әртүрлі.

-Түстері әртүрлі.

-Көлемі әртүрлі.

Балалар сұрақтарға жауап береді. Қонақтармен қоштасады.

Рефлексивті-коррекциялаушы

-Жарайсыңдар, балалар, енді жібіміз балабақшаға қарай дөңгелеп бара жатыр. Міне, балабақшаға да келдік.

-Балалар, сендерге саяхат ұнады ма?

-Сендерге сиқырлы жіпті кім берді?

Жіп бізге қандай қызмет жасады?

Біз «Математика елінде» не көрдіңдер?

-Осымен бүгінгі ашық ұйымдастырылған оқу іс-әрекетіміз аяқталды. Сендерге көп рақмет. Ал, енді қонақтармен қоштасайық.

Балалар сұрақтарға жауап береді. Қонақтармен қоштасады.

Күтілетін нәтиже:

Жаңғыртуы: карточкалармен жұмыс жасауды.

Түсінуі: геометриялық фигуралар туралы түсінікті.

Қолдануы: ойындардың ережесін бұзбау. Сұрақтарға жауап береді.